റെഡ് സിഗ്‌നലില്‍ വണ്ടി ഓഫാക്കാം; മലിനീകരണം 20 ശതമാനം കുറയും, ലാഭം കോടികളും


റെഡ് സിഗനലില്‍ വണ്ടി ഓഫാക്കിയിട്ടാല്‍ വര്‍ഷത്തില്‍ 250 കോടി രൂപയോളം ലാഭിക്കാമെന്നാണ് വിലയിരുത്തല്‍.

വായുമലിനീകരണം നിയന്ത്രിക്കാന്‍ റെഡ് സിഗ്‌നലുകളില്‍ വണ്ടി ഓഫാക്കുന്ന പദ്ധതി വീണ്ടും പ്രഖ്യാപിച്ച് ഡല്‍ഹി സര്‍ക്കാര്‍. വരുന്ന തിങ്കളാഴ്ച മുതല്‍ ഈ പ്രചാരണം തുടങ്ങുമെന്ന് മുഖ്യമന്ത്രി അരവിന്ദ് കെജ് രിവാള്‍ അറിയിച്ചു. കഴിഞ്ഞ വര്‍ഷം തുടക്കം കുറിച്ചതാണ് വായുമലിനീകരണത്തെക്കുറിച്ച് ബോധവത്കരണത്തിന്റെ ഭാഗമായുള്ള ഈ പരിപാടി. ഇത്തവണ ഔദ്യോഗികമായി തുടങ്ങുന്നത് 18- നാണ്.

പെട്രോളിയം കണ്‍സര്‍വേഷന്‍ റിസര്‍ച്ച് അസോസിയേഷന്‍ കഴിഞ്ഞ വര്‍ഷത്തെ പ്രചാരണത്തെക്കുറിച്ച് പഠിച്ചിരുന്നു. റെഡ് സിഗനലില്‍ വണ്ടി ഓഫാക്കിയിട്ടാല്‍ വര്‍ഷത്തില്‍ 250 കോടി രൂപയോളം ലാഭിക്കാമെന്നാണ് വിലയിരുത്തല്‍. വായുമലിനീകരണം 13-20 ശതമാനം കുറയ്ക്കാനും ഇതു സഹായകമാവുന്നുവെന്നും കണ്ടെത്തിയതായി മുഖ്യമന്ത്രി പറഞ്ഞു.

വായുമലിനീകരണം കുറയ്ക്കാന്‍ ബസും മെട്രോയും പോലുള്ള പൊതുഗതാഗതം പരമാവധി ഉപയോഗിക്കണം. സ്വന്തം കാറുകള്‍ ഒഴിവാക്കി മറ്റുള്ളവരുമായി സഹകരിച്ച് കാര്‍ പൂളും നടപ്പാക്കാം. ആഴ്ചയില്‍ ഒരിക്കലെങ്കിലും സ്വന്തം വാഹനം ഉപയോഗിക്കുന്നത് ഒഴിവാക്കിയാല്‍ അന്തരീക്ഷമലിനീകരണം കുറയ്ക്കാന്‍ സഹായകമാവും. ഡല്‍ഹി സര്‍ക്കാര്‍ ഹരിത ആപ്പ് വികസിപ്പിച്ചിട്ടുണ്ട്.

ഇതിനകം 23,000 പരാതികള്‍ പരിഹരിച്ചു കഴിഞ്ഞു. വാഹനപ്പുക, മാലിന്യം കത്തിക്കല്‍ തുടങ്ങിയവ ശ്രദ്ധയില്‍പ്പെട്ടാല്‍ ഈ ആപ്പ് വഴി പരാതികളറിയിക്കാം. സര്‍ക്കാരിന്റെ ദൗത്യസംഘം ഉടനടി പരിഹാരത്തിനു രംഗത്തിറങ്ങും. ഡല്‍ഹിയിലെ വായുമലിനീകരണം സുരക്ഷിത പരിധിയിലാണെന്ന് മുഖ്യമന്ത്രി പറഞ്ഞു. എന്നാല്‍, അയല്‍ സംസ്ഥാനങ്ങളുടെ സഹകരണം വേണ്ടത്ര ലഭിക്കുന്നില്ല.

അയല്‍സംസ്ഥാനങ്ങളില്‍ വയലുകള്‍ക്ക് തീയിടല്‍ രൂക്ഷമായി തുടങ്ങി. അവിടങ്ങളിലെ സര്‍ക്കാരുകള്‍ കര്‍ഷകരെ സഹായിക്കാന്‍ ഒന്നും ചെയ്യുന്നില്ല. അതിനാല്‍, കാര്‍ഷികാവശിഷ്ടങ്ങള്‍ കത്തിക്കാന്‍ നിര്‍ബന്ധിതരാവുകയാണ് കര്‍ഷകര്‍. ഡല്‍ഹി സര്‍ക്കാരിന്റെ സ്വന്തം യത്നത്താല്‍ വായുമലിനീകരണം 25 ശതമാനം കുറയ്ക്കാന്‍ വഴിവെച്ചിട്ടുണ്ടെന്നും മുഖ്യമന്ത്രി അവകാശപ്പെട്ടു.

Content Highlights: Red Signal, Vehicle In Traffic Signal, Delhi Government, Vehicle Pollution


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


mahsa amini

4 min

ഷിന്‍, ഷിയാന്‍, ആസാദി; മതാധികാരികളുടെ മുഖത്തുനോക്കി കരളുറപ്പോടെ അവർ വിളിച്ചു പറഞ്ഞു

Oct 2, 2022

Most Commented