ട്രാഫിക് നിയമലംഘനം തടയാന്‍ വഴിനീളെ ഒഫന്‍സ് ഡിറ്റക്ഷന്‍ ക്യാമറ സ്ഥാപിക്കാന്‍ മോട്ടോര്‍ വാഹന വകുപ്പ്


മൊബൈല്‍ഫോണ്‍ ഉപയോഗം, ഹെല്‍മെറ്റ്- സീറ്റ് ബെല്‍റ്റ് ധരിക്കാതിരിക്കല്‍ തുടങ്ങിയവ കണ്ടുപിടിക്കുന്നതിനാണ് 'ഒഫന്‍സ് ഡിറ്റക്ഷന്‍ ക്യാമറ' സ്ഥാപിക്കുന്നത്.

പ്രതീകാത്മക ചിത്രം | Photo: Facebook @ E.P Jayarajan

താഗതനിയമലംഘനങ്ങള്‍ കണ്ടുപിടിക്കാന്‍ കഴിയുന്ന ക്യാമറകള്‍ വഴിനീളെ സ്ഥാപിക്കാന്‍ മോട്ടോര്‍ വാഹന വകുപ്പ് നടപടികള്‍ ആരംഭിച്ചു. മൊബൈല്‍ഫോണ്‍ ഉപയോഗം, ഹെല്‍മെറ്റ്- സീറ്റ് ബെല്‍റ്റ് ധരിക്കാതിരിക്കല്‍ തുടങ്ങിയവ കണ്ടുപിടിക്കുന്നതിനാണ് 'ഒഫന്‍സ് ഡിറ്റക്ഷന്‍ ക്യാമറ' സ്ഥാപിക്കുന്നത്. കെല്‍ട്രോണുമായി ചേര്‍ന്നാണു നടപ്പാക്കുന്നത്. സൗരോര്‍ജത്തിലാകും ഇവയുടെ പ്രവര്‍ത്തനം. ഇപ്പോള്‍ സ്ഥാപിച്ചിരിക്കുന്ന ക്യാമറകള്‍ അതിവേഗം പിടിക്കുന്നതിനാണ്.

ആദ്യഘട്ടത്തില്‍ ഒരോജില്ലയിലും 50 വീതം പുതിയ ക്യാമറകള്‍ ഉണ്ടാകും. ഫെബ്രുവരിയില്‍ പുതിയ സംവിധാനം നിലവില്‍വരും. ഓരോ ജില്ലയിലും ക്യാമറ സ്ഥാപിക്കുന്നതിനുള്ള സര്‍വേ പൂര്‍ത്തിയായി. താലൂക്കുകളില്‍ പ്രവര്‍ത്തിക്കുന്ന എന്‍ഫോഴ്‌സ്മെന്റ് സ്‌ക്വാഡ് കണ്ടെത്തിയ സ്ഥലങ്ങളിലാണു ക്യാമറ വെക്കുക. ഇതിനുള്ള ഇടങ്ങള്‍ അടയാളപ്പെടുത്തിയിട്ടുണ്ട്. തിരക്കേറിയ കേന്ദ്രങ്ങള്‍ക്കാണ് ആദ്യപരിഗണന.

പ്രവര്‍ത്തനം നിര്‍മിതബുദ്ധി അധിഷ്ഠിതമാക്കി

സൗരോര്‍ജത്തില്‍ പ്രവര്‍ത്തിക്കുന്ന ക്യാമറ നിര്‍മിതബുദ്ധിയിലൂടെയാണു വിവരങ്ങള്‍ ശേഖരിക്കുക. ക്യാമറയുടെ പരിധിയിലേക്കു വാഹനം വരുന്നതോടെ നമ്പര്‍പ്ലേറ്റിന്റെ ചിത്രം പതിയും. 20 മീറ്റര്‍ അടുത്തെത്തുമ്പോള്‍ വാഹനമോടിക്കുന്നയാളെയും കാണാന്‍കഴിയും. നിയമലംഘനം കണ്ടെത്തിയാല്‍ വിവരങ്ങള്‍ മോട്ടോര്‍വാഹനവകുപ്പ് എന്‍ഫോഴ്‌സ്മെന്റിന്റെ കണ്‍ട്രോള്‍ റൂമിലേക്കു കൈമാറും. ആര്‍.സി. ബുക്കുമായി ബന്ധപ്പെടുത്തിയിരിക്കുന്ന നമ്പരിലേക്ക് എസ്.എം.എസ്. സന്ദേശം കൈമാറും. കണ്‍ട്രോള്‍ റൂമില്‍നിന്ന് നിയമലംഘനം കാണിച്ച് നോട്ടീസയക്കും.

പ്രാരംഭനടപടികള്‍ പൂര്‍ത്തിയായി

പ്രാരംഭനടപടികളെല്ലാം പൂര്‍ത്തിയായിട്ടുണ്ട്. ഫെബ്രുവരിയില്‍ ആരംഭിക്കാന്‍ കഴിയുമെന്നാണു പ്രതീക്ഷ. അപകടങ്ങള്‍ ഉള്‍പ്പെടെയുള്ളവ ഒരുപരിധിയോളം കുറയ്ക്കാന്‍ കഴിയുമെന്നാണു കരുതുന്നത്.

- വേണുഗോപാലന്‍ പോറ്റി, ആര്‍.ടി.ഒ. എന്‍ഫോഴ്‌സ്മെന്റ്‌

Content Highlights: Motor Vehicle Department Install Surveillance Cameras To Caught Traffic Rule Violations

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented