റോഡുകളില്‍ ഇനി ബ്രേക്ക് ഡൗണില്ല; സഹായവുമായി വര്‍ക്ക്‌ഷോപ്പ് അസോസിയേഷനും എം.വി.ഡിയും


റോഡുകളില്‍ വാഹനങ്ങള്‍ ബ്രേക്ക് ഡൗണ്‍ ആയി കിടക്കുന്നില്ലെന്ന് ഉറപ്പുവരുത്താനാണ് പദ്ധതി.

മോട്ടോർ വാഹന വകുപ്പ് പങ്കുവെച്ച ചിത്രം | Photo: Facebook|MVD Kerala

ലോക്ഡൗണിന്റെ പശ്ചാത്തലത്തിലും ചരക്ക് ഗതാഗതം ഉള്‍പ്പെടെയുള്ളവ കാര്യക്ഷമായി നടപ്പാക്കുന്നതിന് പുതിയ പദ്ധതി ഒരുക്കി വര്‍ക്ക്‌ഷോപ്പ് അസോസിയേഷനും കേരളാ മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റും രംഗത്ത്. റോഡുകളില്‍ വാഹനങ്ങള്‍ ബ്രേക്ക് ഡൗണ്‍ ആയി കിടക്കുന്നില്ലെന്ന് ഉറപ്പുവരുത്താനാണ് പദ്ധതി. കാസര്‍കോട് ജില്ലയിലാണ് പദ്ധതി ഒരുക്കിയിട്ടുള്ളത്.

കാസര്‍കോട് ജില്ലാ കളക്ടര്‍ സജിത്ത് ബാബുവിന്റെ നിര്‍ദേശ പ്രകാരമാണ് ഈ സേവനം ഒരുക്കിയിട്ടുള്ളത്. ഇത് അനുസരിച്ച് മഞ്ചേശ്വരം മുതല്‍ കാലിക്കടവ് വരെയുള്ള ദേശിയപാതയിലും മറ്റ് സംസ്ഥാന പാതകളിലും വര്‍ക്ക്‌ഷോപ്പ് ജിവനക്കാരുടെ സേവനം ഉറപ്പാക്കുമെന്നാണ് അറിയിച്ചിരിക്കുന്നത്. വാഹനത്തിന് കേടുപാട് സംഭവിച്ചാല്‍ പ്രത്യേക സംഘമെത്തി ഇത് പരിഹരിക്കും.

മോട്ടോര്‍ വാഹന വകുപ്പ് കാസര്‍കോട് എന്‍ഫോഴ്‌മെന്റ് വിഭാഗത്തിന്റെ മേല്‍നോട്ടത്തിലാണ് ജില്ലയില്‍ ബ്രേക്ക് ഡൗണ്‍ പദ്ധതി ഒരുക്കിയിരിക്കുന്നത്. കാസര്‍കോട് ജില്ലയിലെ വര്‍ക്ക്‌ഷോപ്പ് അസോസിയേഷനും ബ്രേക്ക് ഡൗണ്‍ സര്‍വീസിന് പൂര്‍ണ പിന്തുണ അറിയിച്ചിട്ടുണ്ടെന്ന് ആര്‍.ടി.ഒ. എ.കെ. രാധാകൃഷ്ണനും എന്‍ഫോഴ്‌സ്‌മെന്റ് ആര്‍.ടി.ഒ. ടി.എം. ജേഴ്‌സണും അറിയിച്ചു.

ലോക്ഡൗണിലെ തുടര്‍ന്ന് മുഴുവന്‍ വര്‍ക്ക്‌ഷോപ്പുകളും അടഞ്ഞ് കിടക്കുന്നത് കണക്കിലെടുത്ത് വാഹനങ്ങളിലെ യന്ത്രതകരാര്‍ പരിഹരിക്കുന്നതിന് നാല് ബ്രേക്ക് ഡൗണ്‍ സര്‍വീസ് യൂണിറ്റുകളാണ് സജ്ജമാക്കിയിട്ടുള്ളത്. ഈ യൂണിറ്റുകള്‍ക്ക് സര്‍വീസ് നടത്തുന്നതിനുള്ള പാസുകളും മോട്ടോര്‍ വാഹന വകുപ്പ് കൈമായിട്ടുണ്ടെന്നും അധികൃതര്‍ അറിയിച്ചു.

അവശ്യ സാധനങ്ങളുമായി വരുന്ന വാഹനങ്ങളും മറ്റ് സര്‍വീസുകള്‍ നടത്തുന്ന വാഹനങ്ങള്‍ക്കും കേടുപാടുകള്‍ സംഭവിച്ചാല്‍ ബന്ധപ്പെടാനുള്ള നമ്പറുകളും മോട്ടോര്‍ വാഹന വകുപ്പ് നല്‍കിയിട്ടുണ്ട്. ടി.വി ദേവീദാസ്-9847589515, 9446295401, ഗുണേന്ദ്ര ലാല്‍ സുനില്‍- 9249406347, ജോഷി തോമസ്- 8075759659, മനോഹരന്‍-9447645945 എന്നിവരുടെ നമ്പറുകളാണ് നല്‍കിയിട്ടുള്ളത്.

Content Highlights: MVD And Workshop Association Starts Break Down Service

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented