പഴയ വാഹനങ്ങളുടെ പൊളിക്കല്‍: നയം നടപ്പാക്കാന്‍ സംസ്ഥാന സര്‍ക്കാരിന് മുമ്പില്‍ കടമ്പകളേറെ


ബി. അജിത് രാജ്

വാണിജ്യവാഹനങ്ങള്‍ക്ക് 15 വര്‍ഷത്തിനും സ്വകാര്യവാഹനങ്ങള്‍ക്ക് 20 വര്‍ഷത്തിനും ശേഷം കംപ്യൂട്ടര്‍വത്കൃത പ്രവര്‍ത്തനക്ഷമത പരിശോധന നിര്‍ബന്ധമാണ്.

പ്രതീകാത്മത ചിത്രം | രേഖാചിത്രം: മാതൃഭൂമി

ഴയ വാഹനങ്ങളുടെ പൊളിക്കല്‍നയത്തില്‍ ഇനി തീരുമാനമെടുക്കേണ്ടത് സംസ്ഥാനസര്‍ക്കാര്‍. വാഹനങ്ങളുടെ പ്രവര്‍ത്തനക്ഷമത പരിശോധനസംവിധാനവും പൊളിക്കല്‍ കേന്ദ്രങ്ങളും സജ്ജീകരിച്ചാല്‍മാത്രമേ കേന്ദ്രം നിശ്ചയിച്ച സമയപരിധിക്കുള്ളില്‍ പൊളിക്കല്‍നയം നടപ്പാകുകയുള്ളൂ. പൊളിക്കല്‍കേന്ദ്രങ്ങള്‍ക്കും പ്രവര്‍ത്തനക്ഷമത പരിശോധന കേന്ദ്രങ്ങള്‍ക്കുംവേണ്ട മാനദണ്ഡങ്ങള്‍ കേന്ദ്ര ഉപരിതലമന്ത്രാലയം പ്രസിദ്ധീകരിച്ചിട്ടുണ്ട്. ഇതനുസരിച്ച് സംസ്ഥാനസര്‍ക്കാര്‍ ഉത്തരവിറക്കണം.

സ്വകാര്യപങ്കാളിത്തത്തോടെയോ നേരിട്ടോ ഇവ തുടങ്ങാം. 2024 ജൂണ്‍വരെയാണ് അനുവദിച്ച സമയം. കേന്ദ്രതീരുമാനപ്രകാരം ആദ്യം പിന്‍വലിക്കേണ്ടിവരുക സംസ്ഥാന സര്‍ക്കാരിന്റെ കൈവശമുള്ള 15 വര്‍ഷം കഴിഞ്ഞ വാഹനങ്ങളാണ്. ഇതുപ്രകാരം ഏകദേശം അഞ്ഞൂറോളം വാഹനങ്ങള്‍ പിന്‍വലിക്കേണ്ടിവരും. സംസ്ഥാനത്തെ 1.4 കോടി വാഹനങ്ങളില്‍ ഏകദേശം 22.1 ലക്ഷം വാഹനങ്ങള്‍ പൊളിക്കാനായവയാണ്. കംപ്യൂട്ടര്‍വത്കൃത പരിശോധന കേന്ദ്രങ്ങളിലെ പരിശോധനയില്‍ വിജയിച്ചാല്‍ ഇവ തുടര്‍ന്നും ഉപയോഗിക്കാം.

വാണിജ്യവാഹനങ്ങള്‍ക്ക് 15 വര്‍ഷത്തിനും സ്വകാര്യവാഹനങ്ങള്‍ക്ക് 20 വര്‍ഷത്തിനും ശേഷം കംപ്യൂട്ടര്‍വത്കൃത പ്രവര്‍ത്തനക്ഷമത പരിശോധന നിര്‍ബന്ധമാണ്. രണ്ടുതവണ പരിശോധനയില്‍ പരാജയപ്പെടുന്നവ നിര്‍ബന്ധമായും പൊളിക്കണം. വാണിജ്യവാഹനങ്ങള്‍ 2023 മുതലും സ്വകാര്യവാഹനങ്ങള്‍ 2024 ജൂണ്‍ മുതലും പൊളിക്കാനാണ് കേന്ദ്രനിര്‍ദേശം. ഉടമയ്ക്ക് വേണമെങ്കില്‍ വാഹനം നേരിട്ട് പൊളിക്കല്‍കേന്ദ്രങ്ങള്‍ക്ക് കൈമാറാം. പ്രവര്‍ത്തനക്ഷമത പരിശോധന നടത്തേണ്ടതില്ല.

പൊളിക്കല്‍നയത്തിനുമുമ്പേ പഴയ വാഹനങ്ങള്‍ നിരോധിച്ച ചരിത്രമാണ് സംസ്ഥാനത്തിന്റേത്. സ്വകാര്യബസുകളുടെ ആയുസ്സ് 15 വര്‍ഷമായി നിശ്ചയിച്ച് സംസ്ഥാനസര്‍ക്കാര്‍ ഉത്തരവിറക്കിയിരുന്നു. പിന്നീട് ഇളവുനല്‍കി 20 വര്‍ഷമാക്കി. കേന്ദ്രനയം നടപ്പാക്കുന്നതോടെ ഈ തീരുമാനം അപ്രസക്തമാകും.

അപ്രായോഗികമെന്ന് മന്ത്രി

വാഹനം പൊളിക്കല്‍നയം അപ്രായോഗികവും അശാസ്ത്രീയവുമാണെന്ന് മന്ത്രി ആന്റണി രാജു പറഞ്ഞു. വാണിജ്യ വാഹനങ്ങള്‍ 15 വര്‍ഷത്തിലധികം ഉപയോഗിക്കാന്‍ പാടില്ലെന്ന തീരുമാനം സംസ്ഥാനത്തിന് യോജ്യമല്ല. മലിനീകരണമാണ് പ്രശ്‌നമെങ്കില്‍ അത് കുറവുള്ള ഹരിത ഇന്ധനങ്ങളിലേക്ക് മാറ്റണം. വന്‍കിട വാഹന നിര്‍മാതാക്കളുടെ താത്പര്യങ്ങള്‍ സംരക്ഷിക്കുന്നതാണ് പുതിയ കേന്ദ്രനയം. കാലപ്പഴക്കം മാത്രമല്ല ഓടിയ കിലോമീറ്ററും പരിഗണിച്ചാവണം വാഹനങ്ങളുടെ പഴക്കം നിര്‍ണയിക്കേണ്ടതെന്നും അദ്ദേഹം പറഞ്ഞു.

Content Highlights: Vehicle Scrappage Policy; State Governments To Implement Facilities


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented