മോട്ടോര്‍ വാഹന വകുപ്പില്‍ ഇന്‍സ്‌പെക്ടര്‍മാര്‍ മാത്രം; ഹോംഗാര്‍ഡ് സേവനം വേണമെന്ന് എം.വി.ഡി


കെ.ആര്‍.കെ.പ്രദീപ്

വാഹനം ഓടിക്കുന്നത് മുതല്‍ പരിശോധനയും തുടര്‍നടപടികളും സ്വീകരിക്കുന്നത് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ തസ്തികയില്‍ ഉള്ളവരാണ്.

പ്രതീകാത്മക ചിത്രം | ഫോട്ടോ: മാതൃഭൂമി

റോഡപകടങ്ങള്‍ കുറയ്ക്കാനായി മോട്ടോര്‍ വാഹനവകുപ്പ് നടപ്പാക്കിയ സേഫ് സോണ്‍ കേരള പദ്ധതിയിലേക്ക് ഹോംഗാര്‍ഡുകളുടെ സേവനവും ആവശ്യപ്പെട്ട് വകുപ്പ്. സേഫ് സോണ്‍ കേരള പദ്ധതിയില്‍ ജോലി ചെയ്യുന്ന മോട്ടോര്‍ വെഹിക്കിള്‍ എന്‍ഫോഴ്‌സ്‌മെന്റ് വിഭാഗത്തോടൊപ്പം ഹോംഗാര്‍ഡുമാരേക്കൂടി ഉള്‍പ്പെടുത്തണമെന്നാണ് വകുപ്പ് സര്‍ക്കാരിനോട് ആവശ്യം ഉന്നയിച്ചിരിക്കുന്നത്.

എന്‍ഫോഴ്‌സ്‌മെന്റ് വിഭാഗത്തില്‍ മോട്ടോര്‍ വെഹിക്കിള്‍ ഉദ്യോഗസ്ഥര്‍ മാത്രമേ നിലവില്‍ ജോലിചെയ്യുന്നുള്ളൂ. വാഹനം ഓടിക്കുന്നത് മുതല്‍ പരിശോധനയും തുടര്‍നടപടികളും സ്വീകരിക്കുന്നത് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ തസ്തികയില്‍ ഉള്ളവരാണ്. കേസെടുക്കുന്ന വാഹനങ്ങള്‍ക്ക് നോട്ടീസ് നടപടികള്‍ നടപ്പാക്കാനും പരിശോധനയില്‍ സഹായിക്കാനുമാണ് ഹോംഗാര്‍ഡുകളുടെ സേവനം വകുപ്പ് തേടിയിരിക്കുന്നത്.

ശബരിമല തീര്‍ഥാടന കാലത്ത് റോഡപകടങ്ങള്‍ കുറയ്ക്കാനായി വര്‍ഷങ്ങള്‍ക്ക് മുമ്പ് പത്തനംതിട്ട-പമ്പ റൂട്ടില്‍ സേഫ് സോണ്‍ പദ്ധതി മോട്ടോര്‍ വാഹന വകുപ്പ് നടപ്പാക്കിയിരുന്നു. ഇത് വിജയകരമായിരുന്നു. ഇതാണ് 2019-ല്‍ സംസ്ഥാന തലത്തില്‍ സേഫ് സോണ്‍ കേരള പദ്ധതിയായി വ്യാപിപ്പിച്ചത്-2020-21 കാലഘട്ടങ്ങളില്‍ 2019-മായി താരതമ്യം ചെയ്യുമ്പോള്‍ അപകട മരണ നിരക്ക് കുറയ്ക്കാന്‍ കഴിഞ്ഞതായാണ് വിലയിരുത്തുന്നത്.

വാഹന അപകട മരണനിരക്ക് മുന്‍ വര്‍ഷത്തെ അപേക്ഷിച്ച് 30 ശതമാനവും. അപകട നിരക്ക് 28 ശതമാനവും കുറഞ്ഞതായാണ് സൂചന. 2024 മാര്‍ച്ച് വരെ സേഫ് സോണ്‍ കേരളയില്‍ നടപ്പാക്കേണ്ട പദ്ധതികള്‍ക്ക് രൂപരേഖയായിട്ടുണ്ട്. വാഹന അപകട നിരക്ക് പരമാവധി കുറയ്ക്കാനാണ് ലക്ഷ്യമിടുന്നത്. 285 ഉദ്യോഗസ്ഥരാണ് മോട്ടോര്‍ വാഹന എന്‍ഫോഴ്‌സ്‌മെന്റ് വിഭാഗത്തില്‍ പ്രവര്‍ത്തിക്കുന്നത്. ഇവര്‍ക്കായി 66 ഇലക്ട്രിക് വാഹനങ്ങളും അനുവദിച്ചിട്ടുണ്ട്.

ആധുനിക സംവിധാനത്തോടുകൂടിയ 17 ഇന്റര്‍സെപ്റ്റര്‍ വാഹനങ്ങളാണ് സേഫ് സോണ്‍ കേരളയ്ക്ക് വേണ്ടി നല്‍കിയിരിക്കുന്നത്. മോട്ടോര്‍ വാഹന വകുപ്പില്‍ സന്ദേശങ്ങള്‍ കാര്യക്ഷമമാക്കാന്‍ വയര്‍ലസ് സംവിധാനവും ഉടന്‍ നടപ്പാക്കും. എറണാകുളം ജില്ലയില്‍ ആയിരിക്കും ഈ സംവിധാനം പരീക്ഷണാടിസ്ഥാനത്തില്‍ ആദ്യം നടപ്പാക്കുക. ഇതിന്റെ തയ്യാറെടുപ്പുകള്‍ പൂര്‍ത്തിയായി. കേന്ദ്ര വാര്‍ത്താവിനിമയ വകുപ്പിന്റെ അനുമതിക്കായി കാത്തിരിക്കുകയാണ്.

Content Highlights: Motor Vehicle Department Demands Home Guards To Their Force

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
SALMAN

1 min

സല്‍മാന്‍ റുഷ്ദിക്ക് നേരേ ന്യൂയോര്‍ക്കില്‍ ആക്രമണം; കുത്തേറ്റു, അക്രമി പിടിയില്‍

Aug 12, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022

Most Commented