പ്രതീകാത്മക ചിത്രം
കെ.എസ്.ആര്‍.ടി.സി.യുടെ എതിര്‍പ്പ് കാരണം പത്തനംതിട്ട ജില്ലയില്‍ക്കൂടിയുള്ള ആറ് റൂട്ടുകളില്‍ സ്വകാര്യബസുകള്‍ക്ക് പുതുതായി പെര്‍മിറ്റ് കിട്ടാന്‍ സാധ്യതയില്ല. കരിമാന്‍തോട്-കൊല്ലം, മൂലക്കയം-കോഴഞ്ചേരി-മുണ്ടക്കയം, പാലാ-പത്തനംതിട്ട-ചിറ്റാര്‍ മാര്‍ക്കറ്റ്, കുടപ്പന-പത്തനംതിട്ട, കൊല്ലം-പത്തനംതിട്ട -കോരൂത്തോട്, തുലാപ്പള്ളി-പത്തനംതിട്ട എന്നീ റൂട്ടുകളിലാണ് പുതിയ പെര്‍മിറ്റിന് ശ്രമം നടന്നത്.
2009-ലെ ഗതാഗതനിയമം അനുസരിച്ച് കെ.എസ്.ആര്‍.ടി.സി. ബസുകള്‍ ഓടുന്ന റൂട്ടുകളില്‍ അഞ്ച് കിലോമീറ്ററില്‍ കൂടുതല്‍ ദൂരം സ്വകാര്യബസുകള്‍ക്ക് സര്‍വീസ് നടത്താന്‍കഴിയില്ല. പുതിയ പെര്‍മിറ്റിനായി അപേക്ഷവന്ന റൂട്ടുകളില്‍ ഈ ദൂരം മറികടന്നാണ് സ്വകാര്യബസുകള്‍ ഓടേണ്ടത്.
ഈ റൂട്ടുകളിലെല്ലാം കെ.എസ്.ആര്‍.ടി.സി. സര്‍വീസുണ്ട്. ആര്‍.ടി.എ. ബോര്‍ഡില്‍ ഇത് ചൂണ്ടിക്കാട്ടി കെ.എസ്.ആര്‍.ടി.സി. ശക്തമായ എതിര്‍പ്പ് ഉന്നയിച്ചു. 2009-ന് മുന്‍പുള്ള പെര്‍മിറ്റുകള്‍ക്ക് ഈ നിയമം ബാധകമല്ല.
സര്‍ക്കാര്‍ നയമനുസരിച്ച് 140 കിലോമീറ്റര്‍ ദൂരംവരെ ഓടുന്ന സ്വകാര്യ ബസുകളുടെ പെര്‍മിറ്റ് ഏറ്റെടുക്കാനാനുള്ള കെ.എസ്.ആര്‍.ടി.സിയുടെ തീരുമാനപ്രകാരം പത്തനംതിട്ട ജില്ലയിലൂടെ കടന്നുപോകുന്ന അഞ്ച് സ്വകാര്യബസുകള്‍ക്കുകൂടി പിന്‍വലിയേണ്ടിവരും.
Content Highlights: KSRTC Take Over, Private Bus May Lost Their Permit
Also Watch
RELATED STORIES
.jpg?$p=67a9055&f=1x1&w=100&q=0.8)
.jpg?$p=8a57d44&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..