നോ പാര്‍ക്കിങ്ങിലെ ബൈക്ക് ഉടമയെ ഉള്‍പ്പെടെ തൂക്കിയെടുത്ത് പോലീസ്; വൈറലായി ദൃശ്യങ്ങള്‍


ബൈക്ക് ഉടമ ക്ഷമ ചോദിക്കുകയും നിയമലംഘനത്തിനുള്ള പിഴയൊടുക്കുകയും ചെയ്‌തെന്നാണ് പോലീസ് അറിയിച്ചിട്ടുള്ളത്.

അനധികൃത പാർക്കിങ്ങിന് പോലീസ് വാഹനം പിടിച്ചെടുക്കുന്നു | Photo: Twitter @WajidPa72991185

താഗതം തടസ്സപ്പെടുത്തി പാര്‍ക്ക് ചെയ്യുന്ന വാഹനങ്ങള്‍ പോലീസ് തൂക്കിയെടുത്ത് കൊണ്ടുപോകുന്നതില്‍ പുതുമയൊന്നുമില്ല. എന്നാല്‍, നോ പാര്‍ക്കിങ്ങ് ഏരിയയില്‍ നിര്‍ത്തിയിട്ടിരിക്കുന്ന വാഹനം ഉടമയെ ഉള്‍പ്പെടെ പൊക്കിയെടുത്താലോ..? ഇത്തരത്തിലുള്ള ഒരു ചിത്രമാണ് ഇപ്പോള്‍ സമൂഹമാധ്യമങ്ങളില്‍ വൈറലായിരിക്കുന്നത്. മഹാരാഷ്ട്രയിലെ പൂണെയിലാണ് നോ പാര്‍ക്കിങ്ങില്‍ നിര്‍ത്തിയിരുന്ന ബൈക്ക് ഉടമയെ ഉള്‍പ്പെടെ പോലീസ് ക്രെയിന്‍ ഉപയോഗിച്ച് പൊക്കിയത്.

കഴിഞ്ഞ വ്യാഴാഴ്ച നാനാപേഠ് മേഖലയിലാണ് സംഭവം നടക്കുന്നത്. വൈകുന്നേരത്തോടെ ട്രാഫിക് പോലീസ് സംഘമെത്തി അനധികൃതമായി റോഡരികില്‍ നിര്‍ത്തിയിട്ടിരുന്ന വാഹനം എടുത്ത് കൊണ്ടുപോകുകയായിരുന്നു. അതിനിടെയിലാണ് ഈ സംഭവം അരങ്ങേറുന്നതെന്നാണ് പോലീസ് മേധാവിയായ രാഹുല്‍ ശ്രീരാം അറിയിച്ചിരിക്കുന്നത്.

പോലീസ് ഉദ്യോഗസ്ഥര്‍ ബൈക്ക് ഏകദേശം ഉയര്‍ത്തി കഴിഞ്ഞതോടെ ഇതിന്റെ ഉടമ ഓടിയെത്തുകയും ഉയര്‍ത്തി കൊണ്ടിരുന്ന ബൈക്കിലേക്ക് ചാടി കയറുകയുമായിരുന്നു എന്നാണ് പോലീസ് മേധാവി അറിയിച്ചിരിക്കുന്നത്. തുടര്‍ന്ന് പോലീസ് ഉദ്യോഗസ്ഥര്‍ അദ്ദേഹത്തോട് ബൈക്കില്‍ നിന്ന് ഇറങ്ങാന്‍ ആവശ്യപ്പെട്ടെങ്കിലും തയാറായിരുന്നില്ല. അതോടെ ഉടമയെ ഉള്‍പ്പെടെ ബൈക്ക് വാനിലേക്ക് മാറ്റുകയാണ് ചെയ്തതെന്നും പോലീസ് മേധാവി കൂട്ടിച്ചേര്‍ത്തു.

പിന്നീട് പോലീസ് സ്‌റ്റേഷനിലെത്തിയ ബൈക്ക് ഉടമ ക്ഷമ ചോദിക്കുകയും നിയമലംഘനത്തിനുള്ള പിഴയൊടുക്കുകയും ചെയ്‌തെന്നാണ് പോലീസ് അറിയിച്ചിട്ടുള്ളത്. അതേസമയം, വാഹന ഉടമയെ ഉള്‍പ്പെടെ പൊക്കിയതിന് ക്രെയിന്‍ ജീവനക്കാരനും പോലീസ് കോണ്‍സ്റ്റബിളിനുമെതിരേയും നടപടി സ്വീകരിച്ചു. പോലീസ് കോണ്‍സ്റ്റബിളിലെ കോണ്‍ട്രോള്‍ റൂമിലേക്ക് മാറ്റിയതായും പോലീസ് മേധാവി അറിയിച്ചു.

Content Highlights: Motorcycle Being Towed Along With Rider In Pune


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented