ബസുകള്‍ ജനങ്ങളുടേത്, നഷ്ടം നികത്താന്‍ യാത്ര കെ.എസ്.ആര്‍.ടി.സിയില്‍ ആക്കണമെന്ന് മന്ത്രി ആന്റണി രാജു


കെ.എസ്.ആർ.ടി.സി ബസ്, മന്ത്രി ആന്റണി രാജു | ഫോട്ടോ: മാതൃഭൂമി

പാലക്കാട്: തദ്ദേശസ്ഥാപനങ്ങള്‍ ആവശ്യപ്പെട്ടാല്‍ രണ്ടാഴ്ചയ്ക്കുള്ളില്‍ പാലക്കാട് ജില്ലയിലും കെ.എസ്.ആര്‍.ടി.സി.യുടെ ഗ്രാമവണ്ടികള്‍ ആരംഭിക്കുമെന്ന് മന്ത്രി ആന്റണി രാജു. കെ.എസ്.ആര്‍.ടി.സി. ബസ് ടെര്‍മിനല്‍ ഉദ്ഘാടനച്ചടങ്ങില്‍ സംസാരിക്കുകയായിരുന്നു അദ്ദേഹം. കെ.എസ്.ആര്‍.ടി.സി. വാങ്ങുന്ന പുതിയ സൂപ്പര്‍ക്‌ളാസ് ബസുകള്‍ എത്തിയാല്‍ ഇവ ഓടിക്കാന്‍ പാലക്കാടിനെയും പരിഗണിക്കുമെന്നും മന്ത്രി പറഞ്ഞു.

കെ.എസ്.ആര്‍.ടി.സി. ജനങ്ങളുടേതാണെന്നും കെ.എസ്.ആര്‍.ടി.സി. ബസുകളില്‍ യാത്ര ചെയ്ത് സ്ഥാപനത്തിന്റെ നഷ്ടം നികത്താന്‍ ജനങ്ങള്‍ സഹകരിക്കണമെന്നും മന്ത്രി അഭ്യര്‍ഥിച്ചു. എം.എല്‍.എ. ഫണ്ടില്‍നിന്ന് മുഴുവന്‍ തുകയും ഈ പദ്ധതിക്ക് നീക്കിവെക്കാന്‍ തയ്യാറായ ഷാഫി പറന്പില്‍ എം.എല്‍.എ.യെ മന്ത്രി അഭിനന്ദിച്ചു.



പാലക്കാടിന്റെ വിസ്മയമാണ് പുതിയ ബസ് ടെര്‍മിനലെന്ന് പ്രതിപക്ഷനേതാവ് വി.ഡി. സതീശന്‍ പറഞ്ഞു. പാലക്കാട് ഡിപ്പോയില്‍ പാലക്കാട്ടുകാരായ കൂടുതല്‍ ജീവനക്കാരെ നിയമിക്കാനായാല്‍ കൂടുതല്‍ വികസനം സാധ്യമാകുമെന്ന് വി.കെ. ശ്രീകണ്ഠന്‍ എം.പി. പറഞ്ഞു. ജില്ലയില്‍ കൂടുതല്‍ വിനോദസഞ്ചാര സര്‍വീസ് ആരംഭിക്കണമെന്നും എം.പി. ആവശ്യപ്പെട്ടു.

ചടങ്ങില്‍ ജില്ലാ പോലീസ് മേധാവി ആര്‍. വിശ്വനാഥ്, വാര്‍ഡ് കൗണ്‍സിലര്‍ ഇ. ഫയ്‌റോജ, കെ.എസ്.ആര്‍.ടി.സി. ഓപ്പറേഷന്‍ എക്‌സി. ഡയറക്ടര്‍ ജി.പി. പ്രദീപ് കുമാര്‍, നോര്‍ത്ത് സോണ്‍ എക്‌സി. ഡയറക്ടര്‍ പി.എം. ഷറഫ് മുഹമ്മദ്, കെ.എസ്.ആര്‍.ടി.ഇ.എ. (സി.ഐ.ടി.യു.) സംസ്ഥാനസെക്രട്ടറി പി.എസ്. മഹേഷ്, കെ.എസ്.ടി. വര്‍ക്കേഴ്‌സ് യൂണിയന്‍ (ഐ.എന്‍.ടി.യു.സി.) സംസ്ഥാനസെക്രട്ടറി എം. ഷൗക്കത്തലി, കെ.എസ്.ടി.ഇ.എസ്. (ബി.എം.എസ്.) സംസ്ഥാനസെക്രട്ടറി കെ. രാജേഷ്, കെ.എസ്.ആര്‍.ടി.സി. ക്‌ളസ്റ്റര്‍ ഓഫീസര്‍ ടി.എ. ഉബൈദ് തുടങ്ങിയവര്‍ സംസാരിച്ചു.

Content Highlights: Kerala transport minister Antony Raju inaugurates KSRTC Bus terminal, KSRTC Bus


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


crime

1 min

കൊച്ചിയില്‍ വെട്ടേറ്റ് യുവതിയുടെ കൈ അറ്റു; പരിക്കേറ്റത് കഴുത്തിന് വെട്ടാനുള്ള ശ്രമം തടഞ്ഞപ്പോള്‍

Dec 3, 2022


Nasar Faizy

2 min

തുല്യ സ്വത്തവകാശത്തിന് പ്രതിജ്ഞ; കുടുംബശ്രീ മൗലികാവകാശം നിഷേധിക്കുന്നുവെന്ന് സമസ്ത നേതാവ്

Dec 3, 2022

Most Commented