06 June 2023, 01:20 PM IST

1 min read

Read later

ചടങ്ങിൽനിന്ന് | Photo: Mathrubhumi

കോഴിക്കോട്: മാതൃഭൂമി ബുക്സ് പ്രസിദ്ധീകരിച്ച ഫിദാ യാസ്മിന്‍ ഖാന്റെ 'വിശ്വപ്രസിദ്ധ മഹദ്‌വചനങ്ങള്‍' എന്ന പുസ്തകം കവി പി.പി. ശ്രീധരനുണ്ണി പ്രകാശനം ചെയ്തു. കെ.ടി. സൂപ്പി പുസ്തകം ഏറ്റുവാങ്ങി. ജീവിതത്തിന്റെ സര്‍വതലങ്ങളും സ്പര്‍ശിക്കുന്ന മഹാന്മാരുടെ ചിന്തകളും ദര്‍ശനവും ഉള്‍ച്ചേര്‍ന്ന ചിന്തോദ്ദീപകമായ 1250-ല്‍പരം ഉദ്ധരണികളുടെ അമൂല്യമായ സമാഹാരമാണ് പുസ്തകം.

ആകാശവാണി കലാകാരനായിരുന്ന ഖാന്‍ കാവിലിന്റെ ഇരുപത്തിയാറാം ചരമ വാര്‍ഷികദിനത്തില്‍ കാവുന്തറ ഖാന്‍ കാവില്‍ ഗ്രന്ഥാലയവും കാസ്‌ക-കാവിലും ചേര്‍ന്ന് സംഘടിപ്പിച്ച അനുസ്മരണ കൂട്ടായ്മയില്‍ വെച്ചായിരുന്നു പ്രകാശനം. പരിപാടി നടുവണ്ണൂര്‍ ഗ്രാമപഞ്ചായത്ത് പ്രസിഡണ്ട് ടി. പി. ദാമോദരന്‍ മാസ്റ്റര്‍ ഉത്ഘാടനം ചെയ്തു. എം.കെ. ബാലന്‍ അധ്യക്ഷത വഹിച്ചു.

മാധ്യമ പ്രവര്‍ത്തകനും ചലച്ചിത്ര താരവുമായ കെ.കെ. മൊയ്തീന്‍ കോയ ഖാന്‍ കാവില്‍ അനുസ്മരണ പ്രഭാഷണം നടത്തി. എസ്.എസ്.എല്‍.സി.- പ്ലസ് ടു പരീക്ഷയില്‍ എല്ലാ വിഷയങ്ങള്‍ക്കും എ പ്ലസ് നേടിയ വിദ്യാര്‍ത്ഥികളെ അനുമോദിച്ചു.

എന്‍.ആലി, ഷാഹിന, റജില, മിനി ഒ.എം, ഷൈമ കെ.കെ, സി. ബാലന്‍, പപ്പന്‍ കാവില്‍, സി.കെ ബാലകൃഷ്ണന്‍, പി. അച്ചുതന്‍ മാസ്റ്റര്‍, എം.സി. കുമാരന്‍ മാസ്റ്റര്‍, മാസ്റ്റര്‍ ശിവ് ചരണ്‍, തുടങ്ങിയവര്‍ സംസാരിച്ചു. അഷ്‌റഫ് കാവില്‍ സ്വാഗതവും സി.എം. ഭാസ്‌കരന്‍ നന്ദിയും പറഞ്ഞു.