കേരളത്തിലെ വാഹനാപകടം; റോഡിലെ ബ്ലാക് സ്പോട്ടുകളില്‍ പത്തില്‍ ഏഴും ആലപ്പുഴയില്‍


ഷൈന്‍ മോഹന്‍

ഏറ്റവും കൂടുതല്‍ റോഡപകടമുണ്ടാകുന്ന സ്ഥലങ്ങളെയാണ് ബ്ലാക് സ്‌പോട്ടുകളായി കണക്കാക്കുന്നത്.

പ്രതീകാത്മക ചിത്രം | രേഖാചിത്രം: മാതൃഭൂമി

സംസ്ഥാനത്ത് ഏറ്റവും കൂടുതല്‍ റോഡപകടങ്ങളുണ്ടാകുന്ന പത്ത് ബ്ലാക് സ്‌പോട്ടുകളില്‍ ഏഴും ആലപ്പുഴ ജില്ലയിലെന്ന് കേന്ദ്ര ഗതാഗത മന്ത്രാലയത്തിന്റെ റിപ്പോര്‍ട്ട്. ഏറ്റവും കൂടുതല്‍ റോഡപകടമുണ്ടാകുന്ന സ്ഥലങ്ങളെയാണ് ബ്ലാക് സ്‌പോട്ടുകളായി കണക്കാക്കുന്നത്. കേരളത്തില്‍ 243 ബ്ലാക് സ്‌പോട്ടുകളുണ്ട്.

അപകടത്തില്‍ ഏറ്റവും മുന്നിലുള്ള പത്ത് ബ്ലാക് സ്‌പോട്ടുകളില്‍ മൂന്നു വര്‍ഷത്തിനിടെ (2016- 2018) മരിച്ചത് 173 പേരാണ്. അതില്‍ 120 പേര്‍ക്കും ആലപ്പുഴയിലെ ബ്ലാക് സ്‌പോട്ടുകളിലാണ് അപകടമുണ്ടായത്. സംസ്ഥാനത്ത് അപകടമരണം ഏറ്റവും കൂടുതല്‍ നടന്ന ബ്ലാക് സ്‌പോട്ട് ദേശീയപാത 744-ല്‍ കൊല്ലം കുണ്ടറ കേരളപുരത്താണ്.

ഇവിടെ മൂന്നുവര്‍ഷത്തിനിടെ 36 അപകടങ്ങളിലായി 28 പേര്‍ക്ക് ജീവന്‍ നഷ്ടമായി. അപകടങ്ങളുടെ എണ്ണത്തില്‍ ഒന്നാംസ്ഥാനത്ത് ആലപ്പുഴ അരൂര്‍ ബൈപ്പാസ് മുതല്‍ അരൂര്‍ ക്ഷേത്രം വരെയുള്ള ദേശീയപാത 66-ലെ ബ്ലാക് സ്‌പോട്ടാണ്. ഇവിടെ 164 അപകടങ്ങളില്‍ 26 പേരാണ് മൂന്ന് വര്‍ഷത്തിനിടെ മരിച്ചത്.

രാജ്യത്താകെ 5,583 ബ്ലാക് സ്‌പോട്ടുകളുള്ളതില്‍ 2,493-ഉം ദക്ഷിണേന്ത്യന്‍ സംസ്ഥാനങ്ങളിലാണ്. തമിഴ്നാട്ടിലാണ് ഏറ്റവും കൂടുതല്‍ (748). ആന്ധ്രപ്രദേശ് (466), കര്‍ണാടകം (551), തെലങ്കാന (485) സംസ്ഥാനങ്ങളാണ് തൊട്ടുപിന്നില്‍. ബ്ലാക് സ്‌പോട്ടുകളുടെ എണ്ണത്തില്‍ രണ്ടാംസ്ഥാനം പശ്ചിമബംഗാളിനാണ് (701). അതേസമയം, അപകടങ്ങളുടെ എണ്ണത്തില്‍ ഒന്നാംസ്ഥാനത്തുള്ള ഉത്തര്‍പ്രദേശില്‍ 253 ബ്ലാക് സ്‌പോട്ടുകള്‍മാത്രമാണ് കണ്ടെത്തിയിട്ടുള്ളത്. വലിയ സംസ്ഥാനങ്ങളായ മധ്യപ്രദേശില്‍ 303-ഉം രാജസ്ഥാനില്‍ 349-ഉം ബ്ലാക് സ്‌പോട്ടുകളാണുള്ളത്.

മറ്റു പ്രധാന ബ്ലാക് സ്പോട്ടുകള്‍

ആലപ്പുഴ അരൂരിലെ എരമല്ലൂര്‍, ചന്ദിരൂര്‍, ഹരിപ്പാട് മാധവ ജങ്ഷന്‍ മുതല്‍ കെ.എസ്.ആര്‍.ടി.സി. ജങ്ഷന്‍ വരെയുള്ള ഭാഗം, ഹരിപ്പാട് കരുവാറ്റ മുതല്‍ വഴിയമ്പലം വരെയുള്ള ഭാഗം, കരീലക്കുളങ്ങര രാമപുരം, കുത്തിയത്തോട് തുറവൂര്‍ സെയ്ന്റ് ജോര്‍ജ് പള്ളി മുതല്‍ റിലയന്‍സ് പെട്രോള്‍ പമ്പ് വരെയുള്ള ഭാഗം, കണ്ണൂര്‍ വളപട്ടണം പാപ്പിനിശ്ശേരി ചുങ്കം മുതല്‍ വേലപുരം വരെ, കോഴിക്കോട് വടകര കൈനാട്ടി.

Content Highlights: Road Accidents In Kerala; Seven Out Of Ten Black Spots In Alappuzha

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented