വാഹന വിലയിലെ ജി.എസ്.ടി തിരച്ച് നല്‍കും, 20,000 വരെ സബ്‌സിഡി; ഇ.വി നയവുമായി രാജസ്ഥാനും


2021 ഏപ്രില്‍ ഒന്ന് മുതല്‍ 2022 മാര്‍ച്ച് 31 വരെയുള്ള കാലയളവില്‍ വാങ്ങുന്ന ഇലക്ട്രിക് വാഹനങ്ങള്‍ക്കാണ് ജി.എസ്.ടി. വിഹിതം മടക്കി നല്‍കുകയെന്ന് സര്‍ക്കാര്‍ അറിയിച്ചു.

പ്രതീകാത്മക ചിത്രം | Photo: Tata motors

നിരത്തുകളില്‍ ഇലക്ട്രിക് വാഹനങ്ങളെ പ്രോത്സാഹിപ്പിക്കാന്‍ നിരവധി ആനുകൂല്യങ്ങളാണ് കേന്ദ്ര-സംസ്ഥാന സര്‍ക്കാരുകള്‍ ഒരുക്കുന്നത്. ഇതിന്റെ ഭാഗമായി ഓരോ സംസ്ഥാനങ്ങളും പ്രത്യേകമായി ഇലക്ട്രിക് വാഹനനയവും ഒരുക്കിയിട്ടുണ്ട്. മഹാരാഷ്ട്ര, ഗുജറാത്ത്, ഡല്‍ഹി, തെലങ്കാന തുടങ്ങിയ സംസ്ഥാനങ്ങള്‍ക്ക് പിന്നാലെ രാജസ്ഥാനും ഇലക്ട്രിക് വാഹന നയം പ്രഖ്യാപിച്ചിരിക്കുകയാണ്.

മറ്റ് സംസ്ഥാനങ്ങള്‍ പ്രഖ്യാപിച്ചിട്ടുള്ളതിനെക്കാള്‍ മികച്ച ആനുകൂല്യമാണ് രാജസ്ഥാന്‍ ഉറപ്പാക്കുന്നത്. വാഹനത്തിന്റെ ബാറ്ററിയുടെ ശേഷി അനുസരിച്ച് വിലയില്‍ സബ്‌സിഡി നല്‍കുന്നതിനൊപ്പം ഉപയോക്താവില്‍ നിന്ന് ഈടാക്കുന്ന ജി.എസ്.ടിയിലെ സംസ്ഥാനങ്ങളുടെ വിഹിതം വാഹന ഉടമയ്ക്ക് തന്നെ മടക്കി നല്‍കുമെന്നാണ് രാജസ്ഥാന്‍ സര്‍ക്കാര്‍ ഉറപ്പുനല്‍കിയിട്ടുള്ളത്. ഇതിനുപുറമെയാണ് സബ്‌സിഡി.

2021 ഏപ്രില്‍ ഒന്ന് മുതല്‍ 2022 മാര്‍ച്ച് 31 വരെയുള്ള കാലയളവില്‍ വാങ്ങുന്ന ഇലക്ട്രിക് വാഹനങ്ങള്‍ക്കാണ് ജി.എസ്.ടി. വിഹിതം മടക്കി നല്‍കുകയെന്ന് സര്‍ക്കാര്‍ അറിയിച്ചു. ബില്ലില്‍ കാണിച്ചിരിക്കുന്ന ജി.എസ്.ടി. തുക ഉപയോക്താവ് ഷോറൂമില്‍ അടയ്ക്കണം. എന്നാല്‍, ഇത് പിന്നീട് ഓരോ ജില്ലകളിലെയും ഗതാഗത വകുപ്പ് വാഹന ഉടമകളുടെ അക്കൗണ്ടുകളില്‍ നിക്ഷേപിക്കുമെന്നാണ് സര്‍ക്കാര്‍ അറിയിച്ചിട്ടുള്ളത്.

ഇതിനുപുറമെ, 2kWh വരെ ബാറ്ററി കപ്പിസിറ്റിയുള്ള ഇരുചക്ര വാഹനങ്ങള്‍ക്ക് 5000 രൂപയും, 2-4.kWh വരെ ബാറ്ററി കപ്പാസിറ്റിയുള്ള വാഹനങ്ങള്‍ക്ക് 7000 രൂപയും 4-5kWh വരെ ബാറ്ററി കാപ്പാസിറ്റിയുള്ള വാഹനങ്ങള്‍ക്ക് 9000 രൂപയും 5kWh-ന് മുകളില്‍ ബാറ്ററി ശേഷിയുള്ള വാഹനങ്ങള്‍ക്ക് 10000 രൂപ വരെയും സബ്‌സിഡിയും നല്‍കുമെന്നാണ് രാജസ്ഥാന്‍ സര്‍ക്കാര്‍ ഉറപ്പുനല്‍കിയിട്ടുള്ളത്.

ഇലക്ട്രിക് റിക്ഷകള്‍ക്കും ചരക്ക് വാഹനങ്ങള്‍ക്കും രാജസ്ഥാന്‍ സര്‍ക്കാര്‍ സമാനമായ ആനുകൂല്യങ്ങള്‍ നല്‍കുന്നുണ്ട്. 10,000 രൂപ മുതല്‍ 20,000 രൂപ വരെയുള്ള സബ്‌സിഡിയാണ് ഇത്തരം വാഹനങ്ങള്‍ക്ക് നല്‍കുകയെന്നാണ് റിപ്പോര്‍ട്ട്. ഫെയിം 2 പദ്ധതി പ്രകാരം കേന്ദ്ര സര്‍ക്കാര്‍ നല്‍കുന്ന ആനുകൂല്യങ്ങള്‍ക്ക് പുറമെയാണ് സംസ്ഥാന സര്‍ക്കാരുകള്‍ ഇലക്ട്രിക് വാഹന നയത്തിലൂടെ ആനുകൂല്യങ്ങള്‍ ഒരുക്കുന്നത്.

Content Highlights: Rajasthan Announce Electric Vehicle Policy; Subsidies Up To 20000

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented