പൊല്ലാപ്പായി ബി.എസ്-6 വാഹനങ്ങളുടെ പുകപരിശോധന; സര്‍ട്ടിഫിക്കറ്റ് വ്യാജമെന്ന് എം.വി.ഡി.


ടി.ആദിത്യന്‍

സംസ്ഥാനത്തെ പുകപരിശോധനാ കേന്ദ്രങ്ങളില്‍ ഇത് പരിശോധിക്കാന്‍വേണ്ട ഗുണമേന്മയുള്ള ഉപകരണങ്ങളില്ലെന്നാണ് മോട്ടോര്‍ വാഹനവകുപ്പ് പറയുന്നത്.

പ്രതീകാത്മക ചിത്രം | Photo: Canva.com

സംസ്ഥാനത്ത് ബി.എസ്.6 പെട്രോള്‍, സി.എന്‍.ജി., എല്‍.പി.ജി. വാഹനങ്ങളുടെ പുകപരിശോധന അവതാളത്തില്‍. കേന്ദസര്‍ക്കാരിന്റെ പരിവാഹന്‍ വെബ്‌സൈറ്റില്‍ ഡിസംബര്‍ 9-ന് വരുത്തിയ ഭേദഗതിക്കനുസരിച്ച് 'ലാംബ്ഡ' വാതകപരിശോധനകൂടി നടത്തിയാലേ പരിവാഹന്‍ സൈറ്റില്‍നിന്ന് സര്‍ട്ടിഫിക്കറ്റ് കിട്ടുകയുള്ളൂ. ഇന്ധനം കത്തുമ്പോഴുള്ള ഓക്‌സിജന്റെ അനുപാതമാണ് ഇതില്‍ അളക്കുന്നത്.

സംസ്ഥാനത്തെ പുകപരിശോധനാ കേന്ദ്രങ്ങളില്‍ ഇത് പരിശോധിക്കാന്‍വേണ്ട ഗുണമേന്മയുള്ള ഉപകരണങ്ങളില്ലെന്നാണ് മോട്ടോര്‍ വാഹനവകുപ്പ് പറയുന്നത്. ഗുണമേന്മയില്ലാത്ത ഉപകരണങ്ങളുപയോഗിച്ച് വ്യാജമായ സര്‍ട്ടിഫിക്കറ്റുകള്‍ ചില സ്ഥാപനങ്ങള്‍ നല്‍കുന്നത് ശ്രദ്ധയില്‍പ്പെട്ടിരുന്നു, തുടര്‍ന്ന് ട്രാന്‍സ്‌പോര്‍ട്ട് കമ്മിഷണര്‍ എം.ആര്‍. അജിത്ത് കുമാറിന്റെ നിര്‍ദേശപ്രകാരം പുകപരിശോധന ഉപകരണങ്ങളെക്കുറിച്ചും അതിന്റെ ഗുണമേന്മയെക്കുറിച്ചും പഠിക്കുവാനായി പാലക്കാട് എന്‍ഫോഴ്‌സ്‌മെന്റ് ആര്‍.ടി.ഒ. ജയേഷിന്റെ നേതൃത്വത്തില്‍ ഒരു സമിതിയെ നിയോഗിച്ചു.

സമിതി പുകപരിശോധനാ ഉപകരണങ്ങള്‍ നിര്‍മിക്കുന്ന കമ്പനിയുടെയും പരിശോധനാകേന്ദ്രങ്ങളുടെയും യോഗം വിളിച്ചു. മൊത്തത്തില്‍ 11 കമ്പനികളുള്ളതില്‍ ആറ് കമ്പനികള്‍ പാലക്കാട് നടന്ന യോഗത്തില്‍ പങ്കെടുത്തു. 'ലാംബ്ഡ' പരിശോധനയ്ക്ക് ഇവര്‍ക്ക് വൈദഗ്ധ്യമില്ലെന്നാണ് സമിതിക്ക് പരിശോധനയില്‍ ബോധ്യമായത്. 2020 ജനുവരി നാലുമുതലാണ് ബി.എസ്.6 വാഹനങ്ങള്‍ രജിസ്റ്റര്‍ചെയ്യുന്നത്. ഒരു വര്‍ഷത്തേക്ക് പുകപരിശോധന നടത്തേണ്ടതില്ല.

പരിവാഹന്‍ വെബ്‌സൈറ്റില്‍ 2021 ഡിസംബര്‍ മുതലാണ് പുതിയ സംവിധാനം വന്നതെങ്കിലും ഇതുവരെ വാഹനങ്ങള്‍ക്ക് പരിശോധന നടത്താന്‍ സാധിച്ചിട്ടില്ല. പുക പരിശോധന കാലാവധി കഴിഞ്ഞാല്‍ പോലീസും മോട്ടോര്‍ വാഹനവകുപ്പും പരിശോധന നടത്തി പിടിച്ചാല്‍ പിഴനല്‍കേണ്ടിവരുമെന്നാണ് വാഹനയുടമകളുടെ ആശങ്ക. പുകപരിശോധനാപ്രശ്‌നങ്ങള്‍ പരിഹരിക്കുന്നതുവരെ ബി.എസ്.6 വാഹനങ്ങളുടെ പുക സര്‍ട്ടിഫിക്കറ്റ് പരിശോധിക്കുന്നതില്‍ ചെറിയ അയവ് വരുത്താന്‍ മോട്ടോര്‍ വാഹനവകുപ്പിന് നിര്‍ദേശം ലഭിച്ചിട്ടുണ്ട്.

Content highlights: Vehicle pollution testing, BS6 vehicles pollution testing, pollution under control certificate


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
narendra modi

2 min

പ്രസംഗത്തിനുശേഷം നന്നായി ഉറങ്ങിക്കാണും, ഉണര്‍ന്നിട്ടുണ്ടാവില്ല; സഭയില്‍ രാഹുലിനെ പരിഹസിച്ച് മോദി

Feb 8, 2023


Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കാത്തിരിപ്പിനൊടുവിൽ അവര്‍ അച്ഛനും അമ്മയുമായി

Feb 4, 2023


Cow Hug Day

1 min

പശുവിനെ കെട്ടിപ്പിടിക്കൂ; ഫെബ്രുവരി 14 'കൗ ഹഗ് ഡേ' ആയി ആചരിക്കണമെന്ന് കേന്ദ്രം

Feb 8, 2023

Most Commented