ഓക്‌സിജനുമായി ഓടാന്‍ കെ.എസ്.ആര്‍.ടി.സി. ബസുകള്‍; ജീവന്‍ രക്ഷാ മരുന്നുകളും എത്തിക്കും


അനില്‍ മുകുന്നേരി

പ്രതീകാത്മക ചിത്രം | രേഖാചിത്രം: മാതൃഭൂമി

കോവിഡ് വ്യാപനമേറുമ്പോള്‍ ആരോഗ്യസംവിധാനങ്ങള്‍ക്ക് താങ്ങാകാന്‍ കെ.എസ്.ആര്‍.ടി.സി.യും. ജീവന്‍രക്ഷാമരുന്നുകളും ഓക്‌സിജനും എത്തിക്കാന്‍ ഡ്രൈവര്‍മാരുടെ സേവനം നല്‍കാന്‍ കോര്‍പ്പറേഷന്‍ നടപടിതുടങ്ങി. സംസ്ഥാനത്ത് വീടുകളില്‍ ചികിത്സയിലുള്ള കിടപ്പുരോഗികള്‍ക്കും ഓക്‌സിജന്‍ എത്തിക്കാന്‍ സംവിധാനമൊരുക്കുന്നുണ്ട്. മരുന്നും ലഭ്യതയനുസരിച്ച് വിവിധ ജില്ലകളില്‍ എത്തിക്കണം.

പ്രതിരോധനടപടികള്‍ക്ക് താമസം നേരിടാതിരിക്കാന്‍ വാഹനങ്ങളുടെ ആവശ്യമുണ്ട്. നിലവില്‍ സഹകരണസ്ഥാപനങ്ങളുടെ വാഹനങ്ങളിലാണ് സെക്ടറല്‍ മജിസ്ട്രേറ്റുമാരടക്കം കോവിഡ് നിയന്ത്രണപ്രവര്‍ത്തനങ്ങളില്‍ ഏര്‍പ്പെടുന്നത്. അത്യാവശ്യഘട്ടങ്ങളില്‍ വാഹനങ്ങള്‍ ഓടിക്കാന്‍ ഡ്രൈവര്‍മാര്‍ ഇല്ലാത്ത സ്ഥിതിയുമുണ്ട്. ഇത് ഒഴിവാക്കാനാണ് കെ.എസ്.ആര്‍.ടി.സി.യുടെ തയ്യാറെടുപ്പ്.

പാലക്കാട്, കണ്ണൂര്‍, കോഴിക്കോട് ഭാഗങ്ങളില്‍നിന്ന് മരുന്നും ഓക്‌സിജന്‍ സിലിന്‍ഡറുകളും തിരുവനന്തപുരത്ത് എത്തിക്കാന്‍ സേവനസന്നദ്ധരായ ഡ്രൈവര്‍മാരുടെ പട്ടിക യൂണിറ്റ് തലത്തില്‍ അടിയന്തരമായി തയ്യാറാക്കിനല്‍കാന്‍ മാനേജിങ് ഡയറക്ടറുടെ നിര്‍ദേശം ചൊവ്വാഴ്ച രാവിലെ ഡിപ്പോകളിലെത്തി.

സന്നദ്ധരായ ഡ്രൈവര്‍മാരുടെ വിവരം യൂണിറ്റ് ഓഫീസര്‍മാര്‍ സോണല്‍ ഓഫീസര്‍മാര്‍ക്ക് കൈമാറും. സേവനസജ്ജരായി നൂറുകണക്കിനുപേര്‍ ഇതിനകം രംഗത്തെത്തി. പല ഡിപ്പോകളില്‍നിന്നും 40 പേര്‍വരെ സന്നദ്ധത അറിയിച്ചിട്ടുണ്ട്. പാലക്കാട് 35 പേരുടെ പട്ടികയാണ് തയ്യാറാക്കിയിട്ടുള്ളത്. ഓക്‌സിജന്‍ സിലിന്‍ഡറുകള്‍ എത്തിക്കാന്‍ ഇവരെ ഉപയോഗപ്പെടുത്താനാണ് ഉദ്ദേശിക്കുന്നത്.

Content Highlights: KSRTC Bus, KSRTC Drivers, Oxygen Vehicle, Covid Second Wave

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented