'ഇന്ത്യന്‍ നാഷണല്‍ കോണ്‍ഗ്രസ് നൂറ്റാണ്ടുകളിലൂടെ' പുസ്തകം പ്രകാശനം ചെയ്തു, Indian National Congress noottandukaliloode book released, MAthrubhumi Books, Mathrubhumi

08 March 2023, 04:08 PM IST

'ഇന്ത്യൻ നാഷണൽ കോൺഗ്രസ് നൂറ്റാണ്ടുകളിലൂടെ 'എന്ന പുസ്തകം കെപിസിസി പ്രസിഡന്റ് കെ സുധാകരൻ എംപി പ്രതിപക്ഷ നേതാവ് വി ഡി സതീശനു നൽകി പ്രകാശനം ചെയ്യുന്നു.

തിരുവനന്തപുരം :മൂന്ന് നൂറ്റാണ്ടുകളുടെ കോണ്‍ഗ്രസിന്റെ സമഗ്രമായ ചരിത്രം അനാവരണം ചെയ്യുന്ന 'ഇന്ത്യന്‍ നാഷണല്‍ കോണ്‍ഗ്രസ് നൂറ്റാണ്ടുകളിലൂടെ 'എന്ന പുസ്തകം പ്രതിപക്ഷ നേതാവ് വി.ഡി. സതീശനു നല്‍കി കെ.പി.സി.സി. പ്രസിഡന്റ് കെ. സുധാകരന്‍ എം.പി. പ്രകാശനം ചെയ്തു. പ്രൊഫ. സമദ് മങ്കട രചിച്ച പുസ്തകം മാതൃഭൂമി ബുക്‌സ് ആണ് പ്രസിദ്ധീകരിച്ചിട്ടുള്ളത്. ഇന്ത്യയുടെ സ്വാതന്ത്ര്യവും ആത്മാഭിമാനവും വീണ്ടെടുത്തുതന്ന കോണ്‍ഗ്രസിന്റെ ചരിത്രം കേവലം ഒരു രാഷ്ട്രീയ സംഘടനയുടെ ചരിത്രം മാത്രമല്ലെന്നും വിമോചനം ആഗ്രഹിക്കുന്ന എല്ലാവര്‍ക്കുമുള്ള ഒരു പാഠപുസ്തകമാണെന്നും, കാലതീതമായി നിലനില്‍ക്കുന്ന ആശയഗാംഭീര്യമാണ് കോണ്‍ഗ്രസിന്റെ കരുത്തെന്നും സുധാകരന്‍ പറഞ്ഞു.

ഭൂതകാല ഭാരതത്തെ വീണ്ടെടുക്കുകയും ആധുനിക ഇന്ത്യയെ സൃഷ്ടിക്കുകയും ചെയ്ത കോണ്‍ഗ്രസ് എല്ലാ പ്രതിബന്ധങ്ങളെയും തകര്‍ത്ത് കൂടുതല്‍ ശക്തിയോടെ തിരിച്ചുവരുമെന്നും കാലതീതമായി നിലനില്‍ക്കുമെന്നും പുസ്തകം സ്വീകരിച്ചു കൊണ്ട് വി.ഡി. സതീശന്‍ ഓര്‍മപ്പെടുത്തി. ഇന്ദിരാഭവനില്‍ നടന്ന ചടങ്ങില്‍ കെ.പി.സി.സി. വര്‍ക്കിംഗ് പ്രസിഡന്റ് കൊടിക്കുന്നില്‍ സുരേഷ് എം.പി. , വൈസ് പ്രസിഡണ്ടുമാരായ വി.പി. സജീന്ദ്രന്‍, വി.ടി. ബല്‍റാം ജനറല്‍ സെക്രട്ടറിമാരായ ടി.യു. രാധാകൃഷ്ണന്‍, ആര്യാടന്‍ ഷൗക്കത്ത്, പി.എ. സലിം, ആലിപ്പറ്റ ജമീല, പഴകുളം മധു, എം.എം. നസീര്‍, പി.എം. നിയാസ്, മലപ്പുറം ഡി.സി.സി. പ്രസിഡന്റ് അഡ്വ വി.എസ്. ജോയ്, കെ.പി.സി.സി. മെമ്പര്‍ വി. ബാബുരാജ്, എ.കെ. അബ്ദുറഹിമാന്‍, ഷാജി കട്ടുപ്പാറ തുടങ്ങിയവര്‍ പങ്കെടുത്തു.