നിയന്ത്രണം കഴിഞ്ഞെങ്കിലും 1935 ബസുകള്‍ക്ക് നിരത്ത് അന്യമാണ്, ലാഭിക്കുന്നത് ഇന്‍ഷുറന്‍സ് തുക മാത്രം


കെ.കെ. ശ്രീരാജ്

ഇത്രയും ബസുകള്‍ ഒരുവര്‍ഷം നിര്‍ത്തിയിടുന്നതിലൂടെ 1354 ലക്ഷം രൂപ ഇന്‍ഷുറന്‍സ് ഇനത്തില്‍മാത്രം ലാഭിക്കാമെന്നാണ് കെ.എസ്.ആര്‍.ടി.സി. കണക്കുകൂട്ടിയിരുന്നത്.

കോവിഡ് നിയന്ത്രണങ്ങള്‍ നീങ്ങിയിട്ടും നിരത്തിലിറങ്ങാതെ 1935 കെ.എസ്.ആര്‍.ടി.സി. ബസുകള്‍. ഇവയില്‍ മിക്കതും ചെറുറൂട്ടുകളിലോടുന്ന ഓര്‍ഡിനറി ബസുകളാണെന്നത് യാത്രാക്ലേശം കൂട്ടുന്നു. മാത്രമല്ല, മാസങ്ങളായി നിര്‍ത്തിയിട്ട ബസുകള്‍ പലതും തുരുമ്പുകയറി ഓടിക്കാന്‍ പറ്റാത്ത അവസ്ഥയിലുമാണ്. മേയ് മാസത്തിലാണ് കോവിഡ് പശ്ചാത്തലത്തില്‍ റൂട്ടുകള്‍ കുറയ്ക്കാന്‍ കെ.എസ്.ആര്‍.ടി.സി. തീരുമാനിച്ചത്.

കോര്‍പറേഷന്റെ 6185 ബസുകള്‍ ഡിപ്പോകളില്‍ നിലനിര്‍ത്തി. പരിപാലിക്കുന്നത് നഷ്ടമുണ്ടാക്കുമെന്നതിനാലാണിത്. 1935 ബസുകള്‍ 11 കേന്ദ്രങ്ങളിലായി സൂക്ഷിക്കാന്‍ തീരുമാനിക്കുകയായിരുന്നു. ഇത്രയും ബസുകള്‍ ഒരുവര്‍ഷം നിര്‍ത്തിയിടുന്നതിലൂടെ 1354 ലക്ഷം രൂപ ഇന്‍ഷുറന്‍സ് ഇനത്തില്‍മാത്രം ലാഭിക്കാമെന്നാണ് കെ.എസ്.ആര്‍.ടി.സി. കണക്കുകൂട്ടിയിരുന്നത്.

എന്നാല്‍, ഇങ്ങനെ സൂക്ഷിച്ചിരിക്കുന്ന ബസുകള്‍ പലതും ഉപയോഗിക്കാനാകാത്തവിധം നശിച്ചുകൊണ്ടിരിക്കുകയാണെന്നാണ് ജീവനക്കാര്‍ത്തന്നെ പറയുന്നത്. പലതും കാടുകയറി. നിര്‍ത്തിയിട്ട ബസുകള്‍ കൃത്യമായ ഇടവേളകളില്‍ പരിശോധിക്കണമെന്ന നിര്‍ദേശം കാര്യമായി നടപ്പായില്ല. ഇവ വീണ്ടും നിരത്തിലിറക്കല്‍ എളുപ്പമാവില്ലെന്നാണ് ജീവനക്കാര്‍ പറയുന്നത്.

ഈ ബസുകള്‍ പുറത്തിറങ്ങാന്‍ വൈകുന്നതിനനുസരിച്ച് നഷ്ടവും കൂടുമെന്നതാണ് നിലവിലെ സ്ഥിതി. ഡിസംബര്‍ 31 വരെ ബസുകളുടെ എണ്ണം കൂട്ടേണ്ടായെന്നാണ് അധികൃതര്‍ തീരുമാനിച്ചിരുന്നത്. കോവിഡ് പശ്ചാത്തലത്തില്‍ ബസുകളുടെ എണ്ണം കുറച്ച സമയത്തുതന്നെയാണ് ഈ തീരുമാനവും എടുത്തിരിക്കുന്നത്. കോവിഡ് നിയന്ത്രണം മാറിയിട്ടും ഈ നയം മാറ്റിയില്ല.

Content Highlights; KSRTC Bus, 1935 Services, Ordinary Bus Service, Bus Insurance


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022


KODIYERI VS

1 min

'അച്ഛന്റെ കണ്ണുകളില്‍ ഒരു നനവ് വ്യക്തമായി കാണാനായി; അനുശോചനം അറിയിക്കണം എന്നു മാത്രം പറഞ്ഞു'

Oct 1, 2022


cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022

Most Commented