• News
  • Views
  • Videos
  • Movies
  • Sports
  • Money
  • Women
  • Crime
  • Auto
  • Tech
  • Career
More
  • Updates
  • Jobs
  • Features
  • Education
  • Current Affairs
  • GK
  • Exam Special
  • Career Guidance
  • Videos
  • GK & CA
  • YearBook
  • Education-English

കൈല്‍ മേനാര്‍ഡ്: കൈകാലുകളില്ലാതെ 19340 അടി ഉയരത്തില്‍ കിളിമഞ്ചാരോ കീഴടക്കിയ യുവാവ്

Debashis Chatterjee
Nov 25, 2019, 08:31 PM IST
A A A

പരിമിതികളെ അറിയുക നല്ലതാണ്, പക്ഷേ, അതു മറികടക്കാനുള്ള നിതാന്ത പരിശ്രമം തുടരേണ്ടതാണെന്നു ഓര്‍മിപ്പിക്കുകയാണ് കൈലിന്റെ ജീവിതം

# ദേബശിഷ് ചാറ്റര്‍ജി | vijayamanthrammbi@gmail.com
Kyle Maynard: The man who climbed 19340 ft Kilimanjaro without limbs
X

കൈല്‍ മേനാര്‍ഡ് | Image posted on facebook by @kylemaynard.fanpage

ഇരുകൈയും കാലുകളുംവെച്ചുതന്നെ ഇനി ഒരടി വയ്യെന്നു പരാതി പറയുന്നവരുടെ ലോകത്താണു കൈല്‍ മേനാര്‍ഡ് ജീവിക്കുന്നത്. കൈകളും കാലുകളും മുട്ടിനു താഴെ ഇല്ലാതെ, തന്റെ പരിമിതികളെയെല്ലാം ഒന്നൊന്നായി മറികടന്ന് ദുര്‍ഘടമായ 19,340 അടി ഉയരമുള്ള കിളിമഞ്ചാരോ പര്‍വതനിരകള്‍ ആ യുവാവ് കീഴടക്കിയത് ഒരു കൃത്രിമ കൈയോ കാലോകൂടി ഇല്ലാതെയാണ്. ഇഴഞ്ഞുകയറി ചരിത്രം സൃഷ്ടിച്ചു. ആര്‍നോള്‍ഡ് ഷ്വെസ്നെഗര്‍, താന്‍ ഇന്നോളം കണ്ടതില്‍ ഏറ്റവുംവലിയ മോട്ടിവേറ്ററായി അടയാളപ്പെടുത്തിയത് മേനാര്‍ഡിനെയാണ്. 

ഒരേസമയം എഴുത്തുകാരനും സംരംഭകനും അത്ലറ്റും പ്രഭാഷകനും ഒക്കെയായി അദ്ദേഹം തന്റെ മുപ്പതുകളില്‍ ലോകത്തു നിറഞ്ഞുനില്‍ക്കുകയാണ്; എല്ലാവര്‍ക്കും  പ്രചോദനമായി. ഒരഭിമുഖത്തില്‍ പരാജയത്തെപ്പറ്റി അദ്ദേഹം പറയുന്നത് വിജയത്തിലേക്ക് നയിക്കാത്ത ഒരു പരാജയം തന്റെ ജീവിതത്തില്‍ ഉണ്ടായിരുന്നോ എന്നറിയില്ല എന്നാണ്. വിജയത്തില്‍നിന്ന് വേര്‍പെടുത്താനാവാത്തവിധം കെട്ടുപിണഞ്ഞിരിക്കുന്ന ഒന്നാണു പരാജയം എന്നദ്ദേഹം നിരീക്ഷിക്കുന്നു. നിസ്സാരമെന്നു തോന്നുന്ന ഒരു ബാല്യകാല അനുഭവം അദ്ദേഹം പങ്കുവെച്ചിരുന്നു. കുട്ടിയായിരുന്ന സമയത്ത് മുത്തശ്ശി കൈലിനോട് ഭരണിയില്‍നിന്ന് ഒരു സ്‌കൂപ്പു പഞ്ചസാര എടുത്തുകൊടുക്കാന്‍ പറയുമായിരുന്നു.  

കൈകളില്ലാത്ത കുഞ്ഞു കൈല്‍ തന്റെ കൈത്തണ്ടയുടെ കുറ്റികള്‍ക്കിടയില്‍ ഒരു കരണ്ടി പിടിപ്പിക്കാനുള്ള ശ്രമം നടത്തും.  ഒട്ടേറെത്തവണ പാഴായിപ്പോയ ശ്രമങ്ങള്‍. നൂറുകണക്കിനു ശ്രമങ്ങളിലെ പരാജയവും അവഗണിച്ചു കൈല്‍ തന്റെ ശ്രമം തുടര്‍ന്നു. അങ്ങനെ കരണ്ടി കൈത്തണ്ടയുടെ കുറ്റികള്‍ക്കിടയില്‍ നില്‍ക്കുന്ന ബാലന്‍സിങ് സാധ്യമാക്കിയ കുഞ്ഞു കൈലിന്റെ അടുത്ത ശ്രമം ആ കരണ്ടിയെ ഭരണിയിലേക്കിറക്കി പഞ്ചസാര കോരുവാനുള്ളതായിരുന്നു. 

