ലോക്ഡൗണ്‍ തുടങ്ങി 12 ദിവസം; നിയമ ലംഘനത്തിന് പോലീസ് പിടിച്ചത് 10,980 വാഹനങ്ങള്‍


കൂടുതല്‍ വാഹനങ്ങള്‍ പിടിയിലായത് ട്രിപ്പിള്‍ ലോക്ഡൗണുള്ള എറണാകുളത്തും തിരുവനന്തപുരത്തുമാണ്.

പ്രതീകാത്മക ചിത്രം |ഫോട്ടോ:ജി.ശിവപ്രസാദ്‌

ലോക്ഡൗണില്‍ കോവിഡ് നിയന്ത്രണം ലംഘിച്ച് വാഹനങ്ങളിലുള്ള കറക്കം കൂടുന്നു. 12 ദിവസത്തിനുള്ളില്‍ പോലീസ് പിടിച്ചത് 10,980 വാഹനങ്ങള്‍. മാസ്‌കിടാതെ കറങ്ങിനടന്നവരുടെ എണ്ണം ഒരുലക്ഷത്തോളം കുറഞ്ഞപ്പോഴാണ് വാഹനങ്ങള്‍ പിടിക്കുന്നത് കൂടിയത്.

മേയ് എട്ടുമുതല്‍ 19 വരെയുള്ള കണക്കുപ്രകാരം ദിവസം ശരാശരി ആയിരം വാഹനങ്ങള്‍ പിടിക്കേണ്ടിവന്നുവെന്ന് പോലീസ് പറയുന്നു. ലോക്ഡൗണിന് മുമ്പുള്ള 10 ദിവസം പിടിച്ചത് 1245 എണ്ണം മാത്രമായിരുന്നു. കൂടുതല്‍ വാഹനങ്ങള്‍ പിടിയിലായത് ട്രിപ്പിള്‍ ലോക്ഡൗണുള്ള എറണാകുളത്തും തിരുവനന്തപുരത്തുമാണ്.



അനാവശ്യമായി വണ്ടിയുമായി പുറത്തിറങ്ങിയവര്‍ക്കെതിരെയാണ് കൂടുതല്‍ കേസുകളും വന്നിട്ടുള്ളത്. മാസ്‌ക് ധരിക്കാതെയും തിങ്ങിനിറഞ്ഞും യാത്രചെയ്തവരും പിടിയിലായി. ടെസ്റ്റ് പോസിറ്റിവിറ്റി നിരക്ക് കുറഞ്ഞതിനാല്‍ കൂടുതല്‍ പേര്‍ പുറത്തിറങ്ങാന്‍ പ്രവണത കാണിക്കുന്നുണ്ടെന്ന് കണ്ണൂര്‍ സിറ്റി എ.സി.പി. പി.ബാലകൃഷ്ണന്‍ നായര്‍ പറഞ്ഞു.

മുന്നില്‍ ട്രിപ്പിള്‍ ലോക്ഡൗണ്‍ ജില്ലകള്‍

കോവിഡ് നിയന്ത്രണങ്ങള്‍ ലംഘിച്ച വാഹനങ്ങള്‍ പിടിച്ചെടുത്ത കേസില്‍ മുന്നില്‍ ട്രിപ്പിള്‍ ലോക്ക്ഡക്ഡൗണുള്ള എറണാകുളം ജില്ലയാണ്. ഇവിടെ 2256 കേസുകള്‍ രജിസ്റ്റര്‍ചെയ്തു. എറണാകുളം റൂറലില്‍ 1599-ഉം സിറ്റിയില്‍ 657-ഉം കേസുകള്‍. തിരുവനന്തപുരം ജില്ലയില്‍ റൂറലിലും സിറ്റിയിലുമായി 1934 കേസുകളാണുള്ളത്. റൂറല്‍ പരിധിയില്‍ 1827-ഉം സിറ്റിയില്‍ 107-ഉം.

തൃശ്ശൂര്‍ റൂറലിലും സിറ്റിയിലുമായി 1262-ഉം മലപ്പുറത്ത് 300-ഉം കേസുകളെടുത്തു. കോട്ടയം-1653, ആലപ്പുഴ-1465, കണ്ണൂര്‍ (സിറ്റി, റൂറല്‍)-855, കോഴിക്കോട് (സിറ്റി, റൂറല്‍)-551, പാലക്കാട്-322, വയനാട്-119, കൊല്ലം (റൂറല്‍, സിറ്റി)-114, ഇടുക്കി-93, പത്തനംതിട്ട-43, കാസര്‍കോട്-23 എന്നിങ്ങനെയാണ് മറ്റ് ജില്ലകളിലെ കണക്കുകള്‍.

Content Highlights: Lockdown Violation; Police Charged Case Against 10980 Vehicle Across State


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented