ലൈസന്‍സില്ല, ബൈക്കില്‍ മൂന്ന് പേര്‍; ഉടമയ്ക്ക് പിഴ 11,000 രൂപ


അമിതഭാരം കയറ്റിയ നാല് ലോറികള്‍ പിടിച്ചെടുത്തു. ലോറികള്‍ ഓരോന്നിനും ഏകദേശം 25,000 രൂപ വീതം പിഴ ഈടാക്കും.

ചാലക്കുടി: മോട്ടോര്‍വാഹന വകുപ്പ് ചാലക്കുടി സ്‌പെഷ്യല്‍ സ്‌ക്വാഡ് നടത്തിയ വാഹനപരിശോധനയില്‍ ലൈസന്‍സില്ലാതെ, മൂന്നുപേരുമായി ബൈക്ക് ഓടിച്ചതിന് ഉടമയില്‍നിന്ന് 11,000 രൂപ പിഴ ഈടാക്കി. ഉദ്യോഗസ്ഥര്‍ കൈകാണിച്ചിട്ടും നിര്‍ത്താതെ, നമ്പര്‍ പ്രദര്‍ശിപ്പിക്കാത്ത വണ്ടിയുമായി പോയ കോടാലി മൂന്നുമുറി സ്വദേശിയെ കണ്ടെത്തി 5000 രൂപ പിഴയിട്ടു.

ഹെല്‍മെറ്റില്ലാതെ ഇരുചക്രവാഹനം ഓടിച്ച 15 പേരെ പിടിച്ചു. ഇവര്‍ക്ക് 500 രൂപ പിഴയോടൊപ്പം മൂന്നുമാസം ലൈസന്‍സ് റദ്ദാക്കുകയും ചെയ്യും. ലൈസന്‍സ് റദ്ദാക്കാന്‍ ജോ. ആര്‍.ടി.ഒ.യ്ക്ക് ശുപാര്‍ശചെയ്തു. വിദ്യാര്‍ഥികളാണ് നിയമലംഘകരില്‍ ഭൂരിഭാഗവും.

ചാലക്കുടി റെയില്‍വേ സ്റ്റേഷന്‍ പരിസരത്തുനിന്ന് അമിതഭാരം കയറ്റിയ നാല് ലോറികള്‍ പിടിച്ചെടുത്തു. ലോറികള്‍ ഓരോന്നിനും ഏകദേശം 25,000 രൂപ വീതം പിഴ ഈടാക്കും.

ചാലക്കുടി, വെള്ളിക്കുളങ്ങര, കോടാലി, മൂന്നുമുറി എന്നിവിടങ്ങളിലാണ് എന്‍ഫോഴ്സ്മെന്റ് ആര്‍.ടി.ഒ. ഷാജി മാധവന്റെ നിര്‍ദേശാനുസരണം മോട്ടോര്‍വാഹനവകുപ്പ് ഉദ്യോഗസ്ഥര്‍ വാഹനപരിശോധന നടത്തിയത്. എം.വി.ഐ. അബ്ദുള്‍ ജെലീല്‍, എ.എം.വി.ഐ.മാരായ കെ.ആര്‍. രഞ്ജന്‍, സി.സി. വിനേഷ്, തോമസ് തുടങ്ങിയവരുടെ നേതൃത്വത്തിലായിരുന്നു പരിശോധന.

Content Highlights; no licence three people on bike, fined 11000 rupees

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
anu facebook post

5 min

'ഞങ്ങള്‍ക്ക് ഒരു തൂവാല പോലും മേടിച്ചു തരാത്ത ചാച്ചന്‍, 4 കൊല്ലം കഴിഞ്ഞു വേറെ കല്യാണം കഴിച്ചു'

May 25, 2022


pinarayi vijayan

1 min

എന്തും വിളിച്ച് പറയാവുന്ന സ്ഥലമല്ല കേരളം; പി.സി ജോര്‍ജിന്റേത് നീചമായ വാക്കുകള്‍- മുഖ്യമന്ത്രി

May 25, 2022


jo joseph/ daya pascal

1 min

തിരഞ്ഞെടുപ്പ് കഴിഞ്ഞും ജോ ജോസഫിന്റെ കുടുംബത്തിന് ജീവിക്കണ്ടേ ?; സൈബര്‍ ആക്രമണത്തില്‍ ഡോ. ദയ

May 26, 2022

More from this section




Most Commented