ഇലക്ട്രിക് വാഹനങ്ങള്‍ക്ക് ഫുള്‍ സപ്പോര്‍ട്ട്; ഹോട്ടലുകളിലും മാളുകളിലും ഇനി വാഹനം ചാര്‍ജ് ചെയ്യാം


കെ.ആര്‍.കെ.പ്രദീപ്

സ്വന്തമായി പ്ലാന്റ് സ്ഥാപിക്കാന്‍ കഴിയാത്തവര്‍ക്ക് യൂണിറ്റിന് 70 പൈസ വാടക നല്‍കി സ്ഥലം ഏറ്റെടുക്കാനും പ്ലാന്റ് സ്ഥാപിക്കാനും അനര്‍ട്ടിന് പദ്ധതി.

പ്രതീകാത്മക ചിത്രം | രേഖാചിത്രം: മാതൃഭൂമി

സൗരോര്‍ജ ചാര്‍ജിങ് സ്റ്റേഷനുകള്‍ വ്യാപകമാക്കുന്നതിന്റെ ഭാഗമായി എം.സി. റോഡിലും ദേശീയ പാതയിലും വ്യാപകമായി ഇത്തരം സ്റ്റേഷനുകള്‍ അനുവദിക്കുന്നു. ഈ മാസം അവസാനത്തോടെ ഇതിന് തുടക്കംകുറിക്കാനാണ് ശ്രമം. റോഡരികുകളില്‍ 25 കിലോമീറ്ററിന് ഇടയിലാണ് ഹോട്ടലുകള്‍, മാളുകള്‍ എന്നിവിടങ്ങളില്‍ സൗരോര്‍ജ ചാര്‍ജിങ് സ്റ്റേഷനുകള്‍ സ്ഥാപിക്കുന്നത്.

ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുക എന്ന ലക്ഷ്യവും ഇതിനുണ്ട്. അനര്‍ട്ടാണ് സൗരോര്‍ജ പ്ലാന്റുകള്‍ക്ക് സഹായം നല്‍കുന്നത്. കോവളം-കൊച്ചി റൂട്ടില്‍ അടുത്തുതന്നെ സൗരോര്‍ജ സ്റ്റേഷനുകള്‍ ആരംഭിക്കും. 10 കിലോവാട്ടിന്റെയും 50 കിലോവാട്ടിന്റെയും സൗരോര്‍ജ പ്ലാന്റുകള്‍ ആണ് സ്ഥപിക്കുന്നത്. 500 കിലോവാട്ടിന്റെ സൗരോര്‍ജ പ്ലാന്റിന് ഏഴ് ലക്ഷം രൂപയോളം ചെലവുവരും. 50 ശതമാനം സബ്സിഡി ലഭിക്കും.

സ്വകാര്യ ഭൂമികളില്‍ ഭക്ഷണശാലയും ശൗചാലയവും ഉണ്ടെങ്കില്‍ പ്ലാന്റുകള്‍ അനുവദിക്കും. സ്വന്തമായി പ്ലാന്റ് സ്ഥാപിക്കാന്‍ കഴിയാത്തവര്‍ക്ക് യൂണിറ്റിന് 70 പൈസ വാടക നല്‍കി സ്ഥലം ഏറ്റെടുക്കാനും പ്ലാന്റ് സ്ഥാപിക്കാനും അനര്‍ട്ടിന് പദ്ധതി ഉണ്ട്. കെ.ടി.ഡി.സി. ഹോട്ടലുകള്‍, ബി.എസ്.എന്‍.എല്‍. സ്ഥലങ്ങള്‍, ഡി.റ്റി.പി.സി. കേന്ദ്രങ്ങള്‍ എന്നിവിടങ്ങളിലും സൗരോര്‍ജ പ്ലാന്റുകള്‍ സ്ഥാപിക്കാന്‍ നീക്കമുണ്ട്.

10 കിലോവാട്ടിന്റെ സോളാര്‍ ചാര്‍ജിങ് സ്റ്റേഷനുകളില്‍ ഇരുചക്രവാഹനങ്ങള്‍ ഓട്ടോറിക്ഷകള്‍ എന്നിവയ്ക്കാണ് റീചാര്‍ജ് ചെയ്യാനുള്ള അവസരം. 25 കിലോവാട്ടുമുതല്‍ മുകളിലോട്ടുള്ള ഇടങ്ങളില്‍ ഇലക്ട്രിക് കാറുകള്‍ക്കാണ് ചാര്‍ജിങ് സൗകര്യം. മാളുകളിലും ഹോട്ടലുകളിലും കേന്ദ്രീകരിച്ച് ചാര്‍ജിങ് സ്റ്റേഷനുകള്‍ അനുവദിക്കാന്‍ മുന്‍ഗണന നല്‍കും.

ഇത്തരം സ്ഥലങ്ങളില്‍ യാത്രക്കാര്‍ അര മണിക്കൂര്‍ ചെലവഴിക്കും എന്നുള്ളതുകൊണ്ടാണിത്. റോഡരികില്‍ തരിശായി കിടക്കുന്ന സ്ഥലങ്ങളില്‍ അനര്‍ട്ട് നേരിട്ട് സൗരോര്‍ജ ചാര്‍ജിങ് സ്റ്റേഷനുകള്‍ തുടങ്ങാനും പദ്ധതിയുണ്ട്.

Content Highlights: Electric Vehicle Charging Unit, Solar Charing Facility, Electric Vehicles

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
നരേന്ദ്രമോദി, നിതീഷ് കുമാര്‍

2 min

ചിലത് കാണാനിരിക്കുന്നതേയുള്ളൂവെന്ന് നിതീഷ് കുമാര്‍; മോദിയെ തളര്‍ത്തുമോ 2024?

Aug 12, 2022


priya varghees

1 min

റിസര്‍ച്ച് സ്‌കോര്‍ ഏറ്റവും കുറവ്; പ്രിയ വര്‍ഗീസിന്റെ വിവാദ നിയമനത്തില്‍ നിര്‍ണായക രേഖ പുറത്ത്

Aug 13, 2022


One of the Rajasthan Royals owners slapped me 3-4 times after I got a duck Ross Taylor reveals

1 min

ഡക്കായതിന് മൂന്ന് നാല് തവണ മുഖത്തടിച്ചു; ഐപിഎല്‍ ടീം ഉടമയ്‌ക്കെതിരായ വെളിപ്പെടുത്തലുമായി ടെയ്‌ലര്‍

Aug 13, 2022

Most Commented