വിവാഹ യാത്രയില്‍ ആഡംബര കാറില്‍ 'ജസ്റ്റ് മാരീഡ് 'നമ്പറിട്ടു; പിഴചുമത്തി വാഹനവകുപ്പ്


നിലവിലെ നമ്പര്‍ മാറ്റിവെച്ച് നമ്പര്‍പ്ലേറ്റില്‍ കൃത്രിമം കാണിച്ചതിനെതിരേയാണ് വാഹനവകുപ്പിന്റെ നടപടി.

വിവാഹത്തോടനുബന്ധിച്ച് വരൻ യാത്രചെയ്ത കാറിന്റെ നമ്പറിനു പകരം 'ജസ്റ്റ് മാരീഡ്' എന്ന സ്റ്റിക്കർ പതിച്ച നിലയിൽ | ഫോട്ടോ: മാതൃഭൂമി

വിവാഹത്തോടനുബന്ധിച്ചുള്ള യാത്രയില്‍ ആഡംബരക്കാറിന്റെ നമ്പര്‍ മാറ്റി 'ജസ്റ്റ് മാരീഡ്' എന്ന സ്റ്റിക്കര്‍ പതിച്ച് റോഡിലിറങ്ങിയ വാഹനത്തിന് മോട്ടോര്‍ വാഹനവകുപ്പ് മൂവായിരംരൂപ പിഴചുമത്തി.
ദേശീയപാതയിലെ വെന്നിയൂരിനു സമീപംവെച്ചാണ് പരിശോധനക്കിടെ മോട്ടോര്‍ വാഹനവകുപ്പ് എന്‍ഫോഴ്സ്മെന്റ് വിഭാഗം കാറിനെതിരേ നടപടിയെടുത്തത്.

പുതിയ വാഹനങ്ങള്‍ക്കുപോലും രജിസ്ട്രേഷന്‍നമ്പര്‍ ലഭിച്ചതിനുശേഷം അത് പ്രദര്‍ശിപ്പിച്ചുമാത്രമെ റോഡിലിറക്കാവൂ എന്നാണ് ട്രാന്‍സ്‌പോര്‍ട്ട് കമ്മീഷണറുടെ പുതിയനിര്‍ദേശം. ഇതിനിടെ നിലവിലെ നമ്പര്‍ മാറ്റിവെച്ച് നമ്പര്‍പ്ലേറ്റില്‍ കൃത്രിമം കാണിച്ചതിനെതിരേയാണ് വാഹനവകുപ്പിന്റെ നടപടി.

ജില്ലയിലെ വിവാഹങ്ങളടക്കമുള്ള യാത്രകള്‍ക്കായി വാടകയ്ക്ക് എടുക്കുന്ന കാറുകളിലും ഇത്തരത്തില്‍ നമ്പര്‍ മാറ്റിവെച്ച് യാത്രചെയ്യുന്നത് ശ്രദ്ധയില്‍പ്പെട്ടിട്ടുണ്ടെന്ന് വാഹനവകുപ്പ് ഉദ്യോഗസ്ഥര്‍ പറഞ്ഞു. എം.വി.ഐ. കെ. നിസാര്‍, എ.എം.വി.ഐ. ടി. പ്രബിന്‍, സൂജ മാട്ടട എന്നിവരടങ്ങുന്ന സംഘമാണ് പരിശോധനക്കിടെ കാര്‍ പിടികൂടിയത്.

ഒരുതവണ നിയമലംഘനം നടത്തിയ വാഹനത്തില്‍ വീണ്ടും നിയമലംഘനം ശ്രദ്ധയില്‍പ്പെട്ടാല്‍ രജിസ്ട്രേഷന്‍ റദ്ദാക്കുന്ന നടപടികളെടുക്കുമെന്ന് സേഫ് കേരള കണ്‍ട്രോള്‍ റൂം എം.വി.ഐ. പി.കെ. മുഹമ്മദ് ഷഫീഖ് പറഞ്ഞു.

Content Highlights: Marriage Car, Just Married Number Plate, MVD Kerala


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


07:35

ജലം തേടി ഭൂമിക്കടിയിലൂടെ സഞ്ചരിക്കുന്ന ഒരാൾ

Apr 13, 2022


Virat Kohli shares picture of Rafael Nadal Crying Alongside Roger Federer

1 min

'ഏറ്റവും സുന്ദരമായ കായിക ചിത്രം'; കണ്ണീരണിയുന്ന ഫെഡററുടെയും റാഫയുടെയും ചിത്രം പങ്കുവെച്ച് കോലി

Sep 24, 2022

Most Commented