കോവിഡ് മൂന്നാം തരംഗ ഭീതി; ഡല്‍ഹി ഓട്ടോ എക്‌സ്‌പോ 2022 നീട്ടി വെച്ചു


2022 ഫെബ്രുവരി രണ്ട് മുതല്‍ ഒമ്പത് വരെയുള്ള തീയതികളില്‍ ഗ്രേറ്റര്‍ നോയിഡയില്‍ വെച്ച് ഓട്ടോ എക്‌സ്‌പോ നടത്തുമെന്നാണ് മുമ്പ് പ്രഖ്യാപിച്ചിരുന്നത്.

-

2022-ല്‍ നടക്കേണ്ട ഇന്ത്യയുടെ ഏറ്റവും വലിയ വാഹന പ്രദര്‍ശനമായ ഡല്‍ഹി ഓട്ടോ എക്‌സ്‌പോ നീട്ടി വയ്ക്കുന്നതായി സൊസൈറ്റി ഓഫ് ഇന്ത്യന്‍ ഓട്ടോമൊബൈല്‍ മാനുഫാക്‌ചേഴ്‌സ് (സിയാം) അറിയിച്ചു. കോവിഡ് മൂന്നാം തരംഗമുണ്ടാകുമെന്ന ഭീഷണിയുടെ പശ്ചാത്തലത്തില്‍ മുന്‍കരുതല്‍ എന്ന നിലയിലാണ് ഓട്ടോ എക്‌സ്‌പോ നീട്ടിവയ്ക്കാന്‍ തീരുമാനിച്ചത്.

വാഹന മേഖലയിലെ ഏറ്റവും വലിയ ബിസിനസ് കൂട്ടായ്മയായാണ് ഓട്ടോ എക്‌സ്‌പോയെ കണക്കാക്കുന്നത്. വിവിധ രാജ്യങ്ങളില്‍ നിന്നുള്ള പ്രതിനിധികള്‍ പങ്കെടുക്കുന്ന പരിപാടിയാണിതെന്നും അതിനാല്‍ തന്നെ വൈറസ് വ്യാപനത്തിനുള്ള സാധ്യത ഏറെയാണെന്നുള്ളതും പരിഗണിച്ചാണ് സിയാം ഈ സുപ്രധാന തീരുമാനം സ്വീകരിച്ചിട്ടുള്ളതെന്നുമാണ് വിവരം. വാഹന നിര്‍മാതാക്കലും ഇതിന് പിന്തുണ നല്‍കിയേക്കും.

2022 ഫെബ്രുവരി രണ്ട് മുതല്‍ ഒമ്പത് വരെയുള്ള തീയതികളില്‍ ഗ്രേറ്റര്‍ നോയിഡയില്‍ വെച്ച് ഓട്ടോ എക്‌സ്‌പോ നടത്തുമെന്നാണ് മുമ്പ് പ്രഖ്യാപിച്ചിരുന്നത്. എന്നാല്‍, മഹാമാരിയുടെ പശ്ചാത്തലത്തില്‍ ഈ തീരുമാനത്തില്‍ മാറ്റം വരുത്താന്‍ നിര്‍ബന്ധിതരായിരിക്കുകയാണ്. എന്നാല്‍, നിലവിലെ സാഹചര്യത്തില്‍ മറ്റൊരു തീയതി പ്രഖ്യാപിക്കാനും സാധിക്കില്ലെന്നാണ് വിവരങ്ങള്‍.

മൂന്നാം തരംഗത്തെ കുറിച്ച് ഇന്ത്യയിലെ വാഹന നിര്‍മാതാക്കളും സിയാമും ഒരു പോലെ ആശങ്കാകുലരാണ്. അതുകൊണ്ട് തന്നെ ഓട്ടോ എക്‌സ്‌പോ പോലുള്ള പരിപാടി സംഘടിപ്പിക്കുന്നതില്‍ വലിയ അപകട സാധ്യതയാണുള്ളത്. സാമൂഹിക അകലം പോലുള്ള സുരക്ഷ നിര്‍ദേശങ്ങള്‍ പാലിക്കുന്നതിലുമുള്ള പരിമിതികള്‍ കണക്കിലെടുത്താണ് ഈ തീരുമാനമെന്നും സിയാം അറിയിച്ചു.

2020 ഫെബ്രുവരിയാണ് കഴിഞ്ഞ ഡല്‍ഹി ഓട്ടോ എക്‌സ്‌പോ സംഘടിപ്പിച്ചത്. ഇതിനുമുമ്പ് തന്നെ കോവിഡ് കേസുകള്‍ റിപ്പോര്‍ട്ട് ചെയ്തിരുന്നതിനാല്‍ തന്നെ ഇത് മാറ്റിവയ്ക്കുമെന്നും അഭ്യൂഹങ്ങള്‍ ഉയര്‍ന്നിരുന്നു. എന്നാല്‍, ആ കലഘട്ടത്തില്‍ കോവിഡ് പോസിറ്റീവ് കേസുകള്‍ ഇന്ത്യയില്‍ റിപ്പോര്‍ട്ട് ചെയ്തിട്ടില്ലാതിരുന്നതിനാല്‍ പ്രദര്‍ശനം നടത്താന്‍ സംഘാടകര്‍ തീരുമാനിക്കുകയായിരുന്നു.

Content Highlights: Postponement of Delhi Auto Expo– The Motor Show 2022


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented