ഹൈഡ്രോളിക് എക്സ്ട്രാ ടിപ്പിങ് മെക്കാനിസം; പിക്കപ്പ് ടിപ്പറാകുന്നു, അഞ്ച് വാഹനങ്ങള്‍ പിടിച്ചെടുത്തു


വാഹനത്തിന് രൂപമാറ്റം വരുത്തി കൊടുക്കുന്ന വര്‍ക്ക്‌ഷോപ്പുകള്‍ക്കെതിരേയും നിയമനടപടിയുണ്ടാകുമെന്ന് അധികൃതര്‍.

പോത്താനിക്കാട് പ്രദേശത്തു നിന്ന് ഗതാഗത വകുപ്പ് പിടിച്ചെടുത്ത പിക്കപ്പുകളിലൊന്ന് | ഫോട്ടോ: മാതൃഭൂമി

പിക്കപ്പ് ചെറുഭാരവണ്ടികളില്‍ രൂപമാറ്റം വരുത്തി പാറമടകളില്‍ സര്‍വീസ് നടത്തിയ വാഹനങ്ങള്‍ ഗതാഗത വകുപ്പ് പിടിച്ചെടുത്തു. വാഹനത്തിന്റെ പിന്‍ഭാഗം ടിപ്പര്‍ പോലെ ഉയര്‍ത്താനും താഴ്ത്താനുമായി ഹൈഡ്രോളിക് എക്സ്ട്രാ ടിപ്പിങ് മെക്കാനിസത്തിലൂടെ മാറ്റം വരുത്തിയിരിക്കുന്നതായി കണ്ടെത്തി. പാറമടകളില്‍നിന്ന് ഉള്‍പ്രദേശങ്ങളിലേക്ക് പാറമണല്‍ കൊണ്ടുപോകുന്നതിനാണ് ഇത്തരം വാഹനങ്ങള്‍ ഓടിക്കുന്നത്.

രൂപമാറ്റം വരുത്തിയ പിക്കപ്പിന്റെ വരവോടെ പ്രദേശത്തെ ചെറു ഭാരവണ്ടികള്‍ക്ക് ഓട്ടം കുറയുകയും ചെയ്തു. ലോഡ് ഇറക്കാന്‍ തൊഴിലാളികളുടെ ആവശ്യം ഇല്ലാത്തത് ചെലവും കുറച്ചു. കോതമംഗലത്തും സമീപ പ്രദേശമായ കലൂര്‍, പൈങ്ങോട്ടൂര്‍, പോത്താനിക്കാട്, ഇടുക്കി ജില്ലയിലെ വണ്ണപ്പുറം തുടങ്ങിയ സ്ഥലങ്ങളിലെ പാറമടകളിലും ക്വാറികളിലും ഇത്തരത്തിലുള്ള വാഹനങ്ങള്‍ സര്‍വീസ് നടത്തുന്നതായി ഗതാഗത വകുപ്പിന്റെ ശ്രദ്ധയില്‍പ്പെട്ടിരുന്നു.

മധ്യമേഖല ഡെപ്യൂട്ടി ട്രാന്‍സ്പോര്‍ട്ട് കമ്മിഷണര്‍ ഷാജി മാധവന് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് ചൊവ്വാഴ്ച മിന്നല്‍ പരിശോധന നടത്തിയത്. അഞ്ച് വാഹനങ്ങള്‍ പിടിച്ചെടുത്ത് കേസെടുത്തു. ഇത്തരത്തില്‍ കോതമംഗലം പ്രദേശത്ത് 25-ലധികം വാഹനങ്ങള്‍ ഓടുന്നതായി വിവരം ലഭിച്ചിട്ടുണ്ട്. വാഹനത്തിന് രൂപമാറ്റം വരുത്തി കൊടുക്കുന്ന വര്‍ക്ക്‌ഷോപ്പുകള്‍ക്കെതിരേയും നിയമനടപടിയുണ്ടാകുമെന്ന് അധികൃതര്‍ വ്യക്തമാക്കി.

രൂപമാറ്റം വരുത്തിയ വാഹനത്തിന് ഓരോന്നിനും 5000 രൂപ വീതം പിഴ ഈടാക്കുകയും ടിപ്പിങ് മെക്കാനിസം മാറ്റി വാഹനം പൂര്‍വാവസ്ഥയിലാക്കി പരിശോധനയ്ക്ക് വിധേയമാക്കുന്നതിന് നിര്‍ദേശവും നല്‍കി. അസിസ്റ്റന്റ് മോട്ടോര്‍ ഇന്‍സ്പെക്ടര്‍മാരായ ഭരത് ചന്ദ്രന്‍, കെ.എം. രാജേഷ്, കെ.എം. നജീബ്, ഡ്രൈവര്‍ സുരേഷ് എന്നിവരുടെ നേതൃത്വത്തിലായിരുന്നു റെയ്ഡ് നടത്തിയത്.

Content Highlights: Pick up modified as tipper using hydraulic system caught motor vehicle department , MVD Kerala


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023

Most Commented