വലിയ ശബ്ദത്തിനൊപ്പം ബൈക്കുകള്‍ ഫ്രീക്കനായി കോലംമാറുമ്പോള്‍ ഓര്‍ക്കുക, പണിവരുന്നുണ്ട്


അനധികൃത രൂപമാറ്റം വരുത്തിയ വാഹനങ്ങള്‍ക്ക് അയ്യായിരം രൂപ വീതം പിഴ ഈടാക്കി.

അങ്ങാടിപ്പുറം പോളിടെക്നിക്കിന് സമീപം വാഹനവകുപ്പ് ഉദ്യോഗസ്ഥർ പരിശോധന നടത്തുന്നു | ഫോട്ടോ: മാതൃഭൂമി

രുചക്രവാഹനങ്ങളില്‍ പുകക്കുഴല്‍ അടക്കം അനധികൃതമായി രൂപമാറ്റം വരുത്തി ഓടിക്കുന്നവര്‍ക്കെതിരേ പാലക്കാട് ജില്ലാ വാഹനവകുപ്പ് എന്‍ഫോഴ്സ്മെന്റ് വിഭാഗം നടപടി കര്‍ശനമാക്കി. ബുധനാഴ്ച പെരിന്തല്‍മണ്ണയിലെ എന്‍ഫോഴ്സ്മെന്റ് വിഭാഗം നടത്തിയ പരിശോധനയില്‍ വാഹനങ്ങള്‍ക്കെതിരേ നടപടിയെടുത്തു.

അനധികൃത രൂപമാറ്റം വരുത്തിയ വാഹനങ്ങള്‍ക്ക് അയ്യായിരം രൂപ വീതം പിഴ ഈടാക്കി. രൂപമാറ്റം വരുത്തിയുള്ള വാഹനങ്ങള്‍ക്കെതിരേ നടപടിയെടുക്കാന്‍ ഹൈക്കോടതി നിര്‍ദേശമുണ്ടായിരുന്നു. നിര്‍മാതാക്കള്‍ ഘടിപ്പിച്ചിട്ടുള്ള പുകക്കുഴലുകള്‍ മാറ്റി നിലവാരം കുറഞ്ഞവയാണ് ഘടിപ്പിക്കുന്നത്. ഇത് കാതടപ്പിക്കുന്ന ശബ്ദം പുറപ്പെടുവിക്കുന്നതും പൊതുജനത്തിന് ശല്യമായി മാറുകയും ചെയ്യുന്നു.

വാഹനത്തിരക്കുള്ളയിടങ്ങളില്‍ വലിയശബ്ദത്തോടെ ഇത്തരം വാഹനങ്ങള്‍ ഓടിക്കുന്നത് പ്രായമായവര്‍ക്കും കുട്ടികള്‍ക്കുമടക്കം ആരോഗ്യപ്രശ്‌നങ്ങളുണ്ടാക്കുന്നുണ്ട്. ബുള്ളറ്റ് വിഭാഗത്തിലുള്ളവയിലാണ് കൂടുതലും ഇത്തരം മാറ്റങ്ങള്‍ വരുത്തുന്നതെന്ന് വാഹനവകുപ്പ് ഉദ്യോഗസ്ഥര്‍ പറയുന്നു.

അധികമായി ഘടിപ്പിക്കുന്ന ലൈറ്റുകളും മറ്റ് ഡ്രൈവര്‍മാരുടെ കാഴ്ചയെ ബാധിക്കുന്നുണ്ട്. ചക്രത്തിന്റെ ഭംഗി പ്രദര്‍ശിപ്പിക്കുന്ന തരത്തില്‍ മഡ്ഗാര്‍ഡ് ഒഴിവാക്കുന്നത് പിന്നില്‍ വരുന്ന വാഹനങ്ങള്‍ക്കും ആളുകള്‍ക്കും മുകളിലേക്ക് ചെളിയും വെള്ളവും തെറിപ്പിക്കുന്നതും പ്രയാസമുണ്ടാക്കുന്നു.

ഇത്തരം രൂപമാറ്റങ്ങള്‍ വരുത്തിയ വാഹനങ്ങള്‍ക്കെതിരേ തുടര്‍പരിശോധനയുണ്ടാകുമെന്ന് വാഹനവകുപ്പ് എന്‍ഫോഴ്സ്മെന്റ് വിഭാഗം അറിയിച്ചു. മലപ്പുറം എന്‍ഫോഴ്സ്മെന്റ് വിഭാഗം ഉദ്യോഗസ്ഥരായ എം.വി.ഐ. ശരത് സേനന്‍, മുഹമ്മദ് ലബീബ്, സയ്യിദ് മഹമൂദ് എന്നിവരാണ് പരിശോധനാ സംഘത്തിലുള്ളത്.

Content Highlights: Motor Vehicle Department Take Strict Action Against Modified Bikes


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


anas

2 min

പോയത് നാലുകോടി രൂപ; ജീവിതം അവസാനിപ്പിക്കുമെന്ന് പറഞ്ഞ് മുഖ്യമന്ത്രിക്ക് കത്തയച്ച് സംരംഭകന്‍

Oct 7, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022

Most Commented