ടെസ്‌ലയുടെ ഡ്രൈവര്‍ലെസ് കാര്‍ നിയന്ത്രണം വിട്ട് അപകടം; രണ്ട് യാത്രക്കാര്‍ക്ക് ദാരുണാന്ത്യം


ടെസ്‌ല 2019-ല്‍ പുറത്തിറക്കിയ മോഡല്‍ എസ് എന്ന വാഹനമാണ് അപകടത്തില്‍പെട്ടത്.

അപകടത്തിൽ പെട്ട വാഹനം | Photo: abc13.com | Tesla.com

ഡ്രൈവറില്ലാതെ ഓടുന്ന കാറുകള്‍ക്കായുള്ള പരീക്ഷണം ലോകത്താകമാനം പുരോഗമിക്കുകയാണ്. എന്നാല്‍, ഇത്തരം വാഹനങ്ങളുടെ സുരക്ഷ ചോദ്യം ചെയ്യുന്ന അപകടമാണ് കഴിഞ്ഞ ദിവസം അമേരിക്കയില്‍ റിപ്പോര്‍ട്ട് ചെയ്തിരിക്കുന്നത്. നോര്‍ത്ത് ഹൂസ്റ്റണില്‍ കഴിഞ്ഞ ശനിയാഴ്ച രാത്രിയിലാണ് സംഭവം. അപകടത്തില്‍ കാറിലുണ്ടായിരുന്ന രണ്ടുപേര്‍ മരിച്ചിരുന്നു. അതിവേഗത്തിലെത്തിയ കാര്‍ റോഡിന് സമീപത്തുള്ള മരത്തിലിടിച്ച് തീപിടിച്ചാണ് അപകടമുണ്ടായത്.

ടെസ്‌ല 2019-ല്‍ പുറത്തിറക്കിയ മോഡല്‍ എസ് എന്ന വാഹനമാണ് അപകടത്തില്‍പെട്ടത്. അപകട സമയത്ത് വാഹനത്തിന്റെ ഡ്രൈവിങ്ങ് സീറ്റില്‍ ആളുണ്ടായിരുന്നില്ലെന്നാണ് പോലീസ് റിപ്പോര്‍ട്ട്. രണ്ട് യാത്രക്കാരില്‍ ഒരാള്‍ മുന്നിലെ പാസഞ്ചര്‍ സീറ്റിലും ഒരാള്‍ പിന്നിലുമായിരുന്നെന്നും പോലീസ് പറയുന്നു. വാഹനത്തിന്റെ നാവിഗേഷന്‍ സംവിധാനത്തിലുണ്ടായ പിഴവിനെ തുടര്‍ന്നാണ് അപകടമുണ്ടായത് എന്നാണ് പോലീസിന്റെ പ്രാഥമിക നിഗമനം.

മുമ്പ് റിപ്പോര്‍ട്ട് ചെയ്തിട്ടുള്ള അപകടങ്ങളുടെ പശ്ചാത്തലത്തില്‍ ടെസ്‌ലയുടെ സെമി-ഓട്ടോമേറ്റഡ് സംവിധാനത്തെ കുറിച്ചുള്ള പഠനങ്ങള്‍ പുരോഗമിക്കുവെയാണ് വീണ്ടുമൊരു അപകടം റിപ്പോര്‍ട്ട് ചെയ്തിരിക്കുന്നത്. ഇതിനുപുറമെ, ടെസ്‌ല പൂര്‍ണമായും ഡ്രൈവറില്ലാതെ പ്രവര്‍ത്തിക്കുന്ന കാറുകളുടെ പണിപ്പുരയിലുമാണ്. മനുഷ്യരെക്കാള്‍ മികച്ച രീതിയില്‍ വാഹനം നിയന്ത്രിക്കുന്നതിനുള്ള സോഫ്റ്റ്‌വെയര്‍ ഒരുക്കുമെന്നാണ് ടെസ്‌ലയുടെ മേധാവി പ്രഖ്യാപിച്ചിട്ടുള്ളത്.

ഇപ്പോള്‍ ഉണ്ടായിട്ടുള്ള അപകടത്തെ കുറിച്ച് ടെസ്‌ലയുടെ പ്രതികരണം ലഭിച്ചിട്ടില്ലെന്നാണ് സൂചന. ടെസ്‌ലയുടെ വാഹനങ്ങള്‍ അപകടത്തില്‍ പെട്ടതുമായി ബന്ധപ്പെട്ട 27 കേസുകളാണ് അന്വേഷണത്തില്‍ ഇരിക്കുന്നതെന്ന് കഴിഞ്ഞ മാസം യു.എസ്. ഓട്ടോ സേഫ്റ്റി എജന്‍സി റിപ്പോര്‍ട്ട് ചെയ്തിരുന്നു. ഇതില്‍ മൂന്നെണ്ണം അടുത്തിടെ നടന്നതാണെന്നാണ് സൂചന. ഇതോടെ ഡ്രൈവറില്ലാ വാഹനങ്ങളുടെ സുരക്ഷ സംബന്ധിച്ച ചര്‍ച്ചകള്‍ വീണ്ടും ചൂടുപിടിക്കുകയാണ്.

Source: Car and Bike

Content Highlights: Two People Died In Tesla Driverless Car Accident In US


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented