എയര്‍ ഹോണും ഇലക്ട്രിക് ഹോണും മുഴക്കുന്നവര്‍ അറിയാന്‍; മിന്നല്‍ പരിശോധനയുമായി എം.വി.ഡി.


കേള്‍വി ത്തകരാര്‍ ഉണ്ടാക്കുന്ന അമിത ഹോണ്‍ ഉപയോഗത്തിനെതിരേ പരാതികള്‍ ഉയര്‍ന്നതിന്റെ പശ്ചാത്തലത്തിലാണ് നടപടി.

പ്രതീകാത്മക ചിത്രം | ഫോട്ടോ: മാതൃഭൂമി

ഹോണ്‍ മുഴക്കി നിരത്തില്‍ ശബ്ദമലിനീകരണമുണ്ടാക്കുന്ന ഡ്രൈവര്‍മാര്‍ക്കെതിരേ മോട്ടോര്‍വാഹനവകുപ്പ് നടപടി കടുപ്പിക്കുന്നു. എല്ലാ മാസവും ഇടവിട്ടുള്ള ദിവസങ്ങളില്‍ അപ്രതീക്ഷിത പരിശോധന നടത്താന്‍ ട്രാന്‍സ്‌പോര്‍ട്ട് കമ്മിഷണര്‍ എം.ആര്‍. അജിത്കുമാര്‍ ഉദ്യോഗസ്ഥര്‍ക്ക് നിര്‍ദേശംനല്‍കി.

കേള്‍വി ത്തകരാര്‍ ഉണ്ടാക്കുന്ന അമിത ഹോണ്‍ ഉപയോഗത്തിനെതിരേ പരാതികള്‍ ഉയര്‍ന്നതിന്റെ പശ്ചാത്തലത്തിലാണ് നടപടി. അമിതഹോണ്‍ ഉപയോഗമുണ്ടാക്കുന്ന ആരോഗ്യപ്രശ്‌നങ്ങളെക്കുറിച്ച് 'മാതൃഭൂമി' നല്‍കിയ വാര്‍ത്തകളെ തുടര്‍ന്ന് മോട്ടോര്‍വാഹനവകുപ്പ് സംസ്ഥാന വ്യാപകമായി പരിശോധന നടത്തിയിരുന്നു.



അമിത ഹോണ്‍ ശല്യമുള്ള ചില മേഖലകള്‍ നിശബ്ദമേഖലകളാക്കി മാറ്റുന്നതിനുള്ള നടപടികളും പുരോഗമിക്കുകയാണെന്ന് അധികൃതര്‍ അറിയിച്ചു. ജില്ലാ റോഡ് സേഫ്ടി കൗണ്‍സിലാണ് ഇതില്‍ നടപടി എടുക്കേണ്ടത്. പോലീസിന്റെ സഹകരണത്തോടെ കൂടുതല്‍ നോ ഹോണ്‍ മേഖലകള്‍ക്ക് ശുപാര്‍ശ സമര്‍പ്പിക്കും.

പരിശോധനകളില്‍ ഒട്ടേറെ വാഹനങ്ങളില്‍ നിരോധിത എയര്‍ഹോണുകളും അമിത ശബ്ദമുള്ള ഇലക്ട്രിക് ഹോണുകളും കണ്ടെത്തിയിരുന്നു. അനുവദനീയമായതില്‍ കൂടുതല്‍ ഇലക്ട്രിക് ഹോണുകള്‍ ഘടിപ്പിച്ചിരുന്ന വാഹനങ്ങള്‍ അവ നീക്കംചെയ്ത ശേഷം പരിശോധനയ്ക്ക് ഹാജരാക്കാന്‍ നിര്‍ദേശിച്ചിട്ടുണ്ട്. തുടര്‍ച്ചയായി ഹോണ്‍ മുഴക്കുന്ന ഡ്രൈവര്‍മാര്‍ക്കെതിരേയും നടപടി എടുത്തിട്ടുണ്ട്.

Content Highlights: Motor Vehicle Department Inspection to find illegal horns like air horn and electric horns in Kerala


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022


death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022

Most Commented