അവന്‍ അനുഭവിച്ച ഏറ്റവും വലിയ പ്രതിസന്ധി രണ്ടു കൈകളുടെ കുറ്റികള്‍ക്കിടയിലായി ബാലന്‍സ് ചെയ്യുന്ന കരണ്ടി കൈയടക്കം ഭരണിക്കുള്ളിലേക്കിറക്കി വേണം പഞ്ചസാര കോരിയെടുക്കാന്‍. പക്ഷേ, ഒരു കൈത്തണ്ട ഇറക്കാനുള്ള വിസ്താരമേ ഭരണിമുഖത്തിനു ഉണ്ടായിരുന്നുള്ളൂ. അവന്‍ വീണ്ടും പരിശ്രമം ആരംഭിച്ചു. സാധ്യമല്ലെന്നു കണ്ടുനില്‍ക്കുന്നവര്‍ക്കു തോന്നിയേക്കാവുന്ന അത്രയും പരാജയങ്ങള്‍ക്കു ശേഷവും തുടര്‍ന്ന കഠിന പരിശ്രമം അവനെ അതിനു സാധ്യമാക്കി. അന്നു ആദ്യ നല്ല പാഠം അവനു പകര്‍ന്ന ആ മുത്തശ്ശിയുടെ കണ്ണുകള്‍ ഈറനണിഞ്ഞിട്ടുണ്ടാവണം. 

നമ്മളുടെ പരിമിതികളെ അറിയുക നല്ലതാണ്, പക്ഷേ, അതു മറികടക്കാനുള്ള നിതാന്ത പരിശ്രമം തുടരേണ്ടതാണെന്നു ഓര്‍മിപ്പിക്കുകയാണ് കൈലിന്റെ ജീവിതം നമ്മെ.

(കോഴിക്കോട് ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്‌മെന്റ് ഡയറക്ടറാണ് ലേഖകന്‍)

Content Highlights: Kyle Maynard: The man who climbed 19340 ft Kilimanjaro without limbs

PRINT
EMAIL
COMMENT
Also Read

നിയമമേഖലയില്‍നിന്ന് എഴുത്തിലേക്ക്; പ്രതിസന്ധിയെ അനുഗ്രഹമാക്കിയ സൂസന്‍ കെയ്ന്‍

പൊതുവേ അന്തര്‍മുഖയായ ഒരു പെണ്‍കുട്ടി. അവള്‍ ഒരു കോര്‍പ്പറേറ്റ് ലോയര്‍ .. 

Read More
 

Related Articles

കംഫര്‍ട്ട് സോണിനു പുറത്തുള്ള ജീവിതവിജയം
Careers |
Careers |
കഴിവുകളുടെ പുതിയ ലോകത്ത് ശുപാര്‍ശക്കത്തുകള്‍ക്ക് പ്രാധാന്യമില്ല
Careers |
ക്രിയേറ്റിവിറ്റി എന്നാല്‍ വ്യത്യസ്തമായി ചെയ്യുക എന്നല്ല, അനായാസമായി ചെയ്യുക എന്നാണ്
Careers |
പുതിയതെന്തെങ്കിലും പഠിക്കാത്തവര്‍ക്ക് നാളെ ജോലിയില്‍ തുടരുക അസാധ്യമാണ്
 
  • Tags :
    • Debashis Chatterjee
    • Success Story
    • Career Guidance
    • Success Mantra
    • Inspirational Story
More from this section
career guidance
മനസ്സിലെ മാറാലകള്‍ക്കുള്ള മറുമരുന്നാണ് ഉദയാസ്തമയങ്ങള്‍
waiting
കാത്തിരിപ്പ് ഒരു കലയാണ്; കാലത്തിന്റെ അനിവാര്യതയും
FUTURE
ഭാവി ഒഴിവുകള്‍ക്കായുള്ള സമൂഹത്തെ സൃഷ്ടിക്കലല്ല വിദ്യാഭ്യാസം
career guidance
പഴയ മാതൃകകളുടെ നിഴലിലല്ല, സ്വന്തം അഭിനിവേശത്തിന്റെ ചൂടിലാണ് പ്രതിഭകള്‍ ജനിക്കുന്നത്
JOE BIDEN
ജോ ബൈഡനെന്ന ലീഡര്‍ പഠിപ്പിക്കുന്ന പാഠം
News+ Latest News Today's special Local News Gulf Crime Good News News in Pics News in Videos Kerala India World NRI
Views Columns Features Special Pages Interviews In-Depth Social Politics Web Exclusive Cartoon
Leisure Movies Sports Music Travel Books Magazines Kids Free E-book Game Zone Sudoku
Learn / Earn Money Auto Tech Careers Education Agriculture Youth Environment Science University News How To
Lifestyle Women Food MyHome Health Spirituality Astrology
Multimedia Videos Live TV Mojo News Web Shows Audio Photostories Zoom In Gallery
Our Network English Edition Print Gulf NRI Mathrubhumi News TV Kappa TV Club FM Seed Silver Bullet FindHome Media School MBIFL Redmic
E- Paper
Subscription
Buy Books
Magazines
Classifieds
Archives
 
  • E- Paper
  • Subscription
  • Buy Books
  • Magazines
  • Classifieds
  • Archives
© Copyright Mathrubhumi 2021. All rights reserved.
Mathrubhumi

Click on ‘Get News Alerts’ to get the latest news alerts from Mathrubhumi

About Us Contact Us Privacy Policy
Terms of Use Archives
Ad Tariff Download App Classifieds
Buy Books Subscription e-Subscription
 
           
© Copyright Mathrubhumi 2021. All rights reserved.