ഇനി മുതലാളിയും തൊഴിലാളിയുമല്ല; കൂലിക്ക് ഓടിച്ച വാഹനം മനോജിന് സമ്മാനിച്ച് ഉടമയായ റഫീഖ്


നാലുലക്ഷത്തോളം രൂപ മുടക്കി മൂന്നുവര്‍ഷം മുന്‍പ് വാങ്ങിയ വാഹനമാണ് ഇന്‍ഷുറന്‍സ് തുകയും മുഴുവന്‍ അടച്ച് മനോജിന് നല്‍കിയത്.

റഫീഖ് പിക്കപ്പ് വാഹനത്തിന്റെ താക്കോൽ മനോജിന് കൈമാറുന്നു | ഫോട്ടോ: മാതൃഭൂമി

കോവിഡ് കാലത്ത് സുഹൃത്തിനോടുള്ള കരുതലിന്റെ ഉദാത്തമായ മാതൃകയാവുകയാണ് ചേളന്നൂര്‍ പാലത്ത് ഗുഡ്സ് സ്റ്റാന്‍ഡിലെ ഡ്രൈവറായ കിഴക്കുംമുറി പുതിയേടത്ത് റഫീഖ്. റഫീഖിന്റെ നന്മ നിറഞ്ഞ മനസ്സുകൊണ്ട് സുഹൃത്തായ മനോജിന് ഇനി സ്വന്തം ഉടമസ്ഥതയിലുള്ള പിക്കപ്പ് വാനിന്റെ വളയം പിടിക്കാം.

റഫീഖിന്റെ കൈവശമുള്ള രണ്ട് പിക്കപ്പ് ഗുഡ്സ് വാഹനത്തില്‍ ഒരെണ്ണമാണ് സുഹൃത്തായ മനോജിന് സമ്മാനിച്ചത്. ഇരുവരും പാലത്ത് ഗുഡ്സ് സ്റ്റാന്‍ഡിലെ ഡ്രൈവര്‍മാരാണ്. റഫീഖിന്റെ ഉടമസ്ഥതയിലുള്ള വാഹനത്തില്‍ മൂന്ന് വര്‍ഷമായി മനോജ് ജോലിചെയ്യുന്നു. പിക്കപ്പ് ഓടിച്ചുകിട്ടുന്ന പണം ഇടവേളയായി റഫീഖിന് കൊടുക്കാറായിരുന്നു പതിവ്.

മനോജിന്റെ സാമ്പത്തിക പ്രയാസം അടുത്തറിഞ്ഞ റഫീഖ് നാലുലക്ഷത്തോളം രൂപ മുടക്കി മൂന്നുവര്‍ഷം മുന്‍പ് വാങ്ങിയ വാഹനമാണ് ഇന്‍ഷുറന്‍സ് തുകയും മുഴുവന്‍ അടച്ച് മനോജിന് നല്‍കിയത്. കോവിഡ് പിടിമുറുക്കുന്നതിന് മുന്പുതന്നെ വാഹനം കൊടുക്കാന്‍ മനസ്സില്‍ വിചാരിച്ചിരുന്നതായി റഫീഖ് പറഞ്ഞു.

റഫീഖ് വാഹനം നല്‍കാന്‍ തീരുമാനിച്ചത് നാട്ടുകാരുടെയും പ്രശംസ പിടിച്ചുപറ്റി. സുഹൃത്തുക്കളുടെ സാന്നിധ്യത്തില്‍ റഫീഖ് പിക് അപ്പിന്റെ താക്കോല്‍ മനോജിന് കൈമാറി. റഫീഖിന്റെ സുമനസ്സിനെ പ്രശംസിച്ച് സാമൂഹികമാധ്യമങ്ങളിലും വാഹനം കൈമാറുന്ന ഫോട്ടോ പ്രചരിക്കുന്നുണ്ട്.

Content Highlights: Vehicle Owner Gifted His Vehicle To The Driver

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented