'വീല്‍സില്‍' ഇല്ലെങ്കില്‍ സര്‍ക്കാര്‍ വാഹനങ്ങള്‍ക്കും ഡ്രൈവര്‍മാര്‍ക്കും ചില്ലി കാശ് പോലും നല്‍കില്ല


ഇനിയും രേഖപ്പെടുത്താത്തവര്‍ക്ക് വാഹനങ്ങളുടെയോ ഡ്രൈവര്‍മാരുടെയോ ചെലവിലേക്കായി ഒരുരൂപപോലും നല്‍കേണ്ടെന്ന് സര്‍ക്കാര്‍ തീരുമാനിച്ചത്.

പ്രതീകാത്മത ചിത്രം | ഫോട്ടോ: മാതൃഭൂമി

'വീല്‍സില്‍' രേഖപ്പെടുത്താത്ത സര്‍ക്കാര്‍ വകുപ്പുകളിലെയും സ്ഥാപനങ്ങളിലെയും വാഹനങ്ങള്‍ക്കും ഡ്രൈവര്‍മാര്‍ക്കും ഇനി സര്‍ക്കാര്‍ സഹായമില്ല. പലവട്ടം നിര്‍ദേശം നല്‍കിയിട്ടും ഡ്രൈവര്‍മാര്‍ വെഹിക്കിള്‍ മാനേജ്മെന്റ് സിസ്റ്റത്തില്‍ (വീല്‍സ്) വിവരങ്ങള്‍ അപ്ലോഡ് ചെയ്യുന്നില്ലെന്നു കണ്ടതിനെത്തുടര്‍ന്നാണ് സര്‍ക്കാര്‍ തീരുമാനം.

വിവിധ വകുപ്പുകള്‍, പൊതുമേഖലാ സ്ഥാപനങ്ങള്‍, ഗ്രാന്റ് ഇന്‍ എയ്ഡ്, തദ്ദേശസ്ഥാപനങ്ങള്‍ എന്നിവിടങ്ങളിലെയെല്ലാം വാഹനങ്ങളുടെയും അവയിലെ ജീവനക്കാരുടെയും വിവരങ്ങള്‍ രേഖപ്പെടുത്തണമെന്ന് പലവട്ടം നിര്‍ദേശം നല്‍കിയിരുന്നു. ഇതു പാലിക്കുന്നതില്‍ വീഴ്ചവരുന്നതായി സര്‍ക്കാര്‍ കണ്ടെത്തി.

ഇതോടെയാണ് ഇനിയും രേഖപ്പെടുത്താത്തവര്‍ക്ക് വാഹനങ്ങളുടെയോ ഡ്രൈവര്‍മാരുടെയോ ചെലവിലേക്കായി ഒരുരൂപപോലും നല്‍കേണ്ടെന്ന് സര്‍ക്കാര്‍ തീരുമാനിച്ചത്. ഈമാസം 30-നകം വീല്‍സില്‍ ചേര്‍ക്കാത്ത എല്ലാ വാഹനങ്ങളുടെയും ജീവനക്കാരുടെയും വിവരങ്ങള്‍ അപ്ലോഡ് ചെയ്യണം. പൂര്‍ത്തീകരണ റിപ്പോര്‍ട്ട് ഡിസംബര്‍ 31-നകം ധനവകുപ്പില്‍ നല്‍കണം.

ഇത് നിരീക്ഷിക്കാന്‍ എല്ലാ വകുപ്പുകളിലും നോഡല്‍ ഓഫീസര്‍മാരെയും വാഹനങ്ങളനുവദിച്ച ഓഫീസുകളില്‍ കണ്‍ട്രോളിങ് ഓഫീസര്‍മാരെയും നിയമിക്കണം. വാഹനങ്ങളുടെ ആര്‍.സി., ഡ്രൈവര്‍മാരുടെ ലൈസന്‍സ്, പുകപരിശോധനയടക്കമുള്ളവയുടെ രേഖകള്‍ എന്നിവയും നല്‍കണം. ദിവസവേതന, കരാര്‍ ജീവനക്കാരുടെ വേതനം അനുവദിക്കുംമുന്‍പ് ആ വാഹനങ്ങളുടെ വിവരങ്ങള്‍ വീല്‍സിലുണ്ടെന്ന് ഉറപ്പാക്കണം.

Content Highlights: Vehicle management system for government vehicle, vehicle and driver details


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented