വാഹനത്തിലേത് വ്യാജ സ്റ്റിക്കറെങ്കില്‍ വഴിയില്‍ പിടിവീഴും; 'പ്രസ്സും ഹെല്‍ത്തു'മായി വ്യാജന്മാര്‍ ഏറെ


ആന്‍സ് ട്രീസ ജോസഫ്

നിയമവിരുദ്ധ ഇടപാടുകള്‍ക്ക് മറയായും ഇത്തരം സ്റ്റിക്കറുകള്‍ ഉപയോഗപ്പെടുത്തുന്നതായി കണ്ടെത്തിയിട്ടുണ്ട്.

പ്രതീകാത്മക ചിത്രം | Photo: Amazon

വ്യാജ ഔദ്യോഗിക സ്റ്റിക്കറുകള്‍ വാഹനങ്ങളില്‍ പതിപ്പിക്കുന്നവര്‍ക്കെതിരേ നടപടിയെടുക്കാന്‍ മോട്ടോര്‍ വാഹന വകുപ്പ് ഒരുങ്ങുന്നു. മാധ്യമ പ്രവര്‍ത്തകര്‍, അഭിഭാഷകര്‍, ഡോക്ടര്‍മാര്‍ തുടങ്ങിയവര്‍ വാഹനങ്ങളില്‍ ഉപയോഗിക്കുന്ന സ്റ്റിക്കറുകളാണ് വ്യാപകമായി ദുരുപയോഗം ചെയ്യുന്നത്. 'പ്രസ്', 'ഹെല്‍ത്ത്' എന്നീ സ്റ്റിക്കറുകളാണ് വ്യാജന്‍മാര്‍ കൂടുതലായി ഉപയോഗിക്കുന്നത്.

ഇന്റര്‍നെറ്റില്‍ നിന്ന് ഡൗണ്‍ലോഡ് ചെയ്താണ് ഭൂരിഭാഗവും സ്റ്റിക്കര്‍ പതിപ്പിക്കുന്നത്. ചില വര്‍ക്ഷോപ്പുകളിലും മെക്കാനിക്കല്‍ കേന്ദ്രങ്ങളിലും സ്റ്റിക്കര്‍ ലഭ്യമാണ്. ഔദ്യോഗിക രേഖകള്‍ പരിശോധിക്കാതെ ഉപയോക്താവിന്റെ താത്പര്യപ്രകാരമുള്ള സ്റ്റിക്കര്‍ പതിപ്പിച്ച് നല്‍കും. പോലീസില്‍ നിന്നും പൊതുസ്ഥലങ്ങളില്‍ നിന്നും പരിഗണന ലഭിക്കാന്‍ വേണ്ടിയാണ് പലരും വ്യാജ സ്റ്റിക്കറുകള്‍ പതിപ്പിക്കുന്നത്.

നിയമവിരുദ്ധ ഇടപാടുകള്‍ക്ക് മറയായും ഇത്തരം സ്റ്റിക്കറുകള്‍ ഉപയോഗപ്പെടുത്തുന്നതായി കണ്ടെത്തിയിട്ടുണ്ട്. ഋഷിരാജ് സിങ് ട്രാന്‍സ്‌പോര്‍ട്ട് കമ്മിഷണര്‍ ആയിരുന്ന സമയത്ത് വ്യാജ സ്റ്റിക്കര്‍ ഒട്ടിക്കുന്നവരെ പിടികൂടാന്‍ നടപടി തുടങ്ങിയിരുന്നു. ജില്ലാ പൊലീസ് മേധാവിമാരെ അദ്ധ്യക്ഷരാക്കി നിരീക്ഷണ സമിതികളും സര്‍ക്കിള്‍ ഇന്‍സ്‌പെക്ടര്‍മാരുടെ നേതൃത്വത്തില്‍ പ്രാദേശിക സമിതികളും രൂപവത്കരിക്കാന്‍ തീരുമാനിച്ചെങ്കിലും നടപ്പായില്ല.

2019-ല്‍ ടോമിന്‍ ജെ. തച്ചങ്കരിയും വ്യാജ സ്റ്റിക്കറുകള്‍ ഇല്ലാതാക്കാന്‍ ശ്രമം നടത്തിയിരുന്നു. സമീപകാലത്ത് വ്യാജ സ്റ്റിക്കറുകളുടെ ഉപയോഗം ഏറിയതോടെയാണ് നടപടി കര്‍ശനമാക്കാന്‍ തീരുമാനിച്ചത്. സ്റ്റിക്കറിനെ സാധൂകരിക്കുന്ന അംഗീകൃത തിരിച്ചറിയില്‍ രേഖയില്ലാത്തവരുടെ വാഹനങ്ങളില്‍ നിന്ന് അവ നീക്കം ചെയ്യുകയും പിഴയീടാക്കുകയും ചെയ്യും. സ്റ്റിക്കര്‍ പതിപ്പിച്ച് നല്‍കുന്ന കേന്ദ്രങ്ങള്‍ക്കും കര്‍ശന നിര്‍ദേശം നല്‍കും.

Content Highlights: Sticker Used In Vehicles, Motor Vehicle Department, Press Sticker


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented