ബസുകള്‍ സി.എന്‍.ജി.യിലേക്ക് മാറ്റാന്‍ താത്പര്യ പത്രം ക്ഷണിച്ച് കെ.എസ്.ആര്‍.ടി.സി.


എന്‍.പി. ഹരിദാസ്

ഏഴു വര്‍ഷത്തെ വാറന്റിയും വാര്‍ഷിക അറ്റകുറ്റപ്പണിയും ഉള്‍പ്പെടെയുള്ള നിബന്ധനകളോടെയാണ് താത്പര്യ പത്രം ക്ഷണിച്ചിരിക്കുന്നത്.

കെ.എസ്.ആര്‍.ടി.സി.യുടെ ഡീസല്‍ ബസുകള്‍ സി.എന്‍.ജി.യിലേക്ക് മാറ്റുന്നതിന് താത്പര്യ പത്രം ക്ഷണിച്ചു. മൂന്നു വര്‍ഷത്തിനുള്ളില്‍ 3000 ബസുകള്‍ സി.എന്‍.ജി.യിലേക്ക് മാറ്റുകയാണ് ലക്ഷ്യം. പരീക്ഷണാര്‍ത്ഥം അഞ്ച് കമ്പനികളുടെ ബസുകള്‍ സി.എന്‍.ജി. യിലേക്കു മാറ്റാനാണ് താത്പര്യ പത്രം ക്ഷണിച്ചത്. ഏഴു വര്‍ഷത്തെ വാറന്റിയും വാര്‍ഷിക അറ്റകുറ്റപ്പണിയും ഉള്‍പ്പെടെയുള്ള നിബന്ധനകളോടെയാണ് താത്പര്യ പത്രം ക്ഷണിച്ചിരിക്കുന്നത്.

ബസുകള്‍ സി.എന്‍.ജി.യിലേക്ക് മാറ്റുന്നതിനു സംസ്ഥാന ബജറ്റില്‍ 100 കോടി രൂപ വകയിരുത്തിയിട്ടുണ്ട്. ഇതുവഴി ഇന്ധനച്ചെലവിനത്തില്‍ മാത്രം പ്രതിമാസം 40 കോടിയോളം രൂപ ലാഭിക്കാമെന്നാണു പ്രതീക്ഷയെന്ന് കെ.എസ്.ആര്‍.ടി.സി. സി.എം.ഡി. ബിജു പ്രഭാകര്‍ പറഞ്ഞു. ഏലൂരിലെ ജിയോലെറ്റ് ഓട്ടോ ഗ്യാസ് ഇന്‍ഡസ്ട്രീസിനാണ് ഡീസല്‍ ബസുകള്‍ സി.എന്‍.ജി.യി ലേക്ക് മാറ്റുന്നതിന് സംസ്ഥാനത്ത് ആദ്യമായി ലൈസന്‍സ് ലഭിച്ചത്.

ജിയോലെറ്റ് 29 സ്വകാര്യ ബസുകള്‍ സി.എന്‍.ജി.യിലേക്ക് മാറ്റിയിട്ടുണ്ട്. 25 എണ്ണം കേരളത്തില്‍ സര്‍വീസ് നടത്തുന്നു. എറണാകുളം ജില്ലയില്‍ ഒമ്പത് സ്വകാര്യ ബസുകള്‍ സി.എന്‍.ജി.യില്‍ ഉണ്ട്. ഒരു ഡീസല്‍ ബസ് സി.എന്‍.ജി. യിലേക്ക് മാറ്റാന്‍ അഞ്ചു മുതല്‍ ഏഴു വരെ ദിവസങ്ങള്‍ വേണ്ടിവരും. നാലര ലക്ഷം രൂപ മുതല്‍ മുകളിലേക്കാണ് ചെലവ്.

സാധാരണ ഒരു ബസിന് ആറ് സിലിന്‍ഡറാണ് ഉപയോഗിക്കുന്നത്. ആറ് സിലിന്‍ഡര്‍ ഉള്ള ഒരു വാഹനം 300 കിലോമീറ്ററോളം ഓടുമെന്ന് ജിയോലെറ്റ് ഓട്ടോ ഗ്യാസ് ഇന്‍ഡസ്ട്രിസ് ടെക്‌നിക്കല്‍ ആന്‍ഡ് മാര്‍ക്കറ്റിങ് മാനേജര്‍ വര്‍ഗീസ് പി. ചെറിയാന്‍ പറഞ്ഞു. ചെറു ദൂരങ്ങള്‍ ഓടുന്ന വാഹനങ്ങള്‍ക്ക് ആറു സിലിന്‍ഡര്‍ മതി. എന്നാല്‍ ദീര്‍ഘദൂര ബസുകള്‍ക്ക് എട്ടു മുതല്‍ 10 വരെ സിലിന്‍ഡര്‍ വേണ്ടിവരും.

ഇന്ധനച്ചെലവ് പകുതിയാകും

ഏറ്റവും വലിയ പ്രശ്‌നം എന്നും കൂടിക്കൊണ്ടിരിക്കുന്ന ഡീസല്‍ വിലയാണ്. ബസുകള്‍ സി.എന്‍.ജി.യിലാക്കിയാല്‍ ഇന്ധനച്ചെലവ് 40 ശതമാനം മുതല്‍ 50 ശതമാനം വരെ കുറയ്ക്കാനാവും. പ്രതിദിന വരുമാനത്തില്‍ പകുതിയോളം ചെലവഴിക്കുന്നതു ഡീസലിനു വേണ്ടിയാണ്.

- ബിജു പ്രഭാകര്‍, സി.എം.ഡി., കെ.എസ്.ആര്‍.ടി.സി.

Content Highlights: KSRTC Invite Tender To Convert KSRTC Diesel Bus In To CNG

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented