ടാക്‌സില്ല, ഇന്‍ഷുറന്‍സില്ല, പെര്‍മിറ്റുമില്ല; ഓട്ടം വിദ്യാര്‍ഥികളുമായി, വാഹനം പിടിച്ചെടുത്ത് MVD


തൃശ്ശൂര്‍ സ്വദേശിയുടെ പേരിലുള്ള ഈ വാഹനം മാസങ്ങള്‍ക്ക് മുന്‍പാണ് മഞ്ചേരി സ്വദേശി വാങ്ങിയത്. ഇതിന്റെ ഉടമസ്ഥാവകാശം മാറ്റിയിട്ടില്ലെന്ന് മാത്രമല്ല, പെര്‍മിറ്റ്, ഇന്‍ഷുറന്‍സ് തുടങ്ങിയ ഒരു രേഖയുമുണ്ടായിരുന്നില്ല.

ആവശ്യമായ ഒരു രേഖയുമില്ലാതെ സ്‌കൂൾക്കുട്ടികളെ കുത്തിനിറച്ച് സർവീസ് നടത്തിയ വാഹനം മോട്ടോർവാഹന ഉദ്യോഗസ്ഥർ പിടിച്ചെടുത്തപ്പോൾ | ഫോട്ടോ: മാതൃഭൂമി

മലപ്പുറം: നിരത്തിലിറങ്ങാന്‍വേണ്ട ഒരു രേഖയുമില്ലാത്ത വാഹനം സ്‌കൂള്‍ക്കുട്ടികളെ കുത്തിനിറച്ച് റോഡില്‍ ചീറിപ്പായുന്നു. സത്യത്തില്‍ മോട്ടോര്‍വാഹന ഉദ്യോഗസ്ഥര്‍പോലും കിടുങ്ങിപ്പോയ സംഭവമായിരുന്നു അത്. മഞ്ചേരി നറുകരയില്‍ വെച്ചാണ് ഇത്തരമൊരു ടെമ്പോ ട്രാവലര്‍ പരിശോധന നടത്തുന്ന ഉദ്യോഗസ്ഥരുടെ ശ്രദ്ധയില്‍പ്പെട്ടത്.

മഞ്ചേരി ബോയ്സ് ഗേള്‍സ്, ചുള്ളക്കാട് സ്‌കൂള്‍ എന്നിവിടങ്ങളില്‍ നിന്നുള്ള കുട്ടികളെ എടുത്ത് പോകുന്ന വണ്ടിയാണിത്. അധ്യാപകരും ഇതില്‍ യാത്രചെയ്തിരുന്നു. ഉടന്‍തന്നെ ഉദ്യോഗസ്ഥര്‍ വാഹനം കസ്റ്റഡിയിലെടുത്ത് മലപ്പുറം ആര്‍.ടി.ഒ. ഓഫീസ് പരിസരത്തേക്ക് മാറ്റി.



തൃശ്ശൂര്‍ സ്വദേശിയുടെ പേരിലുള്ള ഈ വാഹനം മാസങ്ങള്‍ക്ക് മുന്‍പാണ് മഞ്ചേരി സ്വദേശി വാങ്ങിയത്. ഇതിന്റെ ഉടമസ്ഥാവകാശം മാറ്റിയിട്ടില്ലെന്ന് മാത്രമല്ല, പെര്‍മിറ്റ്, ഇന്‍ഷുറന്‍സ് തുടങ്ങിയ ഒരു രേഖയുമുണ്ടായിരുന്നില്ല. ജില്ലാ ആര്‍.ടി.ഒ. സി.വി.എം. ഷെരീഫിന്റെ നിര്‍ദ്ദേശപ്രകാരം മലപ്പുറം എ.എം.വി.ഐ. പി. പ്രജീഷ്, സി.വി. മാര്‍ത്താണ്ഡന്‍, പി. സെന്തില്‍, വി. വിഷ്ണു, എന്നിവരുടെ നേതൃത്വത്തിലായിരുന്നു പരിശോധന.

എന്‍ഫോഴ്സ്മെന്റ് എം.വി.ഐ. പി.കെ. മുഹമ്മദ് ഷഫീഖിന്റെ നേതൃത്വത്തില്‍ പുത്തനത്താണി, കോട്ടയ്ക്കല്‍, തിരൂരങ്ങാടി, കൊടക്കല്ല് തുടങ്ങിയ ഭാഗങ്ങളിലും സ്‌കൂള്‍സമയത്ത് പരിശോധന നടത്തി. ഫിറ്റ്നസ്സിലാത്ത രണ്ട് സ്‌കൂള്‍ വാഹനത്തിനെതിരേ കേസെടുത്തു. ഇതില്‍ ഒരു വാഹനത്തിലെ ഡ്രൈവര്‍ക്ക് ലൈസന്‍സുമുണ്ടായിരുന്നില്ല.

ഇന്‍ഷുറന്‍സില്ലാതെ കുട്ടികളെ കുത്തിനിറച്ചോടിയ രണ്ട് കോണ്‍ട്രാക്ട് കാര്യേജ് വാഹനങ്ങള്‍ക്കെതിരേയും രണ്ട് സ്വകാര്യ വാഹനങ്ങള്‍ക്കെതിരേയും കേസെടുത്തു. സ്‌കൂള്‍ വാഹനങ്ങളുടെ സുരക്ഷയുടെ കാര്യത്തില്‍ ഒരു വിട്ടുവീഴ്ചയുമുണ്ടാവില്ലെന്ന് മോട്ടോര്‍വാഹന ഉദ്യോഗസ്ഥര്‍ മുന്നറിയിപ്പു നല്‍കി.

Content Highlights: No tax, no insurance, no permit; MVD kerala seized School van, School Bus, MVD Kerala


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented