വെള്ളംകയറി വാഹനം തകരാറായോ..? നഷ്ടത്തിന് ഇന്‍ഷുറന്‍സ് പരിരക്ഷയുണ്ട്


വാഹനങ്ങളുടെ നാശനഷ്ടവും വലിയ തോതിലുള്ള കേടുപാടുകളും പരിഹരിക്കുന്നതിനായുള്ള കേന്ദ്രീകൃത ഇന്‍ഷുറന്‍സ് നയത്തിന്റെ ഭാഗമായാണിത്.

അബുദാബി: ഇക്കഴിഞ്ഞ മഴയിലും വെള്ളപ്പൊക്കത്തിലും വാഹനങ്ങള്‍ക്കുണ്ടായ നാശനഷ്ടങ്ങള്‍ക്ക് ഇന്‍ഷുറന്‍സ് പരിരക്ഷ ലഭ്യമാക്കുമെന്ന് യു.എ.ഇ. ധനമന്ത്രിയും ഫെഡറല്‍ ഇന്‍ഷുറന്‍സ് വകുപ്പ് ചെയര്‍മാനുമായ സുല്‍ത്താന്‍ബിന്‍ സായിദ് അല്‍ മന്‍സൂരി വ്യക്തമാക്കി.

യു.എ.ഇ. ഫെഡറല്‍ നാഷണല്‍ കൗണ്‍സിലുമായി (എഫ്.എന്‍.സി.) ഇതുസംബന്ധിച്ച് നടന്ന യോഗത്തിലാണ് മന്ത്രി ഇക്കാര്യത്തില്‍ വ്യക്തത വരുത്തിയത്. മഴയും വെള്ളപ്പൊക്കവും ഇടിമിന്നലുമടക്കമുള്ള പ്രകൃതിദുരന്തങ്ങള്‍ മൂലം വാഹനങ്ങള്‍ക്കുണ്ടാവുന്ന നാശനഷ്ടങ്ങള്‍ക്ക് പരിഹാരമുണ്ടാക്കാന്‍ വാഹന ഇന്‍ഷുറന്‍സ് കമ്പനികള്‍ക്ക് ഉത്തരവാദിത്വമുണ്ട്.

വാഹനങ്ങളുടെ നാശനഷ്ടവും വലിയ തോതിലുള്ള കേടുപാടുകളും പരിഹരിക്കുന്നതിനായുള്ള കേന്ദ്രീകൃത ഇന്‍ഷുറന്‍സ് നയത്തിന്റെ ഭാഗമായാണിത്. നാശനഷ്ടങ്ങള്‍ക്ക് പരിഹാരം തേടി എഫ്.എന്‍.സി. ഫസ്റ്റ് ഡെപ്യൂട്ടി സ്പീക്കറായ ഹമദ് അഹമ്മദ് അല്‍ റഹൗമിയാണ് മന്ത്രിയുമായി സംസാരിച്ചത്.

വെള്ളം പൊങ്ങിയ റോഡുകളില്‍നിന്ന് വാഹനങ്ങള്‍ക്ക് കേടുസംഭവിച്ചവര്‍ക്ക് ഇതിനുള്ള പരിഹാരമായി ഇന്‍ഷുറന്‍സ് പരിരക്ഷ ലഭ്യമാക്കുമോ ഇല്ലയോ എന്ന കാര്യങ്ങളില്‍ സംശയമുണ്ടായിരുന്നു. എന്നാല്‍ കേന്ദ്രീകൃത ഇന്‍ഷുറന്‍സ് നയത്തിന്റെ ഭാഗമായി പ്രകൃതിദുരന്തങ്ങളില്‍ നേരിട്ടോ അല്ലാതെയോ കേടുസംഭവിച്ച വാഹനങ്ങള്‍ക്കെല്ലാം പരിരക്ഷ ഉറപ്പ് നല്‍കുമെന്ന് മന്ത്രി പറഞ്ഞു.

വാഹനയുടമകളും ഇന്‍ഷുറന്‍സ് സ്ഥാപനങ്ങളും വ്യവസ്ഥകളെക്കുറിച്ച് വായിച്ച് മനസ്സിലാക്കാന്‍ ശ്രമിക്കണമെന്നും മന്ത്രി അഭ്യര്‍ഥിച്ചു. ഇതുസംബന്ധിച്ച് വാഹന ഉടമകള്‍ക്കായി ബോധവത്കരണത്തിനൊരുങ്ങുകയാണ് ഇന്‍ഷുറന്‍സ് സ്ഥാപനങ്ങള്‍.

Content Highlights: Insurance Protection For Waterlogged Vehicle

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
poornima indrajith

'ഓക്കേ അല്ലേ..ഇതു പെര്‍ഫെക്റ്റ് ആണ്'; വീട് നിര്‍മാണത്തിനിടെ ഭിത്തി തേച്ച് പൂര്‍ണിമ

May 16, 2022


arvind kejriwal, sabu m jacob

1 min

കേരളവും പിടിക്കുമെന്ന് കെജ്‌രിവാള്‍; ട്വന്റി ട്വന്റിയുമായി ആം ആദ്മി പാര്‍ട്ടി സഖ്യം പ്രഖ്യാപിച്ചു

May 15, 2022


sabu jacob and pv sreenijan

1 min

കുന്നംകുളത്തിന്റെ മാപ്പുണ്ടോ, ഒരാള്‍ക്ക് കൊടുക്കാനാണ്- സാബുവിനെ പരിഹസിച്ച് ശ്രീനിജിന്‍

May 16, 2022

More from this section




Most Commented