വാഹനാപകടം; കുട്ടികളുടെ പരിക്ക് ശിശുക്ഷേമസമിതി അറിയണം; കേന്ദ്ര മോട്ടോര്‍വാഹനച്ചട്ടത്തില്‍ മാറ്റം


ബി. അജിത് രാജ്

വാഹനാപകട കേസുകളിലെ അന്വേഷണ പിഴവുകള്‍ പരിഹരിക്കാനാണ് ചട്ടം ഭേദഗതിചെയ്യുന്നത്.

Representational image | Mathrubhumi

വാഹനാപകടങ്ങളില്‍ പരിക്കേല്‍ക്കുന്ന കുട്ടികള്‍ക്ക് തുടര്‍ചികിത്സയും പരിചരണവും ഉറപ്പാക്കാന്‍ കേന്ദ്ര മോട്ടോര്‍വാഹന ചട്ടത്തില്‍ ഭേദഗതി വരുത്തുന്നു. മാതാപിതാക്കള്‍ക്കോ രക്ഷിതാക്കള്‍ക്കോ പരിക്കേറ്റതു കാരണം കുട്ടികളുടെ ചികിത്സ തടസ്സപ്പെടരുത്. തുടര്‍ചികിത്സ ഉറപ്പാക്കണം.

പരിക്കുപറ്റുന്ന കുട്ടികളുടെ വിവരം പോലീസ് ഉദ്യോഗസ്ഥര്‍ അതത് സ്ഥലത്തെ ശിശുക്ഷേമസമിതിയെ അറിയിക്കണം. കുട്ടികളുടെ ചികിത്സാവിവരം പരിശോധിക്കുകയും ബാലനീതി നിയമം ഉറപ്പുവരുത്തുന്ന സഹായം നല്‍കുകയും വേണം. ചികിത്സയിലുള്ള കുട്ടികള്‍ നിര്‍ധനകുടുംബാംഗങ്ങളോ അവശത അനുഭവിക്കുന്നവരോ ആണെങ്കില്‍ അക്കാര്യം പ്രത്യേകം പരാമര്‍ശിക്കണം.

വാഹനാപകട കേസുകളിലെ അന്വേഷണ പിഴവുകള്‍ പരിഹരിക്കാനാണ് ചട്ടം ഭേദഗതിചെയ്യുന്നത്. വാഹനാപകടങ്ങളിലെ നഷ്ടപരിഹാരം വൈകുന്നതിനെ സുപ്രീംകോടതി വിമര്‍ശിച്ചിരുന്നു. തുടര്‍ന്ന് അന്വേഷണം സമയബന്ധിതമായി പൂര്‍ത്തിയാക്കാനും രേഖകള്‍ വാഹനാപകട നഷ്ടപരിഹാര ട്രിബ്യൂണലില്‍ സമര്‍പ്പിക്കാനും സംസ്ഥാന പോലീസ് മേധാവി ഉദ്യോഗസ്ഥര്‍ക്ക് നിര്‍ദേശം നല്‍കിയിരുന്നു.

എന്നാല്‍, കൃത്യമായ ഫോമോ മാനദണ്ഡങ്ങളോ ഇല്ലാത്തതിനാല്‍ ഏകീകൃത വിവരങ്ങളല്ല ട്രിബ്യൂണലുകളില്‍ ലഭിച്ചിരുന്നത്. കേന്ദ്ര ഭേദഗതി വരുന്നതോടെ ഇതില്‍ അടുക്കുംചിട്ടയുമുണ്ടാകും.

Content Highlights: Road Accident, Child Welfare Board, Motor Vehicle Act


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented