ടിക്കറ്റ് റിസര്‍വ് ചെയ്ത യാത്രക്കാരിയെ മറന്ന് കെ.എസ്.ആര്‍.ടി.സി; ഒടുവില്‍ ബസ് തിരിച്ചോടിയത് 60 കി.മീ


ഉണ്ണി ശുകപുരം

ഏഴുമണിക്ക് കോഴിക്കോട്ടുനിന്നു പുറപ്പെടുന്ന ബസ് 8.30-ന് എടപ്പാളിലെത്തുമെന്നു കണ്ടക്ടര്‍ പറഞ്ഞതനുസരിച്ച് ഇനൂജ എടപ്പാള്‍ കണ്ടനകം വര്‍ക്ഷോപ്പ് സ്റ്റോപ്പില്‍ ഏഴുമണിമുതല്‍ കാത്തുനിന്നു.

പ്രതീകാത്മക ചിത്രം | ഫോട്ടോ: മാതൃഭൂമി

ടിക്കറ്റ് റിസര്‍വുചെയ്ത് പറഞ്ഞ സ്ഥലത്തു കാത്തുനിന്ന യാത്രക്കാരിയെ കയറ്റാനായി കെ.എസ്.ആര്‍.ടി.സി. സൂപ്പര്‍ ഡീലക്‌സ് ബസ് തിരിച്ചോടിയത് 60 കിലോമീറ്റര്‍. ആലപ്പുഴ ഹരിപ്പാട് കാര്‍ത്തികപ്പള്ളി പനവേലില്‍ ഇനൂജയാണ് 'ആനവണ്ടി'യെ മുട്ടുകുത്തിച്ചത്. ഇനൂജ കെ.എസ്.ആര്‍.ടി.സി.യുടെ തിരുവനന്തപുരത്തെ ആസ്ഥാനത്തേക്കു പരാതിയുമായി വിളിച്ചതോടെയാണ് തിരികെപ്പോകാന്‍ ബസ് ജീവനക്കാര്‍ക്കു നിര്‍ദേശം കിട്ടിയത്.

രണ്ടുമണിക്കൂറോളം വീണ്ടും കാത്തുനിന്ന ഇനൂജയ്ക്ക് ഒടുവില്‍ യാത്ര തരപ്പെട്ടു. വെള്ളിയാഴ്ച രാത്രിയാണ് സംഭവം. എടപ്പാള്‍ കണ്ടനകം കെ.എസ്.ആര്‍.ടി.സി. വര്‍ക്ഷോപ്പിനടുത്തുള്ള സ്റ്റോപ്പിലാണ് ഇനൂജ കാത്തുനിന്നത്. കോഴിക്കോട് കെ.എം.സി.ടി. സ്‌കൂളിലെ അധ്യാപികയാണിവര്‍. വെള്ളിയാഴ്ച രാത്രി നാട്ടിലേക്കുപോകാനായി ഇനൂജ കോഴിക്കോട്ടുനിന്നു തിരുവനന്തപുരത്തേക്കുപോകുന്ന സൂപ്പര്‍ ഡീലക്സ് ബസില്‍ ടിക്കറ്റ് റിസര്‍വ്‌ചെയ്തു.

ഏഴുമണിക്ക് കോഴിക്കോട്ടുനിന്നു പുറപ്പെടുന്ന ബസ് 8.30-ന് എടപ്പാളിലെത്തുമെന്നു കണ്ടക്ടര്‍ പറഞ്ഞതനുസരിച്ച് ഇനൂജ എടപ്പാള്‍ കണ്ടനകം വര്‍ക്ഷോപ്പ് സ്റ്റോപ്പില്‍ ഏഴുമണിമുതല്‍ കാത്തുനിന്നു. ഇതിനിടെ പലവട്ടം കണ്ടക്ടറെ ഫോണില്‍ വിളിച്ച് കാത്തുനില്‍ക്കുന്ന കാര്യമറിയിച്ചു. ഇപ്പോഴെത്തുമെന്ന മറുപടിയും ലഭിച്ചു. എന്നാല്‍ സമയമേറെ കഴിഞ്ഞിട്ടും ബസ് കാണാത്തതിനെത്തുടര്‍ന്നു വീണ്ടും വിളിച്ചപ്പോള്‍ ബസ് എടപ്പാള്‍ വിട്ടെന്നും ഉടന്‍ ഓട്ടോറിക്ഷ വിളിച്ചു ചെല്ലണമെന്നും കണ്ടക്ടര്‍ പറഞ്ഞു.

ബസ് അപ്പോളെത്തിയ സ്ഥലമേതെന്നതിനു കൃത്യമായ മറുപടിപോലും കണ്ടക്ടര്‍ക്കു നല്‍കാനായില്ല. ഇതോടെ യാത്രക്കാരി ചങ്ങരംകുളം, പൊന്നാനി പോലീസ് സ്റ്റേഷനുകളിലും കെ.എസ്.ആര്‍.ടി.സി.യുടെ തിരുവനന്തപുരം ഓഫീസിലും വിളിച്ചു വിവരമറിയിച്ചു. തുടര്‍ന്ന് ബസ് രാത്രി പത്തരയോടെ എടപ്പാളില്‍ തിരിച്ചെത്തി ഇനൂജയെ കയറ്റിപ്പോയി.

Content Highlights: KSRTC Super Deluxe Bus, KSRTC Passenger, Ticket Reservation

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented