ഓണ്‍ലൈന്‍ സര്‍ട്ടിഫിക്കറ്റിലും 'സീല്‍'; അഴിമതിക്കെന്ന് ലോറി ഉടമകള്‍, പരാതി ഒഴിവാക്കാനെന്ന് എംവിഡി


ടി.കെ. ബാലനാരായണന്‍

ജൂണ്‍ 16 മുതലാണ് സംസ്ഥാനത്ത് വാഹനനികുതി, പെര്‍മിറ്റ് ഫീസ്, സെസ്സ്, ഗ്രീന്‍ ടാക്‌സ് എന്നിവ ഓണ്‍ലൈന്‍ വഴി അടയ്ക്കാനുള്ള സൗകര്യമൊരുക്കിയത്.

പ്രതീകാത്മക ചിത്രം | ഫോട്ടോ: മാതൃഭൂമി

സേവനങ്ങള്‍ ഓണ്‍ലൈനാക്കിയിട്ടും സംസ്ഥാനത്തെ മോട്ടോര്‍വാഹന ചെക്‌പോസ്റ്റുകളില്‍ ഡിജിറ്റല്‍ സര്‍ട്ടിഫിക്കറ്റുകളില്‍ പരിശോധനാ ഉദ്യോഗസ്ഥന്റെ ഒപ്പും സീലും നിര്‍ബന്ധമാക്കി. ചെക്ക്‌പോസ്റ്റുകളിലെ തിരക്ക് ഒഴിവാക്കാനും സമയലാഭത്തിനും ചെക്ക് പോസ്റ്റിലെ അഴിമതിക്ക് അറുതി വരുത്താനുമാണ് ഓണ്‍ലൈന്‍ സംവിധാനം കൊണ്ടുവന്നത്. ഇതിനെ അട്ടിമറിക്കുന്നതാണ് ഇപ്പോള്‍ കൊണ്ടുവന്ന നിര്‍ദേശം.

ജൂണ്‍ 16 മുതലാണ് രാജ്യവ്യാപകമായി നടപ്പിലാക്കുന്ന പരിവാഹന്‍ സോഫ്റ്റ് വെയര്‍ സംവിധാനവുമായി ബന്ധിപ്പിച്ച് സംസ്ഥാനത്ത് വാഹനനികുതി, പെര്‍മിറ്റ് ഫീസ്, സെസ്സ്, ഗ്രീന്‍ ടാക്‌സ് എന്നിവ ഓണ്‍ലൈന്‍ വഴി അടയ്ക്കാനുള്ള ഓണ്‍ലൈന്‍ സര്‍ട്ടിഫിക്കറ്റ് സൗകര്യമൊരുക്കിയത്. ക്യു. ആര്‍. കോഡ് അടക്കമുള്ള സംവിധാനമുള്ളതാണ് ഈ ഡിജിറ്റല്‍ സര്‍ട്ടിഫിക്കറ്റുകള്‍.

ആധികാരികത ഉറപ്പുവരുത്താന്‍ ബുദ്ധിമുട്ടില്ല. വാഹനങ്ങളുടെ നമ്പര്‍ കൊടുത്താല്‍ മൊബൈല്‍ ഫോണില്‍പോലും നികുതി, പെര്‍മിറ്റ് തുടങ്ങി സര്‍വവിവരവും കിട്ടുന്ന കാലത്താണ് ഡിജിറ്റല്‍ സര്‍ട്ടിഫിക്കറ്റുകള്‍ നേരിട്ട് പരിശോധിച്ച് അതില്‍ ഉദ്യോഗസ്ഥര്‍ ഒപ്പും സീലും പതിപ്പിക്കുന്നത്. ഇത് അഴിമതിക്കുള്ള വഴിയാണെന്നാണ് ലോറി തൊഴിലാളികള്‍ ആരോപിക്കുന്നത്.

മറ്റ് സര്‍ക്കാര്‍ ഓണ്‍ലൈന്‍ സര്‍ട്ടിഫിക്കറ്റുകളിലൊന്നും ഇത്തരമൊരു പരിശോധനാ രീതിയില്ലെന്നും ഇത് ഒഴിവാക്കേണ്ടതാണെന്നും ലോറി ഓണേഴ്‌സ് ഫെഡറേഷന്‍ സംസ്ഥാന വൈസ് പ്രസിഡന്റ് പി. അബ്ദുള്‍നാസര്‍ അഭിപ്രായപ്പെട്ടു. അതേസമയം, പരിഷ്‌കാരത്തെ മോട്ടോര്‍ വാഹനവകുപ്പ് ന്യായീകരിച്ചു. നിലവിലെ സംവിധാനം ഉപഭോക്താക്കള്‍ക്ക് വളരെ ഉപകാരപ്രദമാണെന്ന് ജോയന്റ് ട്രാന്‍സ്‌പോര്‍ട്ട് കമ്മിഷണര്‍ ടി.സി. വിനേഷ് പറഞ്ഞു.

വാഹനം കടന്നുപോയാല്‍ ഭാവിയില്‍ വല്ല പരാതിയോ മറ്റ് പരിശോധനകളോ വേണ്ടിവന്നാലോ എന്നു കരുതിയാണ് അത് ഉദ്യോഗസ്ഥര്‍ പരിശോധിച്ച് സീല്‍ ചെയ്യുന്നത്. ഇത് ഒഴിവാക്കാനുള്ള സംവിധാനത്തെപ്പറ്റിയുള്ള ആലോചനകള്‍ നടക്കുന്നുണ്ടെന്നും അദ്ദേഹം വ്യക്തമാക്കി.

Content Highlights: Signature And Seal Made Mandatory By MVD In Vehicle Digital Documents

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


satheesan-riyas

2 min

'കുതിരകയറാന്‍ നോക്കരുത്, തിരിച്ച് കിട്ടുമ്പോള്‍ കിടന്ന് മോങ്ങുന്നു'; സതീശനെതിരെ ആഞ്ഞടിച്ച് റിയാസ്

Aug 16, 2022

Most Commented