അഭ്യാസത്തിനിടെ തലകുത്തി മറിഞ്ഞ് ഥാര്‍; വീഡിയോ വൈറലായതോടെ പോലീസ് കേസും | Video


മഹീന്ദ്രയുടെ ലൈഫ് സ്റ്റൈല്‍ എസ്.യു.വി. മോഡലായ ഥാറിന്റെ സോഫ്റ്റ് ടോപ്പ് മോഡലിലായിരിക്കും യുവാക്കളുടെ അഭ്യാസം.

അപകടദൃശ്യം | Photo: Social Media

വാഹനം ഉപയോഗിച്ചുള്ള അഭ്യാസവും അത് സാമൂഹിക മാധ്യമങ്ങളില്‍ പ്രചരിപ്പിക്കലുമാണ് ഡ്രൈവിങ് പ്രാവീണ്യം തെളിയിക്കുന്നതിനുള്ള മാനദണ്ഡമെന്നാണ് ചുരുക്കം ചില ആളുകളുടെയെങ്കിലും ധാരണ. ഇത്തരം അഭ്യാസപ്രകടങ്ങള്‍ മൂലമുണ്ടാകുന്ന അപകടങ്ങളും ചെറുതല്ല. ഇത്തരത്തില്‍ മഹീന്ദ്ര ഥാറില്‍ ഒരു കൂട്ടം യുവാക്കള്‍ നടത്തിയ അഭ്യാസവും ഇതേത്തുടര്‍ന്നുണ്ടായ അപകടവും സാമൂഹിക മാധ്യമങ്ങളില്‍ പ്രചരിച്ചതോടെ ഇവര്‍ക്കെതിരേ കേസെടുത്തിരിക്കുകയാണ് പോലീസ്.

ജാര്‍ഖണ്ഡിലെ ഗദ്ദോപുര്‍ പെത്തിയ എന്ന സ്ഥലത്താണ് സംഭവം. സ്വാതന്ത്ര്യദിനത്തിലാണ് ഈ അപകടമുണ്ടാകുന്നത്. പിന്നീട് ഈ സംഭവത്തിന്റെ ദൃശ്യങ്ങള്‍ സാമൂഹിക മാധ്യമങ്ങളില്‍ വൈറലാകുകയും പോലീസിന്റെ ശ്രദ്ധയില്‍പെടുകയും ചെയ്തതോടെയാണ് കേസെടുത്ത് അന്വേഷണം ആരംഭിച്ചിരിക്കുന്നത്. ഡ്രൈവ് ചെയ്ത ആള്‍ ഉള്‍പ്പെടെ ആറുപേരാണ് വാഹനത്തില്‍ ഉണ്ടായിരുന്നത്. ഇവര്‍ മദ്യപിച്ചിരുന്നോയെന്ന കാര്യം ഉള്‍പ്പെടെ അന്വേഷിക്കുമെന്നാണ് വിവരങ്ങള്‍.

മഹീന്ദ്രയുടെ ലൈഫ് സ്റ്റൈല്‍ എസ്.യു.വി. മോഡലായ ഥാറിന്റെ സോഫ്റ്റ് ടോപ്പ് മോഡലിലാണ് യുവാക്കളുടെ അഭ്യാസം. സ്റ്റിയറിങ് പൂര്‍ണമായും വലത് വശത്തേക്ക് തിരിച്ചുവെച്ച ശേഷം അതിവേഗത്തില്‍ വാഹനം ഓടിക്കാന്‍ ആരംഭിക്കുകയായിരുന്നു. വേഗം കൂടിയതോടെ നിയന്ത്രണം നഷ്ടപ്പെട്ട് മറിയുകയുമായിരുന്നു. വാഹനത്തിലുണ്ടായിരുന്ന ആറ് പേര്‍ക്കും ഗുരുതരമായി പരിക്കേല്‍ക്കുകയും ആശുപത്രിയില്‍ പ്രവേശിപ്പിക്കുകയും ചെയ്തതായാണ് വിവരം.

മഹീന്ദ്ര ഥാറിന്റെ സോഫ്‌ടോപ്പ് പതിപ്പാണ് അഭ്യാസത്തിന് ഉപയോഗിച്ചിരുന്നതെങ്കിലും അതിലെ റൂഫും അഴിച്ചുമാറ്റിയ നിലയിലായിരുന്ന വാഹനം. റൂഫ് ഇല്ലാതിരുന്നതിനാല്‍തന്നെ അപകട സമയത്ത് വാഹനത്തില്‍ നിന്ന് ആളുകള്‍ പുറത്തേക്ക് തെറിച്ചുവീഴുന്നതും വീഡിയോയില്‍ കാണാം. അപകടത്തിന്റെ വീഡിയോ തെളിവായി സ്വീകരിച്ചാണ് പോലീസ് കേസെടുത്തിരിക്കുന്നത്. എന്നാല്‍, ഏതൊക്കെ വകുപ്പാണ് ചുമത്തിയിട്ടുള്ളത് എന്നതില്‍ വ്യക്തതയില്ല.

Content Highlights: Mahindra Thar rolls while stunting, Police register case against six youngsters


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented