അടിച്ചമര്ത്തിയ പിശിട്
കുമിഞ്ഞടിഞ്ഞ മുനിയാട്ടുകുന്ന് *
ഇന്നൊരു ദളിത് പാറ.
ഭൂഗര്ഭ നിലവിളികള്
ആരും കേള്ക്കുന്നില്ല
പുഴയല്ലാതെ.
തോര്ത്തെടുത്ത്
മുക്കിപ്പിഴിഞ്ഞാല് കാണാം
കുറുമാലിയുടെ കണ്ണീരുപ്പ്.
തുളയുന്ന മടകളിലെ
ധൂസര തരികളില്
തപസ്സ് ചെയ്യും മുനിയറകള്:
വെറും നോക്കുകുത്തികള്!
*ക്വാറി മൂലം പരിസ്ഥിതിനാശം സംഭവിച്ച കുറുമാലി പുഴയുടെ സമീപത്തുള്ള മുനിയാട്ടുകുന്ന് പലപ്പോഴും വാര്ത്തകളില് ഇടം പിടിച്ചിരുന്നു
Content Highlights: Malayalam Poem by Shine Shoukathali
