പാത്തുംപതുങ്ങിയും പിടി വീഴില്ല, ഇനി എല്ലാം മൊബൈല്‍ ആപ്പില്‍ പകര്‍ത്തി നടപടി


മദ്യപിച്ച് വാഹനമോടിക്കുന്നവരെ പിടികൂടാന്‍ പഴയപോലെ പോലീസ് റോഡരികില്‍തന്നെ ഉണ്ടാവും.

തിരുവനന്തപുരം: ഗതാഗത നിയമലംഘനം നടത്തുന്നവരെ പോലീസ് ഇനി പാത്തുംപതുങ്ങിയും ഓടിച്ചിട്ടും പിടിക്കില്ല. ഇതിനായി തയ്യാറാക്കുന്ന മൊബൈല്‍ ആപ്പിലൂടെ ചിത്രം പകര്‍ത്തിയാകും നടപടി. നിയമലംഘനം രേഖപ്പെടുത്തി ക്രമക്കേട് കാട്ടുന്നവരില്‍നിന്ന് പിഴയീടാക്കുന്ന 'ടോട്ടല്‍ ഡിജിറ്റല്‍ ട്രാഫിക് എന്‍ഫോഴ്സമെന്റ്' സംവിധാനം അടുത്തമാസം പകുതിയോടെ പ്രാബല്യത്തില്‍ വരും. നാഷണല്‍ ഇന്‍ഫൊമാറ്റിക്സ് (എന്‍.ഐ.സി.) തയ്യാറാക്കുന്ന ആപ്പാകും കേരള പോലീസ് ഉപയോഗപ്പെടുത്തുക.

എന്‍.ഐ.സി. തയ്യാറാക്കുന്ന ആപ്പിനെ പോലീസിന്റെയും മോട്ടോര്‍വാഹന വകുപ്പിന്റെയും വിവരശേഖരവുമായി ബന്ധപ്പെടുത്തിയാണ് നിയമലംഘകരെ കണ്ടുപിടിക്കുക. നിയമലംഘനം നടത്തുകയാണെങ്കില്‍ അവ ആപ്പില്‍ രേഖപ്പെടുത്തും. ലംഘനം ആവര്‍ത്തിക്കുകയാണെങ്കില്‍ അക്കാര്യവും കണ്ടെത്താനാകും.

പോലീസുകാരുടെ സ്മാര്‍ട്ട്ഫോണുകളില്‍ ഇന്‍സ്റ്റാള്‍ ചെയ്യുന്ന ആപ്പിലൂടെയാകും നിയമലംഘനം പകര്‍ത്തുക. ഇതിനായി ഉദ്യോഗസ്ഥര്‍ക്ക് പ്രത്യേകം യൂസര്‍ ഐ.ഡിയും പാസ്വേഡും നല്‍കും. പകര്‍ത്തുന്ന ചിത്രത്തില്‍ നിയമലംഘനം നടന്ന തീയതി, സമയം, സ്ഥലം ഉള്‍പ്പടെ രേഖപ്പെടുത്തി അത് ഡിജിറ്റല്‍ ട്രാഫിക് കണ്‍ട്രോള്‍ സംവിധാനത്തിലേക്കയക്കും. ഇവിടെ ചിത്രം വിശകലനംചെയ്ത് പിഴത്തുക നിശ്ചയിച്ച് മോട്ടോര്‍ വാഹനവകുപ്പില്‍നിന്നുള്ള വിവരങ്ങളുടെ അടിസ്ഥാനത്തില്‍ ഉടമയ്ക്ക് പിഴയടയ്ക്കാനുള്ള നോട്ടീസ് നല്‍കും. ആപ്പിലൂടെയല്ലാതെ പകര്‍ത്തുന്ന ചിത്രങ്ങള്‍ അപ്ലോഡ് ചെയ്യാനാകില്ല. മദ്യപിച്ച് വാഹനമോടിക്കുന്നവരെ പിടികൂടാന്‍ പഴയപോലെ പോലീസ് റോഡരികില്‍തന്നെ ഉണ്ടാവും.

ഇതിനുപുറമേ നമ്പര്‍പ്ലേറ്റുകള്‍ തിരിച്ചറിയാനും മറ്റ് ഗതാഗതനിയമലംഘനങ്ങള്‍ കണ്ടെത്താനും സഹായിക്കുന്ന ക്യാമറകളും പ്രധാനയിടങ്ങളിലുണ്ടാകും. ഇവയെടുക്കുന്ന ചിത്രങ്ങളും കണ്‍ട്രോള്‍ റൂമിലെത്തും. ഇതുവഴിയും നിയമലംഘകര്‍ക്ക് പിഴയടയ്ക്കാനുള്ള നോട്ടീസ് നല്‍കും. പിഴയടയ്ക്കാന്‍ ഓണ്‍ലൈന്‍ സംവിധാനങ്ങളും ഒരുക്കും.

Content Highlights; kerala police going to use a mobile application for vehicle inspection

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
arvind kejriwal, sabu m jacob

1 min

കേരളവും പിടിക്കുമെന്ന് കെജ്‌രിവാള്‍; ട്വന്റി ട്വന്റിയുമായി ആം ആദ്മി പാര്‍ട്ടി സഖ്യം പ്രഖ്യാപിച്ചു

May 15, 2022


Nikhila Vimal

1 min

കോഴിക്കും മീനിനും ഇല്ലാത്ത ഇളവ് പശുവിന് എന്തിന്? ഞാൻ എന്തും കഴിക്കും- നിഖില വിമൽ

May 14, 2022


ജിഫ്രി മുത്തുക്കോയ തങ്ങൾ,എം.പി അബ്ദുള്ള മുസ്ലിയാർ

1 min

മുതിര്‍ന്ന പെണ്‍കുട്ടികളെ സ്റ്റേജിലേക്ക് വിളിക്കരുത്; പെണ്‍വിലക്കില്‍ സമസ്തയുടെ വിശദീകരണം

May 14, 2022

More from this section




Most Commented