ഇന്ധന വിലവര്‍ധനയ്‌ക്കെതിരേ വൈദ്യുത സ്‌കൂട്ടറില്‍ സവാരി നടത്തി പശ്ചിമബംഗാള്‍ മുഖ്യമന്ത്രി മമതാ ബാനര്‍ജിയുടെ പ്രതിഷേധം. സെക്രട്ടേറിയറ്റായ 'നബന്ന' യിലേക്കുള്ള യാത്രയാണ് മമത പ്രതിഷേധത്തിന് തിരഞ്ഞെടുത്തത്.
മന്ത്രി ഫിര്‍ഹാദ് ഹക്കീം ഓടിച്ച സ്‌കൂട്ടറിനുപിന്നില്‍ ഹെല്‍മെറ്റ് ധരിച്ച് കഴുത്തില്‍ ഇന്ധനവില കൂട്ടലിനെതിരേയുള്ള പ്‌ളക്കാര്‍ഡും തൂക്കിയായിരുന്നു മമതയുടെ രാവിലത്തെ യാത്ര.
''ബംഗാളില്‍ പാചകവാതകം സൗജന്യമായി തരുമെന്നെല്ലാം തിരഞ്ഞെടുപ്പുകാലത്ത് പറയുന്നു. പക്ഷേ, അത് വെറും 'ഗ്യാസാണ്' എന്ന് ഇപ്പോ മനസ്സിലായി. 800 രൂപയ്ക്കു മുകളിലാണ് പാചകവാതകത്തിന്റെ വില'' -മമത പറഞ്ഞു.
മടക്കയാത്രയില്‍ മമത ഒറ്റയ്ക്ക് സ്‌കൂട്ടറോടിച്ചതും കൗതുകമായി. സ്‌കൂട്ടര്‍ ഓടിച്ച് പരിചയമില്ലാത്ത അവര്‍ ഇരുവശത്തും സുരക്ഷാ ഉദ്യോഗസ്ഥന്മാരെ നിര്‍ത്തിയാണ് സവാരി പൂര്‍ത്തിയാക്കിയത്.
ഇടയ്ക്ക് നിയന്ത്രണം തെറ്റി വീഴാന്‍ പോയപ്പോള്‍ പോലീസുകാര്‍ താങ്ങി. മമതയുടെ അസാധാരണപ്രകടനം കാണാന്‍ യാത്രക്കാരും തിങ്ങിക്കൂടി. സുരക്ഷാസംവിധാനത്തിന്റെ ഭാഗമായി ഡ്രോണുകളും സജ്ജമാക്കിയിരുന്നു.
#WATCH | West Bengal CM Mamata Banerjee nearly falls while driving an electric scooter in Howrah, as a mark of protest against fuel price hike. She quickly regained her balance with support and continued to drive.
— ANI (@ANI) February 25, 2021
She is travelling to Kalighat from State Secretariat in Nabanna pic.twitter.com/CnAsQYNhTP
Content Highlights: Mamata Banerjee travels in electric scooter to protest against fuel price hike
