ട്രിപ്പിന്റെ ട്രാക്ക് മാറ്റിപ്പിടിച്ചു, ബസ് ആംബുലന്‍സ് ആയതോടെ രക്ഷപ്പെട്ടത് ഒരു ജീവന്‍...


യാത്രക്കാരുടെ സഹകരണത്തോടെ മറ്റ് സ്റ്റോപ്പുകളില്‍ ബസ് നിര്‍ത്താതെ നേരെ അമല ആശുപത്രിയിലേക്ക് പോകുകയായിരുന്നു.

തൃശ്ശൂർ-പറപ്പൂർ ചാവക്കാട് റൂട്ടിലോടുന്ന ജോണീസ് ബസിലെ ഡ്രൈവർ റിബിൻ ബാലൻ, കണ്ടക്ടർ ഷംസീർ | ഫോട്ടോ: മാതൃഭൂമി

കോവിഡ് പ്രതിസന്ധിയില്‍ ബസ് തൊഴിലാളികളെല്ലാം സാമ്പത്തിക ഞെരുക്കത്തിലാണെങ്കിലും ജീവന്റെ കാര്യം വരുമ്പോള്‍ ട്രിപ്പ് നോക്കി നില്‍ക്കാന്‍ പറ്റുമോ? പറഞ്ഞു വരുന്നത് നെഞ്ചുവേദനകൊണ്ട് പുളഞ്ഞ യാത്രക്കാരിയെ കൃത്യസമയത്ത് ആശുപത്രിയിലെത്തിച്ച് ജീവന്‍ രക്ഷിച്ച ബസ് ജീവനക്കാരെക്കുറിച്ചാണ്.

തൃശ്ശൂര്‍ - പറപ്പൂര്‍ ചാവക്കാട് റൂട്ടിലോടുന്ന ജോണീസ് ജോണിച്ചന്‍ (വില്ലന്‍) ബസിലെ ഡ്രൈവര്‍ ചാവക്കാട് നരിയംപുള്ളി വീട്ടില്‍ റിബിന്‍ ബാലന്‍, കണ്ടക്ടര്‍ എടക്കഴിയൂര്‍ അയ്യത്തയില്‍ ഷംസീര്‍ എന്നിവരാണ് ഈ ട്രിപ്പിലെ ഹീറോസ്. ബുധനാഴ്ച രാവിലെ 7.10-ന് ചാവക്കാട്ടുനിന്ന് തൃശ്ശൂരിലേക്ക് പോയിരുന്ന ബസില്‍ കയറിയതായിരുന്നു ചാവക്കാട് സ്വദേശിയായ സുബൈദയും മകളും. മെഡിക്കല്‍ കോളേജിലേക്കാണ് ഇവര്‍ പോയിരുന്നത്.

യാത്രയ്ക്കിടെ പറപ്പൂര്‍ എത്തിയപ്പോള്‍ സുബൈദയ്ക്ക് നെഞ്ചുവേദന അനുഭവപ്പെട്ടു. ഉടന്‍ തന്നെ മറ്റ് യാത്രക്കാര്‍ കണ്ടക്ടറെ വിവരമറിയിച്ചു. തുടര്‍ന്ന് യാത്രക്കാരുടെ സഹകരണത്തോടെ മറ്റ് സ്റ്റോപ്പുകളില്‍ ബസ് നിര്‍ത്താതെ നേരെ അമല ആശുപത്രിയിലേക്ക് പോകുകയായിരുന്നു. ആശുപത്രി കവാടത്തിന് സമീപം ബസ് നിര്‍ത്തിയെങ്കിലും സുബൈദയുടെ ശരീരം തളര്‍ന്ന നിലയിലായിരുന്നു.

ഇതോടെ ഡ്രൈവറായ റിബിന്‍ ബസ് അത്യാഹിത വിഭാഗത്തിലേക്ക് കയറ്റി അവര്‍ക്ക് വേണ്ട സഹായങ്ങള്‍ ചെയ്തു നല്‍കി.തക്കസമയത്ത് ആശുപത്രിയിലെത്തിച്ചതിനാല്‍ യാത്രക്കാരി അപകടനില തരണം ചെയ്തു. നേരത്തെ ഗുരുവായൂര്‍ ആക്ട്‌സിലെ ആംബുലന്‍സ് ഡ്രൈവറായിരുന്നു റിബിന്‍. വേതനം പോലും നോക്കാതെ ട്രിപ്പ് മുടക്കി ജീവന്‍ രക്ഷകരായ റിബിന്‍ ബാലന്‍, ഷംസീര്‍ എന്നിവരെ അന്നകരയിലെ നാട്ടുകാര്‍ ഉപഹാരം നല്‍കി ആദരിച്ചു.

Content Highlights: Private bus, cardiac arrest patient, Bus employees, private bus service, medical emergency


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


xi jinping

2 min

ചൈനയില്‍ അട്ടിമറിയോ? 9000-ലേറെ വിമാനങ്ങള്‍ റദ്ദാക്കിയെന്ന് അഭ്യൂഹം; ഹൈസ്പീഡ് ട്രെയിനുകള്‍ നിര്‍ത്തി?

Sep 25, 2022

Most Commented