ഫ്രീക്കന്‍ വണ്ടി ആറ് മാസം നിരത്തിലിറങ്ങില്ല; രജിസ്‌ട്രേഷന്‍ താത്കാലികമായി റദ്ദാക്കി എംവിടി


മോഡിഫിക്കേഷനുകള്‍ ഒഴിവാക്കി വാഹനം ഹാജരാക്കുന്നത് വരേയൊ, അല്ലെങ്കില്‍ ആറ് മാസത്തേക്കോ ആയിരിക്കും സസ്‌പെന്‍ഷന്‍.

രൂപമാറ്റം വരുത്തിയ വാഹനം | Photo: facebook.com|mvd.socialmedia

മൂഹമാധ്യമങ്ങളിലും മറ്റും വൈറലായ ഫ്രീക്കന്‍ വണ്ടിയുടെ രജിസ്‌ട്രേഷന്‍ താത്കാലികമായി റദ്ദാക്കി മോട്ടോര്‍ വാഹന വകുപ്പിന്റെ നടപടി. നിയമങ്ങള്‍ ലംഘിച്ച് വാഹനം മോടി പിടിപ്പിച്ചതിനാണ് രജിസ്‌ട്രേഷന്‍ റദ്ദാക്കിയതെന്നാണ് മോട്ടോര്‍ വാഹന വകുപ്പ് അറിയിച്ചിരിക്കുന്നത്. ഇസുസുവിന്റെ ഡി-മാക്‌സ് വി-ക്രോസ് വാഹനമാണ് മോടി പിടിപ്പിച്ചിരിക്കുന്നത്.

അനധികൃതമായി രൂപമാറ്റം വരുത്തി സമൂഹ മാധ്യമങ്ങളില്‍ പ്രചാരത്തിലായ KL 17 R 80 എന്ന നമ്പറിലുള്ള വാഹനത്തിന്റെ രജിസ്‌ട്രേഷന്‍ താത്കാലികമായി റദ്ദ് ചെയ്തതായി മോട്ടോര്‍ വാഹന വകുപ്പ് ഫെയ്‌സ്ബുക്കില്‍ അറിയിച്ചു. മോട്ടോര്‍ വാഹന നിയമം സെക്ഷന്‍ 53(1) പ്രകാരം മൂവാറ്റുപുഴ റീജിയണല്‍ ട്രാന്‍സ്‌പോര്‍ട്ട് ഒഫീസറാണ് നടപടി എടുത്തത്.

വാഹനത്തില്‍ വരുത്തിയിട്ടുള്ള മോഡിഫിക്കേഷനുകള്‍ ഒഴിവാക്കി വാഹനം ഹാജരാക്കുന്നത് വരേയൊ അല്ലെങ്കില്‍ ആറ് മാസത്തേക്കോ ആയിരിക്കും സസ്‌പെന്‍ഷന്‍ എന്നാണ് മോട്ടോര്‍ വാഹന വകുപ്പ് അറിയിച്ചിരിക്കുന്നത്. ഈ കാലയളവില്‍ ഈ വാഹനം പൊതുനിരത്തില്‍ ഉപയോഗിക്കാന്‍ സാധിക്കില്ലെന്നും മുന്നറിയിപ്പ് നല്‍കിയിട്ടിണ്ട്.

നിലവില്‍ അനുവദിച്ചിരിക്കുന്ന ആറ് മാസത്തിനുള്ളില്‍ അനധികൃതമായ മാറ്റങ്ങള്‍ ഒഴിവാക്കിയില്ലെങ്കില്‍ വാഹനത്തിന്റെ രജിസ്‌ട്രേഷന്‍ സ്ഥിരമായി റദ്ദാക്കുമെന്നും വകുപ്പിന്റെ ഫെയ്‌സ്ബുക്ക് പോസ്റ്റില്‍ അറിയിച്ചിട്ടുണ്ട്. വാഹനത്തില്‍ രൂപമാറ്റം വരുത്തിയതിന് മുമ്പ് ഈ വാഹനത്തിന് എംവിടി 48,000 രൂപ പിഴ ചുമത്തിയിരുന്നു.

രൂപമാറ്റം വരുത്തിയ വാഹനങ്ങള്‍ക്കെതിരേ മോട്ടോര്‍ വാഹന വകുപ്പ് പരക്കെ നടപടികള്‍ സ്വീകരിക്കുന്നുണ്ട്. രൂപമാറ്റം വരുത്തുന്നത് വാഹനങ്ങളെ പ്രതികൂലമായി ബാധിക്കുമെന്നും ഇത് അപകടങ്ങള്‍ക്ക് കാരണമാകുമെന്നുമാണ് വിലയിരുത്തലുകള്‍. വാഹനങ്ങളില്‍ അനധികൃതമായി രൂപമാറ്റം വരുത്തുന്നത് സുപ്രീം കോടതിയും നിരോധിച്ചിട്ടുണ്ട്.

Content Highlights: Motor Vehicle Department Suspended Heavily Modified vehicle Registration For Six Months


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented