ബൈക്കിന് 1500, കാറിന് 4000; വാഹന വില്‍പ്പനയിലെ 'ഡിജിറ്റൈസേഷന്‍ ഫീസ്' തട്ടിപ്പുമായി വില്‍പ്പനക്കാര്‍


വാഹനം രജിസ്ട്രേഷന്‍ പരിശോധനയ്ക്ക് ഹാജരാക്കാന്‍ കൊണ്ടുപോകുന്നതിനുമുമ്പ് ഹാന്‍ഡ്ലിങ് ചാര്‍ജെന്ന പേരില്‍ പണം ഈടാക്കിയിരുന്നു.

പ്രതീകാത്മക ചിത്രം | ഫോട്ടോ: മാതൃഭൂമി

പുതിയ വാഹനങ്ങളുടെ വില്‍പ്പനയിലെ ക്രമക്കേട് തടയാന്‍ ഏര്‍പ്പെടുത്തിയ ഓണ്‍ലൈന്‍ സംവിധാനത്തില്‍ പുതിയ ഫീസ് ഈടാക്കുന്നതായി പരാതി. ഓണ്‍ലൈന്‍ രജിസ്ട്രേഷന് ഡിജിറ്റൈസേഷന്‍ ചാര്‍ജെന്നപേരില്‍ ചില വില്‍പ്പനക്കാര്‍ പ്രത്യേക ഫീസ് വാങ്ങുന്നതായാണ് പരാതി. മോട്ടോര്‍വാഹനവകുപ്പ് അന്വേഷണം തുടങ്ങി. ഓണ്‍ലൈന്‍ അപേക്ഷ സമര്‍പ്പിക്കാനുള്ള ഫീസെന്നപേരിലാണ് അധികതുക വാങ്ങുന്നത്.

ഇരുചക്രവാഹനങ്ങള്‍ക്ക് 1500 രൂപയും കാറുകള്‍ക്ക് 4000 രൂപയുംവരെ വാങ്ങുന്നതായാണ് പരാതി. ഇത്തരമൊരു ഫീസ് നിലവിലില്ലെന്നും ഓണ്‍ലൈന്‍ അപേക്ഷ സമര്‍പ്പിച്ച്, റോഡ് നികുതി അടയ്‌ക്കേണ്ടത് വില്‍പ്പനക്കാരുടെ ചുമതലയാണെന്നും മോട്ടോര്‍വാഹനവകുപ്പ് അധികൃതര്‍ വ്യക്തമാക്കി.



വാഹനത്തിന്റെ എന്‍ജിന്‍, ചേസിസ് വിവരങ്ങള്‍ വാഹനനിര്‍മാതാവ് കേന്ദ്രീകൃത സോഫ്റ്റ്വേറായ 'വാഹനി'ല്‍ ഉള്‍ക്കൊള്ളിക്കുന്നുണ്ട്. ഉടമയുടെ വിവരങ്ങള്‍ മാത്രമാണ് ഷോറൂമുകളില്‍നിന്നും നല്‍കേണ്ടത്. റോഡ് നികുതിയും ഓണ്‍ലൈനില്‍ അടയ്ക്കാം. രജിസ്ട്രേഷന്‍ അപേക്ഷ അംഗീകരിച്ചാല്‍ അതിസുരക്ഷാ നമ്പര്‍പ്ലേറ്റ് ഘടിപ്പിച്ച് വാഹനം നിരത്തിലിറക്കാം.

രജിസ്ട്രേഷന്‍ ഫീസ്, റോഡ് നികുതി, എന്നിവയ്ക്ക് പുറമെ ഫാസ്ടാഗിന്റെ വിലമാത്രമാണ് ഈടാക്കാന്‍ അനുമതിയുള്ളത്. അതിസുരക്ഷാ നമ്പര്‍പ്ലേറ്റ് വാഹനത്തിന്റെ ഭാഗമാണ്. പ്രത്യേകം വില ഈടാക്കാന്‍ പാടില്ല. ഇന്‍ഷുറന്‍സ് ഉടമയ്ക്ക് നേരിട്ടോ അല്ലെങ്കില്‍ ഷോറൂമില്‍നിന്നോ എടുക്കാം. നികുതികള്‍ക്ക് പുറമെയുള്ളവില, രജിസ്ട്രേഷന്‍ ഫീസ്, എന്നിവ ഷോറൂമുകളില്‍ പ്രദര്‍ശിപ്പിക്കണം.

വാഹനം രജിസ്ട്രേഷന്‍ പരിശോധനയ്ക്ക് ഹാജരാക്കാന്‍ കൊണ്ടുപോകുന്നതിനുമുമ്പ് ഹാന്‍ഡ്ലിങ് ചാര്‍ജെന്ന പേരില്‍ പണം ഈടാക്കിയിരുന്നു. ടോമിന്‍ തച്ചങ്കരി ട്രാന്‍സ്‌പോര്‍ട്ട് കമ്മിഷണറായിരുന്നപ്പോള്‍ ഇത് അവസാനിപ്പിച്ച് ഉത്തരവിറക്കിയിരുന്നു.

Content Highlights: Vehicle Sales, Digitalisation Fees, MVD Kerala Probe, Vehicle Dealership


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


crime

1 min

കൊച്ചിയില്‍ വെട്ടേറ്റ് യുവതിയുടെ കൈ അറ്റു; പരിക്കേറ്റത് കഴുത്തിന് വെട്ടാനുള്ള ശ്രമം തടഞ്ഞപ്പോള്‍

Dec 3, 2022

Most Commented