ഒറിജിനലിനെ വെല്ലുന്ന ഡ്യൂപ്ലിക്കേറ്റ് ഫാസ്ടാഗ്; ഓണ്‍ലൈനില്‍ തകൃതിയായി തട്ടിപ്പുകാര്‍


രേഖകളും പണവും ഉപഭോക്താവില്‍ നിന്ന് വാങ്ങി ഫാസ്ടാഗെന്ന പേരില്‍ വ്യാജരേഖ അയച്ചുകൊടുക്കുകയാണ് പതിവ്.

പോലീസ് മുന്നറിയിപ്പ് | Photo: Facebook|Kerala Police

ഫാസ്ടാഗ് വില്‍പ്പനയെന്ന പേരില്‍ ഓണ്‍ലൈനില്‍ തട്ടിപ്പ് തകൃതി. ഫാസ്ടാഗുകളുടെ അംഗീകൃത വില്‍പ്പന ഏജന്‍സിയായ ഇന്ത്യന്‍ ഹൈവേ മാനേജ്‌മെന്റ് കമ്പനി ലിമിറ്റഡിനോട് (ഐ.എച്ച്.എം.സി.എല്‍.) സമാനമായ പേരിട്ട സൈറ്റുകളാണ് ഇതിന് പിന്നില്‍. ഫാസ്ടാഗ് എന്ന വാക്കിനോട് സാമ്യമുള്ള പേരിലുള്ള സൈറ്റുകളിലൂടെയും ഒട്ടേറെപ്പേര്‍ വഞ്ചിതരാകുന്നുണ്ട്.

രേഖകളും പണവും ഉപഭോക്താവില്‍ നിന്ന് വാങ്ങി ഫാസ്ടാഗെന്ന പേരില്‍ വ്യാജരേഖ അയച്ചുകൊടുക്കുകയാണ് പതിവ്. പണം വാങ്ങിയ ശേഷം അപേക്ഷ പൂര്‍ത്തിയായില്ലെന്ന കാരണം കാണിച്ചും തട്ടിപ്പ് അരങ്ങേറുന്നുണ്ട്. ഇതിനെതിരേ ബോധവത്കരണവുമായി ദേശീയപാത അതോറിട്ടി രംഗത്തെത്തിയിട്ടുണ്ട്.

എന്നിട്ടും തട്ടിപ്പിനിരയാകുന്നവരുടെ എണ്ണം കുറയാത്തതിനാല്‍ ദേശീയപാത അതോറിട്ടി സംസ്ഥാനങ്ങളുടെയും സേവനം തേടി. ഇതിന്റെ അടിസ്ഥാനത്തില്‍ ബോധവത്കരണവുമായി േകരള പോലീസും രംഗത്തെത്തിയിട്ടുണ്ട്. ഫാസ്ടാഗ് വ്യാജന്മാരെ സൂക്ഷിക്കുക എന്ന പേരിലാണ് നവമാധ്യമങ്ങളിലൂടെ കേരള പോലീസ് ബോധവത്കരണം നടത്തുന്നത്.

ഐ.എച്ച്.എം.സി.എലിന്റെ ഔദ്യോഗിക സൈറ്റിലൂടെയോ മൈ ഫാസ്ടാഗ് ആപ്പിലൂടെയോ മാത്രം ഓണ്‍ലൈനായി ഫാസ്ടാഗ് വാങ്ങണമെന്നാണ് പോലീസ് നല്‍കുന്ന നിര്‍ദേശം. ഫാസ്ടാഗ് വില്‍ക്കാന്‍ അനുമതിയുള്ള 23 ബാങ്കുകളിലൂടെയും അവയുടെ അംഗീകൃത വില്‍പ്പന കേന്ദ്രങ്ങളിലൂടെയും വാങ്ങാമെന്നും കേരള പോലീസിന്റെ അറിയിപ്പില്‍ പറയുന്നു. തട്ടിപ്പ് കണ്ടെത്തിയാല്‍ 1033 എന്ന ഫോണ്‍ നമ്പറില്‍ പരാതിപ്പെടാമെന്നാണ് ദേശീയപാത അതോറിട്ടി അറിയിക്കുന്നത്.

Content Highlights: Online Fastag Cheating, Online Cheating, Fastag Toll Collection

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


SDPI

1 min

പോപ്പുലര്‍ ഫ്രണ്ട്‌ മാര്‍ച്ചില്‍ കുട്ടിയുടെ പ്രകോപനപരമായ മുദ്രാവാക്യം; പോലീസ് അന്വേഷണം തുടങ്ങി

May 23, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022

More from this section




Most Commented