ഇന്ത്യന്‍ വാഹന ലോകത്തിന് നികത്താവാനാത്ത വിടവ് സൃഷ്ടിച്ച് മാരുതി സുസുക്കിയുടെ മുന്‍ മേധാവിയായിരുന്ന ജഗദീഷ് ഖട്ടാര്‍ (78) വിടപറഞ്ഞു. ഹൃദയാഘാതത്തെ തുടര്‍ന്ന് തിങ്കളാഴ്ച രാവിടെയാണ് അദ്ദേഹം മരണത്തിന് കീഴടങ്ങിയത്. 1993-ലാണ് മാര്‍ക്കറ്റിങ്ങ് ഡയറക്ടറായി അദ്ദേഹം മാരുതിയുടെ ഭാഗമാകുന്നത്.
ആര്‍.സി. ഭാര്‍ഗ സ്ഥാനമൊഴിഞ്ഞതോടെ 1999-ല്‍ സര്‍ക്കാര്‍ നോമിനിയായി അദ്ദേഹം മാരുതിയുടെ മാനേജിങ്ങ് ഡയറക്ടറായി. പിന്നീട് 2002-ല്‍ സുസുക്കിയുടെ നോമിനിയായും അദ്ദേഹം ആ സ്ഥാനത്ത് തുടര്‍ന്നു. 2007-ലാണ് ജഗദീഷ് ഖട്ടാര്‍ മാരുതി സുസുക്കിയുടെ എം.ഡി. സ്ഥാനമൊഴിയുന്നത്. അദ്ദേഹത്തിന്റെ നേതൃത്വത്തില്‍ മികച്ച വളര്‍ച്ചയാണ് മാരുതി കൈവരിച്ചത്.
65-ാം വയസില്‍ മാരുതിയോട് വിടപറഞ്ഞ ഖട്ടാര്‍ 2008-ല്‍ ഓട്ടോമോട്ടീവ് സെയില്‍സ് ആന്‍ഡ് സര്‍വീസ് കമ്പനിയായ കാര്‍നേഷന്‍ എന്ന സ്ഥാപനം ആരംഭിക്കുകയായിരുന്നു. പത്ത് വര്‍ഷങ്ങള്‍ക്ക് ശേഷം 2018-ല്‍ ഖട്ടാര്‍ സ്ഥാപിച്ച ഈ കമ്പനി മഹീന്ദ്ര ഫസ്റ്റ് ചോയിസ് ഏറ്റെടുത്തു. മാരുതി സുസുക്കി എന്ന കമ്പനിയുടെ നേട്ടങ്ങളിലെല്ലാം ഖട്ടാറിന്റെ സാന്നിധ്യമുണ്ട്.
1969 ബാച്ച് ഐ.എ.എസ് ഉദ്യോഗസ്ഥനായ ജഗദീഷ് ഖട്ടാര്‍ വിവിധ കേന്ദ്ര-സംസ്ഥാന സര്‍വീസുകളില്‍ പ്രവര്‍ത്തിച്ച ശേഷമാണ് മാരുതിയുടെ ഭാഗമാകുന്നത്. കേന്ദ്ര സ്റ്റീല്‍ മന്ത്രാലയത്തിന്റെ ജോയിന്റ് സെക്രട്ടറി, ഉത്തര്‍പ്രദേശ് ഗവണ്‍മെന്റിലെ വിവിധ സ്ഥാപനങ്ങള്‍ തുടങ്ങിയവയില്‍ ജഗദീഷ് ഖട്ടാര്‍ സേവനം അനുഷ്ഠിച്ചിരുന്നു. മാരുതി ഉദ്യോഗ് ലിമിറ്റഡിന്റെ ഭാഗമായാണ് അദ്ദേഹം വാഹന ലോകത്ത് എത്തുന്നത്.
Content Highlights: Maruti Suzuki Former Managing Director Jagdish Khattar Passes Away
RELATED STORIES
IN CASE YOU MISSED IT
.jpg?$p=9c2ba89&f=1x1&w=100&q=0.8)
.jpg?$p=19511ff&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..