ഉടമകളുടേതിന് പകരം ഇടനിലക്കാരുടെ നമ്പര്‍; ഓണ്‍ലൈന്‍ വാഹനരജിസ്ട്രേഷനിലും ഇടങ്കോലിട്ട് ഇടനിലക്കാര്‍


ബി.അജിത്‌രാജ്‌

ആധാര്‍ തിരിച്ചറിയല്‍ രേഖയായി ഉള്‍ക്കൊള്ളിച്ചാല്‍ മൊബൈല്‍ നമ്പറില്‍ ക്രമക്കേട് നടത്താന്‍ പറ്റില്ല.

പ്രതീകാത്മക ചിത്രം | ഫോട്ടോ: മാതൃഭൂമി

മോട്ടോര്‍വാഹനവകുപ്പ് ഓഫീസുകള്‍ ഓണ്‍ലൈനിലേക്ക് മാറുമ്പോഴും ഇടനിലക്കാര്‍ക്ക് ഇടപെടാനുള്ള പഴുതുകളെല്ലാം അതേപടി തുടരുന്നു. പുതിയ വാഹനങ്ങള്‍ക്ക് ഷോറൂമുകളില്‍നിന്നും ഓണ്‍ലൈനായാണ് രജിസ്ട്രേഷന്‍ അപേക്ഷനല്‍കേണ്ടത്. ഇത് എപ്പോള്‍ പരിഗണിക്കണമെന്ന് തീരുമാനിക്കുന്നത് ഉദ്യോഗസ്ഥരാണ്. ചില അപേക്ഷകളില്‍ വേഗത്തില്‍ രജിസ്ട്രേഷന്‍ അനുവദിക്കപ്പെടുമ്പോള്‍ മറ്റുള്ളവ കാരണമില്ലാതെ വൈകുന്ന സ്ഥിതിയാണ്.

രജിസ്ട്രേഷനുള്ള ഓണ്‍ലൈന്‍ അപേക്ഷകള്‍ വേഗം തീര്‍പ്പാക്കാന്‍ ട്രാന്‍സ്‌പോര്‍ട്ട് കമ്മിഷണര്‍ നിര്‍ദേശം നല്‍കിയിട്ടുണ്ടെങ്കിലും പല ഓഫീസുകളിലും ഇത് നടപ്പാകുന്നില്ല. അപേക്ഷകള്‍ക്ക് മുന്‍ഗണനക്രമം നിശ്ചയിക്കാത്തതാണ് ഇടനിലക്കാര്‍ക്കും അവരെ സഹായിക്കുന്ന ഉദ്യോഗസ്ഥര്‍ക്കും സഹായമാകുന്നത്. ഇടനിലക്കാര്‍ ശുപാര്‍ശചെയ്യുന്ന അപേക്ഷകളില്‍ ഉടന്‍ രജിസ്ട്രേഷന്‍ അനുവദിക്കുന്നതായാണ് പരാതി.



അപേക്ഷകള്‍ മുന്‍ഗണനക്രമത്തില്‍ തീര്‍പ്പാക്കുംവിധം സോഫ്റ്റ്വേറില്‍ മാറ്റംവരുത്തിയാല്‍ പ്രശ്‌നം പരിഹരിക്കാം. എന്നാല്‍, ഉന്നത ഉദ്യോഗസ്ഥര്‍ ഇതില്‍ താത്പര്യം കാണിക്കുന്നില്ല. തിരിച്ചറിയല്‍ രേഖയായി ആധാര്‍ നല്‍കുന്നവര്‍ക്ക് ഓണ്‍ലൈനില്‍ വാഹന ഉടമസ്ഥാവകാശം മാറ്റാനുള്ള സൗകര്യം കഴിഞ്ഞദിവസം നിലവില്‍വന്നിരുന്നു. ഇതേ ക്രമീകരണം പുതിയ വാഹനങ്ങളുടെ രജിസ്ട്രേഷനിലും ഉള്‍ക്കൊള്ളിച്ചാല്‍ ക്രമക്കേടുകള്‍ തടയാനാകും.

വാഹന ഉടമകളുടെ മൊബൈല്‍ നമ്പര്‍ നല്‍കുന്നതിന് പകരം ഇടനിലക്കാരുടെയും ഷോറൂം ജീവനക്കാരുടെയും മൊബൈല്‍ നമ്പര്‍ നല്‍കുന്ന രീതിയുമുണ്ട്. രജിസ്ട്രേഷന്‍ ഫീസും നികുതിയും അടക്കം വാഹനത്തിനുവേണ്ടി അടയ്ക്കുന്ന തുകയുടെ വിശദാംശങ്ങള്‍ ഉടമയുടെ മൊബൈല്‍ നമ്പറിലേക്ക് എസ്.എം.എസായി ലഭിക്കും. ഇതൊഴിവാക്കാനും അധികത്തുക വാങ്ങുന്നത് വാഹനയുടമ അറിയാതിരിക്കാനുമാണ് മൊബൈല്‍ നമ്പര്‍ മാറ്റുന്നത്. ആധാര്‍ തിരിച്ചറിയല്‍ രേഖയായി ഉള്‍ക്കൊള്ളിച്ചാല്‍ മൊബൈല്‍ നമ്പറില്‍ ക്രമക്കേട് നടത്താന്‍ പറ്റില്ല.

Content Highlights: Motor Vehicle Department Services; Online vehicle registration in Kerala


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022

Most Commented