ആർ.സിയും ആധാറും ലിങ്ക് ചെയ്‌തോ; നിങ്ങള്‍ പോലും അറിയാതെ നിങ്ങളുടെ വണ്ടി വേറെയാളുടെ ആയേക്കാം


80 ശതമാനത്തോളം സ്വകാര്യവാഹന ഉടമകളും മൊബൈല്‍ നമ്പര്‍ ഉള്‍ക്കൊള്ളിച്ചിട്ടില്ലെന്നതാണ് മറ്റൊരു ന്യൂനത.

പ്രതീകാത്മക ചിത്രം | ഫോട്ടോ: പി.പി. ബിനോജ് | മാതൃഭൂമി

വാഹനങ്ങളുടെ ഉടമസ്ഥാവകാശ കൈമാറ്റത്തിന് മോട്ടോര്‍വാഹനവകുപ്പ് ഏര്‍പ്പെടുത്താന്‍ പോകുന്ന ഓണ്‍ലൈന്‍ സംവിധാനത്തില്‍ സുരക്ഷാവീഴ്ചകളേറെ. ആധാര്‍ ബന്ധിപ്പിക്കുന്നത് ഉള്‍പ്പെടെയുള്ള സുരക്ഷാക്രമീകരണങ്ങളില്ലെങ്കില്‍ ക്രമക്കേടിന് സാധ്യതയുണ്ട്. രജിസ്ട്രേഷന്‍ സര്‍ട്ടിഫിക്കറ്റിന്റെ പകര്‍പ്പ് കൈവശമുള്ള ആര്‍ക്കും വാഹനത്തിന്റെ ഉടമസ്ഥാവകാശം മാറ്റാന്‍ കഴിയുന്ന രീതിയിലാണ് സംവിധാനം.

ഉടമയുടെ രജിസ്ട്രേഡ് മൊബൈല്‍ഫോണിലേക്ക് പോകുന്ന സന്ദേശംമാത്രമാണ് ഏക സുരക്ഷാ കടമ്പ. എന്നാല്‍, രജിസ്ട്രേഷന്‍ വിവരങ്ങള്‍ കൈവശമുണ്ടെങ്കില്‍ വാഹന്‍ വെബ്സൈറ്റില്‍ക്കയറി ആര്‍ക്കും മൊബൈല്‍ നമ്പര്‍ മാറ്റാനാകും. ഇക്കാര്യം അറിയിച്ചുകൊണ്ട് ഉടമയ്ക്ക് സന്ദേശം ലഭിക്കാറില്ല.

80 ശതമാനത്തോളം സ്വകാര്യവാഹന ഉടമകളും മൊബൈല്‍ നമ്പര്‍ ഉള്‍ക്കൊള്ളിച്ചിട്ടില്ലെന്നതാണ് മറ്റൊരു ന്യൂനത. അതിനാല്‍ മൊബൈല്‍ നമ്പര്‍ രജിസ്ട്രേഷന്‍ നിയന്ത്രിക്കാനും കഴിയുന്നില്ല. ടാക്‌സിവാഹന ഉടമകള്‍ സ്വന്തം നമ്പരിനുപകരം ഇടനിലക്കാരുടെ മൊബൈല്‍ നമ്പര്‍ നല്‍കാറുണ്ട്. ഒരു ഫോണ്‍ നമ്പര്‍ തന്നെ ഒട്ടേറെ വാഹനങ്ങളുടെ വിവരങ്ങളില്‍ ഉള്‍ക്കൊള്ളിക്കാനാകും.

ഓണ്‍ലൈനില്‍ അപേക്ഷ നല്‍കിയശേഷം അസല്‍ രേഖകളും അപേക്ഷയുടെ പകര്‍പ്പും ഓഫീസില്‍ എത്തിക്കുന്നതാണ് നിലവിലെ രീതി. സര്‍ട്ടിഫിക്കറ്റ് റദ്ദാക്കിയശേഷം പുതിയരേഖകള്‍ തപാലില്‍ അയച്ച് നല്‍കും. ഓഫീസില്‍ രേഖകള്‍ എത്തിക്കണമെന്ന വ്യവസ്ഥ, വാഹനഉടമകളെ ചൂഷണം ചെയ്യാനുള്ള വഴിയായി ചില ഉദ്യോഗസ്ഥരും ഇടനിലക്കാരും മാറ്റിയതിനെ തുടര്‍ന്നാണ് ഒഴിവാക്കാന്‍ തീരുമാനിച്ചത്.

പകരം ഓണ്‍ലൈന്‍ അപേക്ഷ സ്വീകരിച്ച് പുതിയ രേഖകള്‍ തപാലില്‍ അയച്ച് നല്‍കാനാണ് തീരുമാനം. പഴയ ആര്‍.സി. പുതിയ ഉടമ വാങ്ങി സൂക്ഷിക്കണം. വാഹന രജിസ്ട്രേഷന്‍ ഉടമയുടെ ആധാറുമായി ബന്ധിപ്പിച്ചാല്‍ ഈ ക്രമക്കേട് തടയാന്‍ കഴിയും. ആധാറിലെ ഫോണ്‍ നമ്പരാകും വാഹനരജിസ്ട്രേഷന്‍ രേഖകളിലേക്കും വരുക. ഒരു വ്യക്തിയുടെ ആധാറിലെ മൊബൈല്‍ നമ്പര്‍ അയാള്‍ നേരിട്ടെത്താതെ മാറ്റാന്‍ സാധിക്കില്ല.

Content Highlights: vehicle Documents Linked With Aadhar Car, Vehicle Ownership

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022

Most Commented