തൃശ്ശൂര്‍:  കേരള സാഹിത്യ അക്കാദമിയുടെ 2015ലെ വിശിഷ്ടാംഗത്വവും സമഗ്ര സംഭാവന പുരസ്‌കാരവും പ്രഖ്യാപിച്ചു. വിശിഷ്ടാംഗത്വത്തിന് സാഹിത്യകാരായ യു.എ ഖാദര്‍, സാറാ ജോസഫ്  എന്നിവരെ തിരഞ്ഞെടുത്തു. അമ്പതിനായിരം രൂപയും സ്വര്‍ണപ്പതക്കവും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം.

സമഗ്ര സംഭാവന പുരസ്‌കാരത്തിന് ഒ.വി. ഉഷ, മുണ്ടൂര്‍ സേതുമാധവന്‍, വി. സുകുമാരന്‍, ടി.ബി. വേണുഗോപാലപ്പണിക്കര്‍, പ്രയാര്‍ പ്രഭാകരന്‍, ഡോ. കെ. സുഗതന്‍ എന്നിവര്‍ അര്‍ഹരായി. 30,000 രൂപയും സാക്ഷ്യപത്രവും പൊന്നാടയും ഫലകവും അടങ്ങുന്നതാണ് പുരസ്‌കാരം.

മറ്റ് പുരസ്‌കാരങ്ങള്‍

  • കവിത - എസ്. രമേശന്‍ (ഹേമന്തത്തിലെ പക്ഷി)
  • നോവല്‍ - യു.കെ. കുമാരന്‍ (തക്ഷന്‍കുന്ന് സ്വരൂപം)
  • നാടകം - ജിനോ ജോസഫ് (മത്തി)
  • ചെറുകഥ - അഷിത (അഷിതയുടെ കഥകള്‍ )
  • സാഹിത്യ വിമര്‍ശനം - സി.ആര്‍. പരമേശ്വരന്‍ (വംശചിഹ്നങ്ങള്‍)
  • വൈജ്ഞാനിക സാഹിത്യം - കെ.എന്‍. ഗണേശ് ( പ്രകൃതിയും മനുഷ്യനും)
  • ജീവചരിത്രം/ ആത്മകഥ - ഇബ്രാഹിം വേങ്ങര (ഗ്രീന്‍ റൂം)
  • യാത്രാവിവരണം  - വി.ജി. തമ്പി (യൂറോപ്പ് ആത്മചിഹ്നങ്ങള്‍) , ഒ.കെ. ജോണി (ഭൂട്ടാന്‍ ദിനങ്ങള്‍)
  • വിവര്‍ത്തനം - ഗുരു മുനി നാരായണ പ്രസാദ് (സൗന്ദര്യലഹരി)
  • ബാലസാഹിത്യം - ഏഴാച്ചേരി രാമചന്ദ്രന്‍ (സണ്ണിച്ചെറുക്കനും സംഗീതപ്പെങ്ങളും)
  • ഹാസ്യസാഹിത്യം  - ഡോ. എസ്.ഡി.പി. നമ്പൂതിരി  (വെടിവട്ടം)

 

എന്‍ഡോവ്‌മെന്റ് അവാര്‍ഡുകള്‍

  • ഐ.സി.ചാക്കോ അവാര്‍ഡ് - പി.എം.ഗീരീഷ് (അറിവും ഭാഷയും - ഭാഷാശാസ്ത്രം, വ്യാകരണം, ശാസ്ത്രപഠനം)
  • സി.ബി.കുമാര്‍ അവാര്‍ഡ് - കെ. അരവിന്ദാക്ഷന്‍ (ആധികാരത്തിന്റെ ആസക്തികള്‍ -ഉപന്യാസം)
  • കെ. ആര്‍. നമ്പൂതിരി അവാര്‍ഡ് - ഡോ. ടി ആര്യദേവി (ന്യായദര്‍ശനം - വൈദികസാഹിത്യം)
  • കനകശ്രീ അവാര്‍ഡ് - ശാന്തി ജയകുമാര്‍ (ഈര്‍പ്പം നിറഞ്ഞ മുറികള്‍ - കവിത)
  • ഗീത ഹിരണ്യന്‍ അവാര്‍ഡ് - അശ്വതി ശശികുമാര്‍ (ജോസഫിന്റെ മരണം - ചെറുകഥാ സമാഹാരം)
  • ജി.എന്‍.പിള്ള അവാര്‍ഡ് - ബി.രാജീവന്‍ (ജൈനരാഷ്ട്രീയവും ജനസഞ്ചയവും- വൈജ്ഞാനിക സാഹിത്യം)
  • തുഞ്ചന്‍ സ്മാരക പ്രബന്ധ മത്സരം-  നിത്യ പി. വിശ്വം

 

കേരള സാഹിത്യ അക്കാദമി പ്രസിഡണ്ട് വൈശാഖന്റെ അധ്യക്ഷതയില്‍ ഇന്ന് ചേര്‍ന്ന എക്‌സിക്യുട്ടീവ് യോഗത്തിലാണ് അവാര്‍ഡുകള്‍ തീരുമാനിച്ചത്. അക്കാദമി വാര്‍ഷികാഘോഷ സമ്മേളനത്തില്‍വെച്ച് പുരസ്‌കാരങ്ങള്‍ സമ്മാനിക്കും.