മുംബൈ: മലയാളി എഴുത്തുകാരന്‍ എന്‍. പ്രഭാകരന് ക്രോസ്വേഡ് ബുക്‌സ് പുരസ്കാരം. അദ്ദേഹത്തിന്റെ 'ഒരു മലയാളി ഭ്രാന്തന്റെ ഡയറി' എന്ന പുസ്തകത്തിന്റെ ഇംഗ്ലീഷ് പരിഭാഷയാണ് പുരസ്‌കാരത്തിന് അര്‍ഹമായത്. മാതൃഭൂമി ആഴ്ചപ്പതിപ്പില്‍ പ്രസിദ്ധീകരിച്ച നോവല്‍ മലയാളത്തില്‍ പുസ്തകമായി ഇറക്കിയത് മാതൃഭൂമി ബുക്‌സ് ആണ്.
ജയശ്രീ കളത്തിലാണ് 'ഡയറി ഓഫ് എ മലയാളി മാഡ്മാന്‍' എന്നപേരില്‍ പുസ്തകം പരിഭാഷപ്പെടുത്തിയത്. ചൊവ്വാഴ്ച മുംബൈയില്‍നടന്ന ചടങ്ങില്‍ എഴുത്തുകാരന്‍ മുകുന്ദ് പത്മനാഭനില്‍നിന്ന് എന്‍. പ്രഭാകരന് പുരസ്കാരം ഏറ്റുവാങ്ങി.
ഇന്ത്യന്‍ ഭാഷകളില്‍നിന്ന് ഇംഗ്ലീഷിലേക്ക് പരിഭാഷപ്പെടുത്തിയ ഒട്ടേറെ പുസ്തകങ്ങള്‍ മത്സരത്തിലുണ്ടായിരുന്നെങ്കിലും അഞ്ച് പുസ്തകങ്ങളാണ് അവസാനവട്ടത്തില്‍ എത്തിയത്. എന്‍. പ്രഭാകരന് ഇപ്പോള്‍ കണ്ണൂര്‍ ധര്‍മടത്താണ് താമസം. തലശ്ശേരി ബ്രണ്ണന്‍ കോളേജ് മലയാളം വിഭാഗം അധ്യാപകനായിരുന്നു.
ഒരു മലയാളി ഭ്രാന്തന്റെ ഡയറി ഓണ്‍ലൈനില്‍ വാങ്ങാം
Content Highlights: N Prabhakaran bags 17th Crossword Book Award
