ഇലക്ട്രിക് ബസുകളും സ്വിഫ്റ്റിന്; ശക്തമായ പ്രതിഷേധവുമായി കെ.എസ്.ആര്‍.ടി.സി. സംഘടനകള്‍


25 ഇലക്ട്രിക് ബസുകളാണ് വാങ്ങിയത്. 50 ഇലക്ട്രിക് ബസുകള്‍ ഇറക്കിയാല്‍ ഒരുമാസം ഡീസല്‍ച്ചെലവില്‍ 45 ലക്ഷം രൂപയുടെ ലാഭമുണ്ടാകുമെന്ന് മാനേജ്മെന്റ് അവകാശപ്പെടുന്നു.

സ്വിഫ്റ്റ് ഇലക്ട്രിക് ബസുകൾ | Photo: Social Media

കിഫ്ബി വായ്പയില്‍ വാങ്ങിയ ഇലക്ട്രിക് ബസുകള്‍ സ്വിഫ്റ്റിന് കൈമാറുന്നതിനെതിരേ കെ.എസ്.ആര്‍.ടി.സി.യില്‍ പ്രതിഷേധം ശക്തം. ഉദ്ഘാടം നടക്കുന്ന തിങ്കളാഴ്ച ഡിപ്പോകളില്‍ ഇലക്ട്രിക് ബസുകള്‍ തടയുമെന്ന് സി.ഐ.ടി.യു. പ്രഖ്യാപിച്ചപ്പോള്‍ ബി.എം.എസും ടി.ഡി.എഫും ഉദ്ഘാടനച്ചടങ്ങ് ബഹിഷ്‌കരിക്കാന്‍ തീരുമാനിച്ചു. പ്രതിഷേധമൊഴിവാക്കാന്‍ കുടിശ്ശികശമ്പളം നല്‍കാമെന്ന് മാനേജ്മെന്റ് വാഗ്ദാനം ചെയ്തെങ്കിലും യൂണിയനുകള്‍ വഴങ്ങിയില്ല.

ഇടതുപക്ഷസംഘടനയായ സി.ഐ.ടി.യു. ബസുകള്‍ തടയാന്‍ രംഗത്തിറങ്ങിയത് മാനേജ്മെന്റിനും സര്‍ക്കാരിനും ക്ഷീണമായി. ഉദ്ഘാടനവേദിയിലെ പ്രതിഷേധം ഒഴിവാക്കുന്നതിനാണ് മാനേജ്മെന്റ് തൊഴിലാളി യൂണിയനുകളെ ചര്‍ച്ചയ്ക്ക് വിളിച്ചത്. ജൂണിലെ ശമ്പളക്കുടിശ്ശിക ഉടന്‍ തീര്‍ക്കാമെന്നും ജൂലായ് മുതല്‍ മുടക്കമില്ലാതെ ശമ്പളം നല്‍കാമെന്നും ചര്‍ച്ചതുടങ്ങവേ സി.എം.ഡി. ബിജുപ്രഭാകര്‍ അറിയിച്ചു. ഓഗസ്റ്റ് 10-ന് മുമ്പ് ശമ്പളക്കുടിശ്ശിക പൂര്‍ണമായും തീര്‍ക്കുമെന്നും വാഗ്ദാനംചെയ്തു.

പലതവണ ഇക്കാര്യം ഉറപ്പുനല്‍കിയിട്ടും മാനേജ്മെന്റ് പാലിച്ചിട്ടില്ലെന്ന് തൊഴിലാളിനേതാക്കള്‍ തിരിച്ചടിച്ചു. ശമ്പളം നല്‍കിയിട്ട് മതി ഡ്യൂട്ടിപരിഷ്‌കരണം ഉള്‍പ്പെടെയുള്ളവ എന്ന നിലപാടില്‍ പ്രതിപക്ഷസംഘടകള്‍ ഉറച്ചുനിന്നു. സിറ്റി സര്‍ക്കുലര്‍ സ്വിഫ്റ്റിന് നല്‍കുന്ന തീരുമാനം ഒഴിവാക്കാന്‍ കഴിയില്ലെന്ന് സി.എം.ഡി. വ്യക്തമാക്കിയതോടെ യൂണിയന്‍നേതാക്കള്‍ പ്രതിഷേധം അറിയിച്ച് പുറത്തിറങ്ങി.

25 ഇലക്ട്രിക് ബസുകളാണ് വാങ്ങിയത്. 50 ഇലക്ട്രിക് ബസുകള്‍ ഇറക്കിയാല്‍ ഒരുമാസം ഡീസല്‍ച്ചെലവില്‍ 45 ലക്ഷം രൂപയുടെ ലാഭമുണ്ടാകുമെന്ന് മാനേജ്മെന്റ് അവകാശപ്പെടുന്നു. കരാര്‍ജീവനക്കാരെ നിയോഗിക്കുന്നതിനാല്‍ സ്വിഫ്റ്റിന് പ്രവര്‍ത്തനച്ചെലവും കുറവാണ്. ഇപ്പോഴത്തെ ഡീസല്‍ ബസുകള്‍ ഒരു കിലോമീറ്ററിന് 50 രൂപ നഷ്ടമാണുണ്ടാക്കുന്നത്. സിറ്റി സര്‍ക്കുലറില്‍ 800 സ്ഥിരജീവനക്കാരാണുള്ളത്. വൈദ്യുതബസുകളില്‍ ഡ്രൈവര്‍ കം കണ്ടക്ടര്‍മാരെ നിയോഗിക്കുന്നതിനാല്‍ ഇവരെ പുനര്‍വിന്യസിക്കാം. മറ്റു ജില്ലകളില്‍നിന്നുള്ള 100 സ്ഥിരജീവനക്കാരെ തിരിച്ചയക്കുകയും ചെയ്യാമെന്ന് മാനേജ്മെന്റ് പറയുന്നു.

Content Highlights: KSRTC Employees protest against Electric buses transfer to swift, Electric bus, Swift

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
amazon

2 min

4799 രൂപയുടെ ഹാന്‍ഡ്ബാഗ് 1047 രൂപയ്ക്ക് വാങ്ങാം; ഹാന്‍ഡ്ബാഗുകള്‍ക്ക് ഗംഭീര ഓഫറുകള്‍

Aug 9, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


swapna suresh

2 min

നിരോധിത സാറ്റലൈറ്റ് ഫോണുമായി കേരളത്തിലെത്തിയ യുഎഇ പൗരനെ രക്ഷിക്കാന്‍ മുഖ്യമന്ത്രി ഇടപെട്ടു- സ്വപ്‌ന 

Aug 8, 2022

Most Commented