വണ്ടികളിലെ ചിത്രപ്പണികളും അഭ്യാസവും വേണ്ടാ, 'ഓപ്പറേഷന്‍ റാഷ്' ഇപ്പോഴും റണ്ണിങ്ങാണ്...


രൂപമാറ്റത്തിനൊപ്പം ഇരുചക്രവാഹനങ്ങളിലുള്‍പ്പെടെ നടത്തുന്ന അഭ്യാസങ്ങള്‍ക്കും ഇനി പിടിത്തം വീഴും.

പ്രതീകാത്മക ചിത്രം | ഫോട്ടോ: മാതൃഭൂമി

വാഹനങ്ങള്‍ തോന്നുംവിധം രൂപമാറ്റം വരുത്തിയവരെ പിടികുടാനുള്ള മോട്ടോര്‍വാഹനവകുപ്പിന്റെ ഓപ്പറേഷന്‍ റാഷില്‍ ആലപ്പുഴ ജില്ലയില്‍ കുടുങ്ങിയത് ഒട്ടേറെ വാഹനങ്ങള്‍. അനധികൃതമായി രൂപമാറ്റം വരുത്തിയ 90 വാഹനങ്ങള്‍ക്കെതിരേയാണു കേസെടുത്തിരിക്കുന്നത്. രൂപമാറ്റത്തിനൊപ്പം ഇരുചക്രവാഹനങ്ങളിലുള്‍പ്പെടെ നടത്തുന്ന അഭ്യാസങ്ങള്‍ക്കും ഇനി പിടിത്തം വീഴും. ലൈസന്‍സ് റദ്ദാക്കുന്നതുള്‍പ്പെടെയുള്ള നടപടികളാണു മോട്ടോര്‍ വാഹന വകുപ്പു സ്വീകരിക്കുന്നത്.

ഓരോ ആര്‍.ടി. ഓഫീസ് പരിധിയിലും ഇത്തരം നിയമലംഘനങ്ങള്‍ കണ്ടെത്തുന്നതിനു പ്രത്യേക സ്‌ക്വാഡുകളെയാണു നിയോഗിച്ചിരിക്കുന്നത്. ചെറിയ വാഹനങ്ങള്‍ മുതല്‍ വലിയ വാഹനങ്ങള്‍വരെ പരിശോധനാ പരിധിയിലുണ്ട്. വാഹനങ്ങളിലെ ചിത്രപ്പണികളാണു പ്രധാനമായും പരിശോധിക്കുന്നത്. സൈലന്‍സര്‍ മാറ്റി കൂടുതല്‍ ശബ്ദമുണ്ടാക്കുന്ന തരത്തിലുള്ള രൂപമാറ്റങ്ങള്‍ക്കെതിരേയും നടപടി സ്വീകരിക്കുന്നുണ്ട്.

കാതടിപ്പിക്കുന്ന ശബ്ദമുള്ള ഹോണുകള്‍ ഉപയോഗിക്കുന്നതും തീവ്രവെളിച്ചമുള്ള ലൈറ്റുകള്‍ ഉപയോഗിക്കുന്നതും പിടിക്കപ്പെടുന്നുണ്ട്. ആലപ്പുഴ ജില്ലയില്‍ ഇത്തരം വാഹനങ്ങളെ കണ്ടെത്തുന്നതിനു കര്‍ശനമായ പരിശോധനയാണു നടക്കുന്നത്. പരിശോധനയ്ക്കിടയില്‍ പിടിക്കപ്പെട്ടാല്‍ വലിയ പിഴത്തുക നല്‍കിയാലേ വാഹനം പിന്നീടു നിരത്തിലിറക്കാന്‍ പറ്റൂ. പിഴനല്‍കിയാല്‍മാത്രം പോരാ, വാഹനം പൂര്‍വസ്ഥിതിയിലാക്കുകയും വേണം.

പരിശോധന കര്‍ശനമായതോടെ പലരും രൂപമാറ്റം വരുത്തിയ വാഹനങ്ങള്‍ നിരത്തിലിറക്കാന്‍ മടിക്കുന്നുണ്ട്. ടൗണ്‍ പ്രദേശങ്ങള്‍ കേന്ദ്രീകരിച്ചാണു കൂടുതല്‍ പരിശോധനകള്‍ നടക്കുന്നത്. അതിനാല്‍ പലരും തിരക്കുള്ള സ്ഥലങ്ങളിലേക്കു വാഹനം കൊണ്ടുവരുന്നില്ല. അതിനാല്‍ എല്ലാവരെയും കണ്ടെത്താന്‍ സാധിച്ചിട്ടില്ല. വരും ദിവസങ്ങളില്‍ ഉള്‍പ്രദേശങ്ങളിലുള്‍പ്പെടെ കര്‍ശന പരിശോധന തുടരുവാനാണു മോട്ടോര്‍വാഹനവകുപ്പിന്റെ തീരുമാനം. പോലീസും വാഹന പരിശോധന നടത്തുന്നുണ്ട്.

Content Highlights: Operation Rash By Motor Vehicle Department, Vehicle Checking


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


sreenath bhasi

1 min

അവതാരകയെ അപമാനിച്ച കേസ്; ശ്രീനാഥ് ഭാസിയെ ജാമ്യത്തില്‍വിട്ടു, കേസുമായി മുന്നോട്ടെന്ന് പരാതിക്കാരി

Sep 26, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022

Most Commented