മാരുതി സുസുക്കിയുടെയും ഇന്ത്യൻ ഓയിൽ കോർപറേഷന്റെയും മേധാവികൾ ധാരണാപത്രവുമായി | Photo: Maruti Suzuki
ഉപയോക്താക്കള്‍ക്ക് കൂടുതല്‍ ആനുകൂല്യങ്ങളും സേവനങ്ങളും ഉറപ്പാക്കുന്നതിനായി മാരുതി സുസുക്കി റിവാര്‍ഡ്‌സും ഇന്ത്യന്‍ ഓയില്‍ കോര്‍പറേഷനും സഹകരിക്കുന്നു. ഇന്ത്യന്‍ ഓയില്‍ കോര്‍പറേഷന്റെ (ഐ.ഒ.സി.എല്‍) പെട്രോള്‍ പമ്പുകളില്‍ നിന്ന് ഇന്ധനം നിറയ്ക്കുന്ന മാരുതി കാര്‍ ഉടമകള്‍ക്ക് റിവാര്‍ഡ് ഉള്‍പ്പെടെയുള്ള ആനുകൂല്യങ്ങളാണ് ഒരുക്കിയിരിക്കുന്നത്. 80 ലക്ഷത്തോളം വരുന്ന ഉപയോക്താക്കള്‍ക്കാണ് ഈ കൂട്ടുക്കെട്ടിന്റെ പ്രയോജനം ലഭിക്കുകയെന്നാണ് റിപ്പോര്‍ട്ടുകള്‍.
ഏപ്രില്‍ ഒന്നാം തീയതി മുതല്‍ മാരുതി സുസുക്കി റിവാര്‍ഡ് ആപ്പില്‍ പുതിയ ഫീച്ചറുകള്‍ അവതരിപ്പിക്കുന്നുണ്ട്. ഇതിലെ എക്‌സ്ട്രാ റിവാര്‍ഡ് പ്രോഗ്രാമിലൂടെ ഐ.ഒ.സി.എല്ലിന്റെ വിവിധ ആനുകൂല്യങ്ങള്‍ ഉപയോക്താക്കള്‍ക്ക് ലഭ്യമാക്കുമെന്നാണ് ഇരുകമ്പനികളും അറിയിച്ചിരിക്കുന്നത്. മാരുതി നല്‍കി റിവാര്‍ഡുകള്‍ക്ക് പുറമെ, ഇതില്‍ നിന്നും ഐ.ഒ.സി.എല്‍. എക്‌സ്ട്രാ റിവാര്‍ഡ് പോയന്റുകളും ഉപയോക്താക്കള്‍ക്ക് ലഭിക്കും.
എക്‌സ്ട്രാ റിവാര്‍ഡ് പ്രോഗ്രാമില്‍ സൈന്‍ ഇന്‍ ചെയ്യുമ്പോള്‍ തന്നെ 100 റിവേര്‍ഡ് പോയന്റുകള്‍ ലഭിക്കും. പിന്നീട് ഇന്ത്യന്‍ ഓയിലിന്റെ സ്റ്റേഷനുകളില്‍ നിന്നുള്ള ഒരോ 100 രൂപയുടെ ഇന്ധനം നിറക്കലിനും രണ്ട് റിവാര്‍ഡ് പോയന്റുകള്‍ വീതം ലഭിക്കും. ഒരുപാദത്തില്‍ 25,000 രൂപയുടെ ഇടപാട് പൂര്‍ത്തിയാക്കാന്‍ 350 എക്‌സ്ട്രാ റിവാര്‍ഡ് പോയന്റ് ലഭിക്കും ഇതിന് 105 രൂപയുടെ മൂല്യമുണ്ടായിരിക്കും. ഇതിനുപുറമെ, മാരുതി സുസുക്കി റിവാര്‍ഡ് അംഗങ്ങള്‍ക്ക് പമ്പിലെ മറ്റ് സേവനങ്ങളും ഉപയോഗിക്കാം.
മാരുതിയും ഇന്ത്യന്‍ ഓയില്‍ കോര്‍പറേഷനും ഒരുക്കുന്ന ഈ പ്രോഗ്രാമിലൂടെ ഉപയോക്താക്കള്‍ക്ക് വിശ്വസനീയമായതും മികച്ചതുമായ വില്‍പ്പനാനന്തര ആനുകൂല്യങ്ങള്‍ ഉറപ്പാക്കുമെന്ന് മാരുതിയുടെ മേധാവി ശശാങ്ക് ശ്രീവാസ്തവ അഭിപ്രായപ്പെട്ടു. ഈ കൂട്ടുകെട്ടിലൂടെ ഉപയോക്താക്കളുടെ ആവശ്യവും മറ്റും അടുത്തറിയാനും അവ പരഗണിക്കാനും സാധിക്കുമെന്നാണ് ഇന്ത്യന്‍ ഓയില്‍ റീട്ടെയ്ന്‍ ട്രാന്‍ഫോര്‍മേഷന്‍ മേധാവി സൗമിത്ര ശ്രീവാസ്തവ അറിയിച്ചിരിക്കുന്നത്.
എട്ട് ലക്ഷം ഉപയോക്താക്കളുടെ പിന്തുണയുള്ള ആപ്പാണ് മാരുതി സുസുക്കി റിവാര്‍ഡ്. ഇതുവഴി മാരുതി സുസുക്കി കാറുകളുടെ ഇന്‍ഷുറന്‍സ്, ഒറിജിനല്‍ ആക്‌സസറികള്‍, സര്‍വീസുകള്‍ തുടങ്ങിയവയാണ് ഉറപ്പാക്കുന്നത്. ഇതുവഴിയുള്ള സേവനങ്ങള്‍ക്ക് വലിയ ഇളവുകളും നല്‍കുന്നുണ്ട്. ആന്‍ഡ്രോയിഡ്-ആപ്പിള്‍ ഫോണുകളില്‍ മാരുതി സുസുക്കിയുടെ ഈ ആപ്പ് ലഭ്യമാക്കുന്നുണ്ട്.
Content Highlights: Maruti Suzuki Rewards strengthens collaboration with Indian Oil Corporation
Also Watch
RELATED STORIES
.jpg?$p=9c95f3b&f=1x1&w=100&q=0.8)
.jpeg?$p=5281e54&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=1990e2a&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..